1 Kɔrent 12:12 - mzwDBL

¹² Hé ta sie nyiŋi he bwadabii na, o ɛ kombir, kɛ o dɔ peɡra, asɛ a bwa pɛ dɛ ɛ bwadabii beŋkpoŋ. Gɛɛ Yeesu Kristo do.

1 Kɔrent 12:12 Referans Kwoze

Kolosi 3:15

Hé ɡel nyopɛo waa aa le Yeesu Kristo be la do he bambile bini wobɛlbwa ta, dɛkalkɛŋɔ Korowiirii yerɛ heyaa ŋɔ hé bwa ɛ beŋkpoŋ dɛ́ dɔ nyopɛo. Hé ɡel he sie ɛɛ su waa waa ɛa tɛ heya, hɛ́ɛ jaamo.

1 Kɔrent 12:27

He bwa ɛ beŋkpoŋ Yeesu Kristo bwadabii ta. He bwa pɛo dɛ ɛ o bwadabi.

Kolosi 2:19

dɛ vɛh o te kpɔe dɛ́ do Yeesu Kristo lɔɡa. Onee ya nyu, asɛ ya ɛ o bwadabii dɛɛ dɔ bokpeɡa o be, bɛlbwa lawɛ o dɔŋ kpoŋe kɛrɛdɛ ya ne o ɛ beŋkpoŋ, dɛ́ che pɛɛ yaa pɛa la ta dɛ ɡel yaa kpeɡ ɡɛ Korowii aa dɛ nyin.

Ɛfesos 4:4

Yeesu bwadabii lɔ beŋkpoŋ, o Domadɛɛɡe ɡe lɔ beŋkpoŋ, asɛ hwɛɡa Korowii aa le yaa ya bwa dɔ la ɡe ɛ beŋkpoŋ.

1 Kɔrent 10:17

Ya warɔ, kɛ paanoo beŋkpoŋ la yaa pɛa di la nomanta, ya ɛ beŋkpoŋ.

Ɛfesos 5:30

Ya bwa ɛ o bwadabii la pera.

Kolosi 1:18

Onee asɔre tena bwa nyu, ba ɡee o bwadabi. Onee tɔ sie komɛlbwa nɛ, dɛ tɔ sie ir seo ta nomɛlbwa nɛ, dɛkalkɛŋɔ on chɛ kɛ ó ɛ nomoa komɛlbwa nɛ.

Ɛfesos 5:23

dɛkalkɛŋɔ baalee ɛ o haah nyu te, kɛŋɔ Yeesu Kristo aa ɛ asɔre tena bwa nyu te la. Banee ɛ o bwadabi wɛɛ lɛɛ ba.

Ɛfesos 4:12

Gɛɛ o ɛ dɛ cha nɛra bá ɡe won ɛ o toma dɛ́ cha dɔŋa Yéesu Kristo bwadabii la won do kpeɡri,

Galaasia 3:16

Korowii Tɔn la baɡlɔ kɛŋɔ Korowii baɡɛ Abraham ne o naa nyoa. Korowii Tɔn la ta ŋɔe ŋɔ Korowii baɡɛ Abraham ne o naanar nyoa. Dɛ Abraham ne o naa. O baɡlɔ kɛŋɔ Abraham naa beŋkpoŋ, onee kɛ Kristo.

Kolosi 1:24

Taraken a do n som kɛ maa lɛ he wahala dɛɛ na. Wahala lole ń che Yeesu Kristo naa ta dɛ́ na tɛ asɔre tena baa ɛ o bwadabii la. Anomanta, a do n som kɛ maa dɛ ba wona na wahala aa kaa la ane, ásɛ a won tonɛ.

Ɛfesos 1:23

asɛ ba ɡe ɛ o bwadabi. Onee kana ɡa dɛ won su harɛ nɔ bwa, kɛ asɔre tena laanee ɡela o waa dɔ nyɛl ka tonɛ.

1 Kɔrent 12:7

Korowii Domadɛɛɡee tɛ nomɛlbwa kpeɡri ŋɔ ó kpɔ dɛɛ cha o bala.

1 Kɔrent 12:20

Ya bwadabii peɡra la koɡrɔ, kɛ bwadabii la te ɛ kombeŋkpoŋ.