1 Kɔrent 12:10 - mzwDBL

¹⁰ O tɛ bane kpeɡri ba won nyokpowaa ɛɛ, asɛ bane ɡe won che o kpeɡri la ta, dɛ́ won bol Korowii Wa aa dɛ ba bala kerekere. O ɡelɔ bane won jemɛ kon la soo waa dɛ ir nɛra nɛɛ ba che o ta dɛɛ ɛ wa, dɛ ɡel bane ɡe won bol wobofala, asɛ dɛ ɡel bane ɡe won wobofala mun baɡla dɛɛ baɡle nɛra.

1 Kɔrent 12:10 Referans Kwoze

1 Kɔrent 14:39

Yabala, hé ɡel he sie beɡre hɛɛ nyin kpeɡri Korowii be, ásɛ dɛ won kpɔ bol o wa, dɛ bɛ banɔ la baa dɛ bol wobofala la ŋwɛnɛ tɔ.

1 Jɔn 4:1

Yabala, he bɛ nɛra baa ŋɔa ba dɔ Korowii Domadɛɛɡe la, dɛ che o ta dɛɛ baɡle waa la dɛɛ yarada warawara. Hé pese ba, dɛ́ na kɛŋɔ kpeɡri baa dɔa la le Korowii Domadɛɛɡe la be kɛɛ? Dɛkalkɛŋɔ nɛra baa dɛ neɡre nɛra kɛŋɔ ba ɛ Korowii keamere ba harɛ nɔ ta bobɛlbwa pirim.

Amanesoma Mak Aa Chwera Tɔn 16:17

Nɛra baa yarada n waa la ɛɛ ɛ wejenaa, ásɛ nɛra na dɛ́ jemɛ kɛŋɔ n nɛraa ban. Baa dɔ kpeɡrii dɛ́ won che n sɔn ta dɛɛ doŋi kwaa aa dɛ ir nɛra nɛ. Korowii Domadɛɛɡe ɛɛ ir ba nɛɛ baa bol wobofala.

Joel 2:28

Korowii berɔ ŋɔ, “A habɔɔ la, mɛɛ tɛ nɛra bwa soo siwii n Doma la kohonaa, ásɛ he bibaala ne bihaahna bwa bol n waa aa dɛ ba chiɡa kerekere la, ásɛ he bonɔɔna na chaahna, ásɛ he banjeni dee deera.

Galaasia 3:5

Korowii Domadɛɛɡe nɔ waa tɛ heya, dɛɛ ɛ nyokpowaa he bini nɔ, dɛ Mosis Mmara ta teŋa waa o ɛ a bwa kɛɛ haa dɛ no o waa dɛ yaradaa la waa yɔ?

Amanesoma Mak Aa Chwera Tɔn 16:20

Asɛ o habɔteŋra la kaa bobɛlbwa dɛ kaa bol Korowii Waa la. Dɛ Korowii teŋɛ ba nɛɛ asɛ ba we-ɛɛla baa dɛ ɛ la ɡel nɛra jemɛ kɛŋɔ ba waa baa bola dɛɛ ɡaaɡe la ɛ kpela.

Wepila 2:2

N jemɛ he toma haa ɛa, ne he koeh, ne he bambile haa lawa, dɛ jemɛ kɛŋɔ haa nɛnchɔɡa waa nyin. He fa kari nɛra ba fa aa dɛ yerɛ ba te n toroma la, dɛ na kɛŋɔ ba ta n toroma ɛɛ, dɛ na kɛŋɔ ba ɛ nyosonteŋna.

1 Tesalonika 5:20

He bɛ he bala baa dɛ na chaahna la nyoa dɛɛ vɛh.

1 Kɔrent 13:8

Nɛnnyin ta jaɡa dɔe. Korowii waa baa cheɡɛ o kpeɡri ta dɛɛ bol bwa ɛɛ tonɔɔ tɔpebɛl wee. Wobofala baa cheɡɛ Korowii kpeɡri ta dɛɛ bol bwa ɛɛ teŋoo tɔpebɛl wee. Wejema ɡee ba tonɔɔ.

