Yahuza 1:9 - Nyaa Shɔɔ Ɓɔɔ Laa a Ɓɛɛ

⁹ Naa dòo Maakel ɓɔɔ wukɔ kpanti zang nyaa shonang Laa ɓɔɔ ri ka lapa ɓɛɛ, ka ɓɔɔ ri laa zɔɔ nyaa nɛɛ Sheetang ka yuu vɔrɔ Musa, dãa Sheetang kpang. Kɔɔ wu katɔ waati nɛɛ “Laa wu dang mɔɔ jĩng.”

Yahuza 1:9 Referans Kwoze

2 Bituru 2:11

Dòo zang nyaa shonang Laa ɓɔɔ ri ka lapa ɓɔɔ ri ɓa rɛɛ maalang ɓɔɔ ri tusu zang vuu sèé keɓe kaka katɔ nɛɛ bannang, ri dãlɛ ri nɔngkɔ ka tĩng Laa kpang.

Vuu ɓɔɔ zang nwangsɛ Yɔhana 12:7

A sĩiri yupaa ka lapa. Zang nyaa shonang Laa ɓɔɔ ka lapa ɓɛɛ ɓɔɔ bang, ɓɔɔ zang ɓaa wu nɛɛ Maakel ɓɛɛ, nɛɛ rɛɛ zang nyaa shonang Laa ɓɔɔ ri ka lapa ɓɛɛ, ɓɔɔ ri nɛɛ wu ri ta sĩiri nɛɛ sɔkɔ bang kaɓa. Sɔkɔ bang nɛɛ rɛɛ zang nyaa shonang Laa ɓɔɔ ka lapa, ɓɔɔ ri dũng ɓarɛ kaa sɔkɔ keɓe, ri taarɛ yuu gbãng gbãng.

1 Bituru 3:9

Zang ɓɔɔ nɛɛ pàlɛ̀ nɔɔ shi kpang, nɔ́ɔ ti palɛ ri doo shi kpang kɔ kpang. Zang ri nɛɛ dãa nɔɔ, nɔ́ɔ ti dãa ri jong kpang. Nɔɔ gàa ri manɛ Laa kɔ jong, wu pàlɛ̀ ri tɔ̃ɔ, ka ruu ɓɔɔ, Laa shɛ̃ɛrɛ nɔɔ nɛɛ wu pàlɛ́ nɔɔ tɔ̃ɔ ɓɛɛ.

1 Tesalonika 4:16

Laa naa mɛɛ nyaa nabm, a zang bang rɛɛ zang nyaa shonang Laa ɓɔɔ ri ka lapa ɓɛɛ, naa rang yee, a zang ri tãa yee vuukãng ɓɔɔ Laa jee ɓɛɛ. Tɔ̀ɔ, Kpanti Yeesɔ nɛɛ yuu ɓiɓɛ wu naa shooro kaa nɛɛ lapa zang ɓɔɔ ri shing danggn tɔ ka bii Yeesɔ a ri vɔlɔ ɓɛɛ, rikɔ yupaa ningkãari shɔɔnang.

Maraku 15:29

Zang ɓɔɔ ri tɛɛ gbalang, ri rang wu nyaa gɛ̃gɛ̃ɛ, ri ti waa yuu ɓarɛ, ri kɔɔ wu tɔɔ, “Mɔɔ tɔɔ mɔɔ zunung ɓɔɔ mɔɔ jili Gãa Laa, mɔɔ mãa ɓɔɔgn ka diki taati katɔ.