1 Kɔrent 14:26 - mzwDBL

²⁶ Yabala, amee jaɔ? Saŋ bɛlbwa haa cheme la, bɛl dɛ tɛ yel, bɛl dɔ sipila waa haa dɛ hwela, bɛl ɡe dɔ waane Korowii aa baɡlo, bɛl ɡee bol wobofala, bɛl ɡee baɡle a mune. Hé ɡel waa haa dɛ ɛ la dɔ tɔnɔ tɛ nomɛlbwa.

1 Kɔrent 14:26 Referans Kwoze

Ɛfesos 5:19

ásɛ dɛ ɡel o wobol ne o yela do he bambile bini he bola dɛ́ɛ tɛ dɔŋa, dɛ́ɛ ɡo yela aa dɛ baɡle o waa la ne anɔ la aa dɛ kpɛɛro. Hé kpɔ silɛɛ dɛ́ɛ kpɛɛ he Dɔɔ he bambile bwa ne,

Tɔn Pɔɔl Aa Chwerɛ Rom Tena 14:19

Anomanta, a chɛ kɛ ya ɡel ya siwi swɛɛ waa aa dɛ ba deŋnesɔɔhna ne, ne waa aa dɛ ba ɡela ya dɔŋa che kiŋkiŋ ta.

1 Tesalonika 5:11

Anomanta, hɛ́ɛ do dɔŋa ɡbemba dɛɛ cha dɔŋa, ɡɛ haa dɛ ɛ nɔ.

Ɛfesos 4:16

Yan ɡee o bwadabi. Onee choŋri bwadabii la bwa, aa lawɛ dɔŋa kɛrɛdɛ dɛ bwa ɛ beŋkpoŋ dɛɛ cha dɔŋa, ásɛ dɛ won kpeɡ tel ɡɛ o mar aa doa. Dɔŋa nyinaa ɡela Yeesu Kristo bwadabii won kpeɡ ɡɛ dɛ do kpeɡri la.

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

2 Kɔrent 13:10

A waa n chwerɛ heyaa tɔn nɔ dɛ n ta he be balɛ mɔɔ la. N dɛ ɛ ɡɛ ásɛ dɛ bɛ sinyɛɡa ba kpɔ dɛɛ bol waa he be kpeɡri ya Dɔɔ la aa tɛ mɛ la ne. Korowii ŋɔ ń kpɔ a ɡɛ kpeɡri nɔ cha heya, o ta ŋɔe ŋɔ ń kpɔ chɔɡ heya.

2 Kɔrent 12:19

Yaa dɛ ŋɔ ken nɔ, he dɛ lii kɛŋɔ ya sɔnee yaa kwaa he be kɛɛ? Akai! Korowii siee yaa bola, pɛɛ ya ne Yeesu Kristo aa pɛa la nomanta. Yabala, wobɛlbwa yaa bol la, he wer waa yaa bola, ásɛ he won che kiŋkiŋ.

1 Kɔrent 14:40

Hɛ́ɛ ɛ wobɛlbwa ŋwɛnɛ aa maɡra ta dɛ bɛ wesaɡasaɡare dɛɛ ɛ.

Ɛfesos 4:12

Gɛɛ o ɛ dɛ cha nɛra bá ɡe won ɛ o toma dɛ́ cha dɔŋa Yéesu Kristo bwadabii la won do kpeɡri,

1 Kɔrent 14:27

Nɛra baa dɛ bol wobofala la, hé ɡel ba ɛ nɛra banɛ kɛɛ batoro ɡbo. A chɛ kɛ bá bol kaa tɛ dɔŋa, ásɛ bɛl ɡee baɡle a mun ásɛ nɛra no ɡɛ waa bola.

Tɔn Pɔɔl Aa Chwerɛ Rom Tena 1:13

Yabala, n dɛ nyin kɛ hé jemɛ kɛŋɔ saŋ bɛlbwaa n fe ɛɛ nyin kɛ ń ba he be, asɛ waa yon dɛɛ tɔ mɛ ŋwɛnɛ. N dɛ nyin ń dɔ he bane dɛ tɛ Yeesu Kristo kɛŋɔ maa dɔ bane le nɛra ba ɡe aa wola Juu tena ɛɛ bini la.

Tɔn Pɔɔl Aa Chwerɛ Rom Tena 12:7

Dɛ he dɔŋa toma kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ waa baɡla kpeɡri ɡee o tɛɛ naa, a chɛ kɛ hɛɛ baɡle.

Tɔn Pɔɔl Aa Chwerɛ Rom Tena 15:2

A chɛ kɛ ya bɛlbwa ɛɛ ɛ waa aa wera dɛɛ tɛ ya dɔŋa, ásɛ a cha ba, ásɛ ba won che kiŋkiŋ.

1 Kɔrent 14:2

dɛkalkɛŋɔ naate waa dɛ bol wobofala la, nɛra laa o bol dɛɛ tɛ. Korowiirii o bol dɛɛ tɛ. O cheɡɛ Korowii kpeɡri ta dɛɛ bol waa aa sɔah. Nɛra aa a waa no.

1 Kɔrent 14:15

Amee jaɔ? Mɛɛ soŋe Korowii n lileo nee, ásɛ dɛɛ soŋo n liire ɡe ne. Mɛɛ kpɔ n lilewee ɡo yela, dɛ́ kpɔ n liire ɡe ɡo ja.