1 Kɔrent 1:17 - mzwDBL

¹⁷ Yeesu Kristo fe ta men tomɛ ŋɔ ń baa sɔ nɛra Korowii ne. O ŋɔ ń ba bol Amanesoma la nɛra be, kɛ n bɛ n ɡbaɡba wejema ne nyotor kpɔ dɛɛ bol waa la, ásɛ Yeesu sewa waa sewɛ daɡaɡre ta la bɛ pɛɛpɛɛ ɛ.

1 Kɔrent 1:17 Referans Kwoze

1 Kɔrent 2:1

Yabala, a ɡɛ saŋ n fa aa ba he be dɛ ba di Korowii waa danseɛ he be la, nyotor ne nɛwɛnyini wejema laa n kpɔ bol waa baɡle heya.

1 Kɔrent 2:13

Yaa dɛ bol waa nɔ, yaa nɛwɛnyini wejema ta cheɡɛ dɛɛ bola. Korowii Domadɛɛɡe laanee dɛɛ baɡle yaa waa yaa bol. Anɔ la waa bol la, anee ya ɡe kpɔ dɛɛ baɡle o wa.

2 Pita 1:16

Ya Dɔɔ Yeesu Kristo kpeɡri waa dɔa ne o bala waa la yaa bol he be la, a ta waa yaa kpɔ liire dɛ teŋe nyosone ɛɛ. Ya ɡbaɡba kpɔ sie na ɡɛ o wa aa dɔ nyɛl kohona.

2 Kɔrent 10:10

Bane ɛɛ ŋɔɔ, “Pɔɔl tɔne nyoa kpeɡri to. Kɛ he na o ɡbaɡba aa, waa kpeɡe. O wobol ɡba ta wale dɔe.”

2 Kɔrent 4:2

Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.

Amanesoma Jɔn Aa Chwera Tɔn 4:2

Kasinteŋ, dɛ Yeesu ɡbaɡba aa nɛra Korowii nee sɔ. Dɛ o habɔteŋra laanee dɛɛ sɔ ba Korowii ne.

2 Kɔrent 11:6

Bɛl lole n nyoa ken ta chaahnɛ wobol ta, kɛ wejema te, n dɔɔ. Wobɛlbwa yaa jema ɡe la, ya ɡelɔ a bini chaah he jemɛ a bwa ŋwɛnɛ bɛlbwa ta.

We-ɛɛla 10:48

Belaa Pita ŋɔ bá sɔ ba nee Yeesu Kristo sɔn ta. Baa sɔ nɛra la nee tonɛ la, ba ɡelɔ Pita so ba be tɔpera anɛ.

Amanesoma Jɔn Aa Chwera Tɔn 4:1

Farisii tena la noɔ kɛŋɔ Yeesu berɔ dɛɛ dɔ nɛra kohona dɛɛ sɔ nɛra Korowii nee kohona dɛɛ ɡwaa Jɔn.

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.