Yahudi 12:2 - Nyaa Shɔɔ Ɓɔɔ Laa a Ɓɛɛ

² Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 12:2 Referans Kwoze

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Filipi 1:6

N yaa gn naa kpang, Laa ɓɔɔ gaayu shonang tɔ̃ɔ kaɓa ka yeti manɛ, naa hangsɛ shonang keɓe ditɔ ka diki ɓɔɔ Yeesɔ Kirisi naa jɛ̃ɛ zang ruu ɓɛɛ.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

Yɔhana 6:40

Ka ruu ɓɔɔ, Daa mɛɛ kasɛ nɛɛ zang ɓɔɔ nɛɛ shing jĩng ka bii mɛɛ ɓɔɔ n Jaa, nɛɛ ti shing danggn ka bìí mɛɛ, wu walɛ suru bii ɓɔɔ waa nyaa kpang ɓɛɛ. N ti naa wisi wu paa, n a wu suru bii ka diki ɓɔɔ koo waa nyaa ɓɛɛ.”

1 Bituru 3:22

Yeesɔ Kirisi daa tɔ ka lapa, nwàng ɓi kaa nɔng nwannang bang ka nakn Laa. Ti roo kpanti jong ka yuu rɛɛ zang nyaa shonang Laa ɓɔɔ ri ka lapa nɛɛ rɛɛ suru ɓɔɔ naa vuu palɛnang ɓarɛ kagn piti.

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Luka 24:26

Nɔɔ zi kpang nɛɛ Kirisi dang jĩng vuu keɓe ka gbongkarɛ, tɔ̀ɔ, zang a wu bannang ɓiɓɛ kpang ya?”

Yahuza 1:21

Nɔɔ yiti yuu manɛ ka kasɛnang ɓɔɔ Laa kasɛ nɔɔ ɓɛɛ, ka ɓɔɔ nɔɔ gã Kpanti ɓuru Yeesɔ Kirisi wu pàlɛ̀ ruu tɔ̃ɔ, wu a ruu suru bii ɓɔɔ waa nyaa kpang ɓɛɛ.

Yahudi 8:1

Gbãng gbãng ruu ɓɔɔ ruu kɔɔrɔ ɓɛɛ keɓe. Kpanti zang ɓɔɔ ri dɔɔ Laa vuu, ɓɔɔ ɓuru kagn naa weɓe, ɓɔɔ nwang ka nakn laa nwannang Kpanti Laa ɓɔɔ bannang piti ɓi ɓɔɔ ɓiɓɛ ɓɛɛ, ka lapa.

2 Timoti 4:8

Kãntang keɓe, Laa shing vuu ɓɔɔ wu a m ɓɛɛ tɔ, vuu ɓɔɔ wu a zang ɓɔɔ palɛ vuu ɓɔɔ wu kasɛ ɓɛɛ. Kpanti Yeesɔ Kirisi ɓɔɔ jɛ̃ɛ zang ruu ɓi tɔ̃ɔ, naa a m vuu keɓe ka diki ɓɔɔ wu jɛ̃ɛ zang ruu kagn ɓɛɛ. A nkɔ ka bm kpang, a zang piti ɓɔɔ ri kasɛ wu, ri gãng jĩng diki ɓɔɔ wu gbãayu kagn ɓɛɛ.

Filipi 3:20

Rùu ɓuru zang lapa kɔ jong, a ruu shu jĩng, ruu gã Kpanti ɓuru Yeesɔ Kirisi, ɓɔɔ wu tá yuu ɓuru ɓɛɛ, wu a nɛɛ lapa.

Maraku 14:36

A gaa Laa tɔɔ, “Daa mɛɛ, vuu ɓɔɔ kpãa mɔɔ ɓaa kagn gbete kpang. Kɔsɔ m jĩng dannang keɓe katɔ. Wu vuu ɓɔɔ yeti mɛɛ kasɛ ɓɛɛ kpang, palɛ ɓaa vuu ɓɔɔ yeti ɓaaɓɛ kasɛ ɓɛɛ.”

