Titu 3:14 - Nyaa Shɔɔ Ɓɔɔ Laa a Ɓɛɛ

¹⁴ Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

Titu 3:14 Referans Kwoze

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Matiyu 7:19

Laa piti ɓɔɔ ra jaa tɔ̃ɔ kpang, zang dɔngnɛ, zang tasɛ ka waa.

2 Bituru 1:8

Naa nɔɔ palɛ rɛɛ vuu keɓe diki diki, zinang ɓɔɔ nɔɔ zì Kpanti ɓuru Yeesɔ Kirisi naa nwǎng nɔɔ vuu ɓɔɔ katɔ. Nwannang manɛ ti nwǎng nɔɔ vuu ɓɔɔ katɔ.

Filipi 4:17

N shing jĩng mɛɛ wu ka vuu ɓɔɔ nɔɔ a m ɓɛɛ kpang. N kasɛ m nɛɛ, Laa wu palɛ nɔɔ tɔ̃ɔ, ka ruu ɓɔɔ, nɔɔ yi m naa ka bii ɓɛɛ.

Afisa 4:28

Zang ɓɔɔ bɛ̀ɛ́ shɔngɓɔ wu yaa vuu ɓɔɔnang ta, wu gaayu shonang ɓɔɔ tɔ̃ɔ palɛnang ta nɛɛ naa ɓiɓɛ. Tɔ̀ɔ, wu walɛ vuu ɓɔɔ wu yi zang ɓɔɔ vuu ka naa ɓarɛ kpang naa ka bii.

Yɔhana 15:16

Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Yɔhana 15:8

Zang zi bannang Daa mɛɛ ka zang dɔɔli ɓɔɔ nɔɔ ɓaa ri nyaa ɓɛɛ kɔ, tɔ̀ɔ, zang ti zi kati nɛɛ nɔɔ zang ɓɔɔ ri mantɛ vuu ka bii mɛɛ ɓɔɔ niizang ɓɛɛ.

2 Tesalonika 3:8

Diki diki naa zang yi ruu naa ka bii, ruu shu ri katɔ. Ruu palɛ shonang gbãng gbãng, ka ruu ɓɔɔ, ruu kasɛ kpang, zang ɓɔɔ wu shu ruu vuu ɓɔɔ kpang ɓɛɛ.

Zang Shonang Yeesɔ 20:35

N tusu nɔɔ ka vuu piti nɛɛ nɔɔ palɛ shonang gbãng gbãng naa weɓe, nɔ́ɔ yi zang ɓɔɔ ri lakɛ takpang naa ka bii. Danggn yee ɓɔɔ Kpanti Yeesɔ kɔɔ nɛɛ yuu ɓiɓɛ, wu ning nɔɔ kpang. Kɔɔyi tɔɔ, ‘Mɔɔ tã̀a tĩnang, ka ɓɔɔ mɔɔ a zang vuu, ɓa ɓɔɔ zang kɔ a mɔɔ jong katɔ.’ ”

Matiyu 21:19

A zi laa sĩiri ka nyaa gbalang naabm, a daa ka doo ɓiɓɛ. A sĩiri ra jaa ka laa kpang. Zi gɔpɔ kɔ shɛ̃ɛning. A kù laa sĩiri nyaa ka bii tɔɔ, “Mɔɔ ra jaa takpang dòndòng.” A laa sĩiri naa tantɛ kaa tɔɔrɔnang.

Zang Shonang Yeesɔ 18:3

Ka ruu ɓɔɔ, shonang ɓiɓɛ ɓi putali wàanang naa ɓɔɔ ɓarɛ, nwang kaa nɛɛ ri, palɛ shonang kaa nɛɛ ri.

1 Tesalonika 2:9

Rɛɛ manzung, n tɔɔ n kpàá nɔɔ danggn. Nɔɔ zi naa ɓɔɔ ruu palɛ shonang dɔɔli tɔ. Ruu pálɛ́ shonang nɛɛ zĩi nɛɛ laagɛ̃, ruu walɛ vuu shaanang ɓuru, tɔ̀ɔ ruu kpãa nɔɔ kaa takpang, ka ɓɔɔ ruu kɔɔ nɔɔ Ruu Tɔ̃ɔ ɓɔɔ ka yuu Laa ɓɛɛ.

Rooma 15:28

N nɛɛ hangsɛ shonang keɓe tɔ. N nɛɛ a ri vuu ɓɔɔ ri kpalɛ ri tɔ nandon. N yupaa daanang Asabaniya kati, n leng nɔɔ kaa gbalang.

Rooma 12:13

Basɛ vuu naa ɓaaɓɛ nɛɛ ɓaazung ɓɔɔ ri dũng doo Laa kɔ, ɓɔɔ vuu ka naa ɓarɛ kpang ɓɛɛ. Ta zang zanti katɔ ka yeti gãa ɓaaɓɛ.

Filipi 4:16

Ka ɓɔɔ n ka gari Tesalonika, nɔɔ yi m naa ka bii, ɓa doo gbete katɔ, ka ɓɔɔ vuu ka naa mɛɛ kpang ɓɛɛ.

Titu 2:8

Tusu vuu ɓɔɔ tɔ̃ɔ ɓɔɔ zang ɓɔɔ kɔɔ kpang nɛɛ shi kpang, kpang ɓɛɛ. Tɔ̀ɔ, yusɛ̃ɛ wu tuu zang ɓɔɔ ri shing jĩng nɛɛ mɔɔ kpang kati, ri wàlɛ̀ vuu shi kpang ɓɔɔ ri kɔ̀ɔ́ ka yuu ɓaaɓɛ kaa takpang.