Tɔn Pɔɔl Aa Chwerɛ Rom Tena 15:19

ne wekpeɡa ne nyokpowaa Korowii Domadɛɛɡe la kpeɡri aa ɡela mɛɛ ɛ la bwa ɡelɔ he yarada Korowii waa nɔ. Taraken nɔ, le Jerusalam ka le Ilirikum le bwa, n bol Yeesu Kristo Amanesoma nɔ bela.

Tɔn Pɔɔl Aa Chwerɛ Rom Tena 12:6

Kpeɡri Korowii aa cha ya bwa ya dɔ kokoɡrɔ. A chɛ kɛ ya bɛlbwa kpɔ kpeɡri Korowii aa sune o nɛɛ dɛ tɛo la ɛ toma. Dɛ Korowii Waa bola kpeɡrii o kpɔ tɛɛ naa, a chɛ kɛ hɛɛ bola ɡɛ del he yarada aa doa.

We-ɛɛla 19:6

Pɔɔl kpɔ o nɔɔra dawɛ ba nɛ, asɛ Korowii Domadɛɛɡe ba so ba nɛ, asɛ baa bol wobofala, dɛɛ bol Korowii Wa.

We-ɛɛla 11:28

Dɛ ba bini bɛl sɔne Aɡabus. Korowii Domadɛɛɡe la ir o nɛ, asɛ o ir che dɛ na chaahna dɛ ŋɔ lɔrchɔɡe bɛl dɛ́ ba ba harɛ la ta bala. Kpela, a ɡɛ waa nɔ balɔ Klɔdeɔs kara dii saŋ.

We-ɛɛla 5:3

Belaa Pita bɔɔro ŋɔ, “Ananias, ɛrɛɛ he ɡel Bɔnsam won neɡre dɛ ɡel he ba neɡre Korowii Domadɛɛɡe la, dɛ kwaa he suuɡa la pera sɔh nɔɔ?

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

Amanesoma Jɔn Aa Chwera Tɔn 16:13

Kɛ dɛ Korowii Domadɛɛɡe waa dɛ chaɡle Korowii kasinteŋ waa la balaa, wɛɛ pili wobɛlbwa binii tɛ heyaa hé no a mun. O ɡbabir nyu bini waa laa wɛɛ ba bola baɡle heya. Anɔ la waa noa le Korowii be laanee wɛɛ ba bola, dɛ́ chaɡle heyaa waa a taa lɔ sie dɛɛ ba bala.

Amanesoma Jɔn Aa Chwera Tɔn 14:12

Kasinteŋ, n dɛ ŋɔ he be ŋɔ, nomɛlbwa waa yarada mɛ la, wɛɛ ɛ n we-ɛɛla dɔŋa bwa soo siwii. Wɛɛ won dɛɛ ɛ anɔ la aa ɡwaa n kwaa nɔ kwaraa, dɛkalkɛ mɛɛ berɔɔ kaa n Mɛɛ be.

Amanesoma Luk Aa Chwera Tɔn 24:49

Kɛ hé no, n ɡbabir ɛɛ tomɛ kon n Mɛɛ aa baɡɛ heyaa nyoa laanee he be. Anomanta, hé so bwɛjen nɔ ta ka tel kɛŋɔ kpeɡri la aa le nyundua ba he be.”

Hibru 2:4

Korowii ɡbaɡba cheɡɛ nyokpowaa ne wekpeɡa ɛɛ ta, ne o Domadɛɛɡe waa kpɔa bɔne nɛra ɡɛ waa dɛ nyin la ta dɛ di a danseɛ.

We-ɛɛla 11:27

A ɡɛ saŋ la, Korowii keamere bane le Jerusalam la Anteɔk.

1 Kɔrent 11:4

Baa bɛlbwa waa dɛ soŋe Korowii kɛɛ dɛ che Korowii Domadɛɛɡe la kpeɡri ta dɛɛ bol Korowii Wa, kɛ dɛ kpɔ kon bɔle o nyu la, waa duure kpɔe dɛɛ tɛ Yeesu Kristo.

1 Kɔrent 14:13

Naate waa cheɡɛ Korowii Domadɛɛɡe kpeɡri ta dɛɛ bol wobofala la, ó soŋe Korowii ásɛ o chao ó won dɛɛ baɡle a mun.