Vuu ɓɔɔ zang nwangsɛ Yɔhana 2:8

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Simina ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ wukɔ ka tĩng shɔɔnang wukɔ ti waa nyaa knti ɓɛɛ, ɓɔɔ vɔrɛ, a yupaa tɔkn ningkãari ɓɛɛ.

Yahudi 13:13

Ka ruu nɔngkɔ, ruu yaa zang ɓuru ta, ruu daa nɔɔ, ka bii ɓiɓɛ ka knti gari, yusɛ̃ɛ wu túu ruu jong nɛɛ wu.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

Yɔhana 13:3

Yeesɔ ti zi tɔ, nɛɛ Daa ɓiɓɛ a wu naa vuu palɛnang tɔ nandon. Ti zi tɔ nɛɛ wu à nɛɛ bii Laa, nɛɛ wu ti gbãayu ka bii Laa ka nɔng.

Luka 17:5

Zang ɓɔɔ Yeesɔ shɛ̃ɛrɛ katɔ, ri kɔɔ wu tɔɔ, “Yi ruu naa jong bii, rúu shing danggn ka bìí Laa gbãng gbãng.”

Maraku 9:24

A dáa jaa mɛɛ nyaa ka lapa nabm tantɛnang tɔɔ, “N shing danggn tɔ, yi m naa kagn. N shing danggn ka bii ɓaaɓɛ gbãng gbãng.”

Yahudi 12:3

Nɔɔ rɛ̃rɛ karɛ ka yuu Yeesɔ ɓɔɔ mã danggn ka jĩng ɓɔɔ wu dangnɛ ka ɓɔɔ zang bɛ̃ɛ wu ɓɛɛ, tɔ̀ɔ, nɔɔ lee kaa takpang, nɔɔ ti yaa gn naa kpang.

Afisa 2:16

Ka vɔrɔ ɓɔɔ Yeesɔ Kirisi vɔ ka yuu laa, wukɔ ningsi jĩng ɓɔɔ bɛ̀ɛ́ ri shing nɛɛ zɔɔ kpang ɓɛɛ. Zɔ̃ng zang ziti keɓe, Yeesɔ ɓakɛ ri yuu nɛɛ bii laa ɓɔɔ zang ɓáa wu naa kagn ɓɛɛ, a sũuru ri tɔkn nɛɛ Laa.

Zang Shonang Yeesɔ 5:41

Rɛɛ zang shonang Yeesɔ ri yaa nɔng ruu jɛ̃ɛnang ri tãa ɓarɛ tĩnang, nɛɛ Laa zirɛ ri daa naa ɓɔɔ ri dang jĩng ka ruu nung Yeesɔ tɔ.

Yɔhana 12:32

Zang nɛɛ naa ɓaa m naa tɔ ka laa, a zang wisi m paa, tɔ̀ɔ, n naa gɔ̃ɔ zang piti, ri a ka bii mɛɛ.”

1 Bituru 1:11

Suru Kirisi ɓɔɔ nwang ka yeti ɓarɛ kɔɔrɔ ri naa ɓɔɔ Kirisi naa dang jĩng, tɔ̀ɔ, zang naa a wu bannang kati ɓɛɛ. Ri kãa nɔng, ri kasɛ nɛɛ ri zi làa ɓɔɔ zang naa pálɛ̀ vuu keɓe kagn, nɛɛ naa ɓɔɔ zang naa pálɛ̀ ɓɛɛ.

Yahudi 10:14

Nɛɛ vuu dɔɔnang ɓɔɔ gbete ɓɔɔ dòndòng keɓe, Kirisi shing tɔ, zang ɓɔɔ zang kɔsɔ ri vuu shi kpang ɓarɛ tɔ, ri nwang tɔ nyaa kiiri.

