Rooma 9:23 - Nyaa Shɔɔ Ɓɔɔ Laa a Ɓɛɛ

²³ Palɛ vuu keɓe nɛɛ wu tusu bannang ɓiɓɛ. Bannang ɓɔɔ wu nwangsɛ ruu, ɓɔɔgn ɓuru kɔng wu katɔ ɓɛɛ. Zang ɓɔɔ wu kpàlɛ̀ ri bii doo ka tĩng nɛɛ ri ta bannang ɓiɓɛ ɓɛɛ.

Rooma 9:23 Referans Kwoze

Rooma 2:4

Mɔɔ rɛ̃̀rɛ̀ waasɛ̃ ka yuu Laa kpang, ka ruu ɓɔɔ, palɛ mɔɔ tɔ̃ɔ dɔɔli, a dang mɔɔ jĩng tantɛnang kpang, a ti mã danggn nɛɛ mɔɔ dɔɔli ɓɛɛ ya? Laa pàlɛ́ mɔɔ tɔ̃ɔ, nɛɛ tɔ̀ɔ mɔɔ kɔ̃sɔ yeti ɓaaɓɛ kati.

Afisa 3:16

N gàá Laa ka ruu tɔ̃ɔ ɓiɓɛ ɓɔɔ bang dɔɔli ɓɛɛ, wu a nɔɔ naa vuu palɛnang nɛɛ bii Suru ɓiɓɛ, tɔ̀ɔ, nɔɔ walɛ kaka kaa yeti bii manɛ.

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

2 Timoti 2:21

Zang ɓɔɔ nɛɛ palɛ rɛɛ vuu shi kpang keɓe kpang nandon, nwang ɓi naa juwa Zinariya ɓɔɔ zang shaa vuu shaanang kagn ka lee mung ɓɛɛ. Juwa keɓe, shi zang ɓiɓɛ ka jĩng dɔɔli. Zang ɓiɓɛ palɛ shonang tɔ̃ɔ piti nɛɛ mani katɔ.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

Afisa 2:7

Laa palɛ vuu keɓe, nɛɛ tɔ̀ɔ, ka koo ɓɔɔ a ka tĩng ɓɛɛ, wu tusu tɔ̃ɔ ɓɔɔ wu palɛ ɓɔɔ daa naa gãsɛnang kpang ɓɛɛ. Ka ruu vuu ɓɔɔ Yeesɔ Kirisi palɛ ɓɛɛ.

Afisa 1:18

N gàá Laa wu puu nɔɔ yeti, tɔ̀ɔ, nɔɔ zi vuu ɓɔɔ nɔɔ shing gn kagn, ɓɔɔ wu ɓaa nɔɔ nyaa ka ruu ɓiɓɛ ɓɛɛ. Tɔ̀ɔ, nɔɔ zirɛ nɛɛ tĩnang ɓɔɔ Laa a nɔɔ nyaa nɛɛ rɛɛ zang ɓiɓɛ nɛɛ wu a nɔɔ, bang dɔɔli.

Rooma 8:29

Zang ɓɔɔ Laa shɛ̃ɛrɛ ri ɓarɛ tɔ, kusu ri ɓarɛ dang gbete nɛɛ ri nwang naa Jaa ɓiɓɛ. Tɔ̀ɔ, Jaa ɓiɓɛ kɔ wu nwang kaa jamari rɛɛ ɓeezung ɓɔɔ ri dɔɔli ɓɛɛ.

Luka 1:17

Wukɔ naa sɔ̀ɔ́ Yeesɔ tĩng, ka ruu ɓɔɔ, Laa naa a wu naa bannang, nɛɛ suru ɓiɓɛ, naa ɓɔ̀ɔ́ Iliya ɓɛɛ. Wu ti shing daa wujɛ, ri kasɛ ruu wujɛ ɓarɛ. Wu ti shing zang ɓɔɔ ri ɓaa shoo ka nyaa Laa kpang, ri ɓaa shoo ka nyaa Laa. Wu ti shing zang, zang nwang zang ɓɔɔ ri kpalɛ bii tɔ nɛɛ ri dũng kaa Laa ɓɛɛ.”

1 Tesalonika 5:9

Ka ruu ɓɔɔ, Laa zɔ̃ngkɔ ruu nɛɛ wu dɔng rùu ruu, tɔ̀ɔ, ruu dang jĩng ka diki ɓɔɔ wu naa jɛ̃ɛ zang ruu ɓɛɛ kpang. Zɔ̃ngkɔ ruu nɛɛ wu ta yuu ɓuru nɛɛ bii Kpanti ɓuru Yeesɔ Kirisi.

Kolosi 1:12

Tɔ̀ɔ, nɔ́ɔ dɔ̀ɔ Laa ɓɔɔ wukɔ Daa ɓuru kati, nɔɔ tãa tĩnang. Laa ɓɔɔ shingnɛ nɔɔ dàa naa ɓɔɔ nɔɔ wàlɛ́ vuu jong ka teteng vuu ɓɔɔ wu shing zang ɓiɓɛ ka nɔng ɓɔɔ wu roo kpanti kagn, ɓɔɔ yakɛ ɓi katɔ ɓɛɛ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

Rooma 8:30

A Laa tá (shɛ̃ɛrɛ) rɛɛ zang ɓɔɔ wu ɓàa ri nyaa dang gbete. Zang kɔ wu ɓaa ri nyaa ɓee, risi ri nɛɛ ri nwang zang tɔ̃ɔ ka tĩng ɓiɓɛ. A á zang kɔ wu risi ri nɛɛ ri nwang zang tɔ̃ɔ ɓee, bannang kati.