Yahudi 11:10 - Nyaa Shɔɔ Ɓɔɔ Laa a Ɓɛɛ

¹⁰ Ka ruu ɓɔɔ, shing jĩng ɓi ka tĩng ka gari ka lapa ɓɔɔ zang loo doo ɓiɓɛ katɔ, ɓɔɔ ɓi Laa kɔ dĩi doo ɓiɓɛ, a mãayi ɓɛɛ.

Yahudi 11:10 Referans Kwoze

Yahudi 13:14

Ka ruu ɓɔɔ, gari ɓɔɔ ɓi ɓɔɔ ɓuru gbinggbing kagn koo keɓe kpang ɓɛɛ. Ruu kãa ɓuru gari ɓɔɔ naa a ɓɛɛ.

Filipi 3:20

Rùu ɓuru zang lapa kɔ jong, a ruu shu jĩng, ruu gã Kpanti ɓuru Yeesɔ Kirisi, ɓɔɔ wu tá yuu ɓuru ɓɛɛ, wu a nɛɛ lapa.

Yahudi 12:22

Nɔɔ à manɛ ka kɔpɔ Siyona, a ɓɔɔ ka gari bang ɓɔ̀ɔ́ Laa ɓɔɔ ɓi ningkãari ɓɛɛ. Gari keɓe wukɔ Urushalima ɓɔɔ ka lapa ɓɛɛ. Nɔɔ a manɛ ka nɔng ɓɔɔ rɛɛ zang nyaa shonang Laa ɓɔɔ ri ka lapa, ɓɔɔ ri ɓa naa ɓɔɔ zang gã katɔ, ri kpalɛ zɔɔ ri dɔ̀ɔ́ Laa, ri tãa tĩnang ɓɛɛ.

2 Koranti 5:1

Ruu zi tɔ, diki ɓɔɔ bii ɓuru kɔ nwàng naa putali nɛɛ tantɛ tɔ, Laa naa a ruu bii ditɔ ka lapa, ɓɔɔ ruu naa nwang kagn. Bii ɓɔɔ wu a ruu keɓe nwang ɓi dòndòng.

Yahudi 3:4

Niizang, gãa piti zang ɓɔɔ mãayi kagn, a ɓi kaa Laa kɔ mãa vuu piti.

Yɔhana 14:2

Ka gãa Daa mɛɛ, jaka kagn dɔɔli. Naa nɛɛ nɔngkɔ kpang, n nɛɛ kɔ̀ɔ nɔɔ tɔ. N daa shĩili nɔɔ doo nɔng nwannang.

Vuu ɓɔɔ zang nwangsɛ Yɔhana 21:2

N zi Urushalima ɓɔɔ shɔɔ, ɓɔɔ wukɔ gari Laa ɓɛɛ, a nɛɛ lapa nɛɛ nɔng Laa. Zang gbarɛ wu bii tɔ, naa sinyɛ ɓɔɔ zang gbarɛ wu bii, ka ruu ɓeevɛ ɓɛɛ.

Yahudi 12:28

Ka ruu nɔngkɔ, rúu zã̀a nɔɔ Laa, ka ruu ɓɔɔ, a ruu nɔng kpanti roonang ɓɔɔ zang zĩiti ɓi kpang ɓɛɛ. Rúu zã̀a nɔɔ Laa ruu ti bang wu ka gbalang ɓɔɔ shing wu, wu tãa tĩnang. Ruu a wu bannang, ruu ti kaa vɔrɔ ɓiɓɛ.

Yahudi 11:16

A ri rɛ̃rɛ ɓarɛ ka yuu tipi ɓɔɔ tɔ̃ɔ ɓɛɛ, ɓɔɔ ka lapa ɓɛɛ. Ka ruu nɔngkɔ, yusɛ̃ɛ tuu Laa ka ɓɔɔ zang ɓaa wu nɛɛ wu Laa ɓarɛ ɓɛɛ kpang, ka ruu ɓɔɔ, gbarɛ ri gari tɔ ɓɛɛ.