Yɔhana 12:24

N kɔ̀ɔ́ nɔɔ ruu ɓɔɔ niizang kɔ nwani, naa zang ɓaa jĩng zee ka tipi kpang, nwang ɓi ka nɔngkɔ, jĩng zee gbete. Zang nɛɛ ɓaa tɔ, wu tarɛ, wu shing jĩng kaa gaagaa.

Yɔhana 8:56

Daa manɛ Ibirayi tãa tĩnang dɔɔli, ka ɓɔɔ Laa kɔɔ wu nɛɛ wu zi diki ɓɔɔ n a kagn ɓɛɛ. Ti zirɛ a tãa tĩnang dɔɔli.”

Yɔhana 1:29

Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Luka 23:11

A kpanti Hiridu nɛɛ zang sɔɔja ɓiɓɛ, ri palɛ wu vuu yusɛ̃ɛ, a ri kpaa wu. A ri hãa wu fɔ̃ɔrɔ ɓɔɔ kpanti ri hãlɛ ɓɛɛ ka bii. A kpanti Hiridu sɔɔrɔ wu ka bii kpanti Bilatu.

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Matiyu 16:21

Yeesɔ gàa zang ɓɔɔ ri mantɛ vuu ka bii ɓiɓɛ tɔɔsung yee rannang ka diki kaɓa, nɛɛ wu daa Urushalima ditɔ. Wu daa dang jĩng ditɔ gbãng gbãng, ka naa zang bang gãa Laa, nɛɛ rɛɛ Kpanti zang ɓɔɔ ri dɔɔ Laa vuu, nɛɛ zang ɓɔɔ ri tusu zang vuu ɓɛɛ. Ri naa nyɔ wu vɔrɔ kati. A Laa naa wisi wu paa ka lee ɓɔɔ diki daa taati ɓɛɛ.

Vuu ɓɔɔ zang nwangsɛ Yɔhana 1:17

Ɓɔɔ n zi wu, n watɛ ka tĩng ɓiɓɛ naa zang ɓɔɔ vɔ katɔ ɓɛɛ. A arɛ shing nakn ɓiɓɛ ka bii mɛɛ, a kɔɔ m nɛɛ “Mɔɔ kaa vɔrɔ kpang, Nkɔ zang tĩng shɔɔnang, nkɔ ti gɔɔ zang nyaa.

Vuu ɓɔɔ zang nwangsɛ Yɔhana 1:11

Kɔ̀ɔ́ m nɛɛ, “Tuu labeenang mɔɔ bée vuu kɔ mɔɔ zili ɓee, mɔ́ɔ shòng zang ɓɔɔ ri dũng Laa ka Gãa Laa manziti kaɓa. Gãa Laa ɓɔɔ ri ka gari Afisa nɛɛ gari Simina nɛɛ gari Pagamu, nɛɛ gari Tayatira nɛɛ gari Sadisu, nɛɛ ɓɔɔ gari Filadifiya a ɓɔɔ gari Lawodikiya ɓɛɛ.”

Yahudi 7:19

Ka ruu ɓɔɔ, nyaa dannang Musa shing vuu ɓɔɔ ɓi jong wu nwang nyaa kiiri kpang ɓɛɛ. A kãntang keɓe, Laa atɛ vuu ɓɔɔ waasɛ̃ tɔ, ɓɔɔ ri shíng gn kagn ɓɛɛ, tɔ̀ɔ, ruu a kaa bii ɓiɓɛ naabm.

Yahudi 1:13

Laa kɔɔ zang nyaa shonang ɓiɓɛ ɓɔɔ ri ka lapa gbete gngn kpang nɛɛ, “Nwang ka nakn mɛɛ ka gbongkarɛ. Ń risi zang ɓɔɔ ri shing jĩng nɛɛ mɔɔ kpang, ri nwang laa ɓɔɔ mɔɔ naa doo kagn ɓɛɛ,” kpang.

Zang Shonang Yeesɔ 2:36

“Ka ruu nɔngkɔ, zang Isirela, nɔɔ zi ta tɔ̃ɔ tɔ̃ɔ nɛɛ Yeesɔ ɓɔɔ nɔɔ ɓaa wu naa ka laa keɓe, Laa shing kaa wukɔ nwàng Kpanti, wukɔ ti Kirisi zang ɓɔɔ Laa tɔɔ, wu naa a ɓɛɛ.”

