1 Kɔrent 11:7 - mzwDBL

⁷ Aa were kɛŋɔ baa ɡe kpɔ kon bɔle o nyu, dɛkalkɛŋɔ o do ɡɛ Korowii aa doa, dɛɛ baɡle Korowii jirima. Kɛ haah te dɛ baɡle baa jirima.

1 Kɔrent 11:7 Referans Kwoze

1 Kɔrent 11:3

N dɛ nyin kɛ he jemɛ kɛŋɔ Yeesu Kristoo baa bɛlbwa nomoa, asɛ baa ɛ haah nomoa, Korowii ɡe ɛ Yeesu Kristo nomoa.

Yela 8:6

He ɡelɔ o dɔ komɛlbwa kpeɡri a do o lɔɡa,

Mumpar 9:6

Nomɛlbwa waa kpo o dɔŋ la, ɡɛɛ o dɔŋ bɛl ɡe ɛɛ ba o kpoe, dɛkalkɛ ɡɛ Korowii aa doa laanee o ta nɛwɛnyini.

Mumpar 5:1

Kenii Adam naanar teŋɛ dɔŋa nɛ. Korowii aa ta nɛwɛnyina la, o ta ba ɡɛ o tenten aa doa.

Mumpar 3:16

Korowii ŋɔ haah la be ŋɔ, “Weweele binii hɛɛ ba tea kpoŋa, dɛ́ lolɛ bonyɛɡa bini. He sie ɛɛ beɡre he jaa nɛɛ, ásɛ o di kpeɡri he nɛ.”

Jems 3:9

O nee yaa jam Korowii waa ɛ ya Naa ne ya Mɛɛ la, dɛ berɛ kpɔ o tenten dɛɛ taah ya dɔŋa Korowii aa ta ba kɛŋɔ o tenten la.

Sɛɡla 12:4

Handɛɛɡe ɡelɔ o jaa ɛɛ dɔ jirima, kɛ haah waa kpɔ sihiih dɛɛ kpo o jaa la, do kɛŋɔ weela aa lɔ nɛn nɛ.

1 Kɔrent 11:6

Dɛ waa sɛh dɛ́ kpɔ kon bɔle o nyu ta naa, amɔ te bá fonɛ o nyu ta. A ta maɡrɛ kɛ ba fonɛ o nyu ta ɡe aa, amɔ te ó kpɔ kon dɛɛ bɔle o nyu ta.

2 Kɔrent 8:23

Taetos te la, n ne onee dɛɛ ɛ toma nɔ dɛɛ cha heya. Yabala baa ja o nɛɛ la ɡe la, asɔre tenaa lee ba. Ba nɛɛ Yeesu Kristo che dɔ sɔn.