Maraku 9:12

Yeesɔ kasɛ ri nyaa tɔɔ, “Iliya kɔ a shɔɔnang niizang, tɔ̀ɔ, wu shĩili vuu ka tɔkn waasɛ̃. A ti hɛ̃ɛ ri nɛɛ, a ka ruu vi zang beeyi tɔɔ, Jaa Shɔnzang naa dang jĩng ditɔ, zang ti naa bɛ̃ɛ wu viya?

Vuu ɓɔɔ zang nwangsɛ Yɔhana 1:8

Kpanti Laa kɔɔyi tɔɔ, “Nkɔ ka tĩng shɔɔnang, nkɔ ti waa nyaa knti.” N nwàng ningkãari kãntang keɓe, n ti nwang ningkãari bɛ̀ɛ́ zang mãa koo gn kpang, n ti naa a ditɔ ka koo tɔkn. Nkɔ kpanti ka yuu vuu piti.

Yahudi 11:36

Zang ɓɔɔ zang kpaa ri, a zang nyɔ ri nɛɛ gbãa. A zang ɓɔɔ zang mã̀lɛ̀ ri nɛɛ saka, zang tɛ̃ɛ ri ka sãa.

Yahudi 10:33

Lee ɓɔɔ zang dãa nɔɔ, a zang dang nɔɔ jĩng ka jĩng zang piti. A lee ɓɔɔ nɔɔ daa ka bii zang ɓɔɔ zang palɛ ri nɔngkɔ, nɔɔ mã ri danggn.

Maraku 16:19

Kpanti Yeesɔ hangsɛ ri nyaa yee rannang tɔ, Laa tuu wu kaa ningkãari daa nɔng ka lapa. A daa nwáng ka naa nakn Kpanti Laa.

Zang Shonang Yeesɔ 3:15

Nɔɔ nyɔ zang ɓɔɔ zang wàlɛ́ suru bii ka bii ɓiɓɛ kɔ ɓɛɛ. A Laa wisi wu paa nɛɛ sàa, rùu zi wu nɛɛ jĩng ɓuru.

1 Koranti 1:18

Zang ɓɔɔ ri shàarɛ́ kana, ri kɔɔ ɓarɛ nɛɛ, vɔrɔ ɓɔɔ Kirisi vɔ ka yuu laa ɓi vuu shoko waati. Ɓɔɔ ɓuru, ɓɔɔ Laa ta yuu ɓuru kana, ruu zi ɓuru tɔ nɛɛ, naa vuu palɛnang Laa kagn ka vɔrɔ ɓɔɔ Yeesɔ vɔ ɓɛɛ.

1 Koranti 1:23

A ruu kɔ̀ɔrɔ́ zang ɓuru ruu Yeesɔ Kirisi, ɓɔɔ zang ɓaa wu naa ka laa ɓɛɛ. Ruu keɓe làsɛ́ rɛɛ zang Yahudi yeti katɔ, zang ɓɔɔ ri kɔɔ ɓarɛ nɛɛ ɓi ruu shoko.

Yakubu 2:1

Manzung, nɔ́ɔ palɛ vuu dang gbete kpang. Ka ruu ɓɔɔ, nɔɔ shing danggn tɔ ka bii kpanti Yeesɔ Kirisi ɓɔɔ zang a wukɔ bannang ɓa zang piti ɓɛɛ.

Maraku 15:28

[Vuu keɓe nwang kaa naa ɓɔɔ zang nyaa shonang Kpanti Laa bee ka tĩng tɛ̃ɛ tɛ̃ɛ ɓɛɛ. Zang nyaa shonang Laa beeyi tɔɔ, “Wu naa vɔ nɛɛ zang ɓɔɔ palɛ vuu shi kpang ɓɛɛ.”]