Rooma 7:14 - Nyaa Shɔɔ Ɓɔɔ Laa a Ɓɛɛ

¹⁴ Ruu zi ɓuru tɔ nɛɛ nyaa ɓɔɔ Laa dangnɛ ɓi vuu suru, a n m kaa shɔnzang. N raa m kaa naa jaafoo vuu shi kpang palɛnang.

Rooma 7:14 Referans Kwoze

Rooma 7:18

N zi tɔ ka bii shɔnzang mɛɛ tɔ̃ɔ ɓi kagn kpang. Ka ruu ɓɔɔ, naa n kasɛ doo katɔ ka yeti mɛɛ, n pálɛ́ tɔ̃ɔ, a n zunung palɛnang kaa takpang ɓɛɛ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Matiyu 5:28

A kãntang keɓe n kɔ̀ɔ́ nɔɔ, zang ɓɔɔ nɛɛ zi zang soro, a suru bii daa wu nɛɛ wu, ɓang bii ɓi tɔ nɛɛ wu ka yeti ɓiɓɛ.

Matiyu 5:22

A kãntang keɓe, n kɔɔ nɔɔ, naa shɔnzang ɓɔɔ tuu gnvɔ nɛɛ ɓeezung, zang naa jɛ̃ɛ wu ruu katɔ. Naa shɔnzang ɓɔɔ ti kɔɔ ɓeezung nɛɛ ‘Rang waati keɓe.’ Zang daa nɛɛ wu ka dabang kpanti. Naa zang ɓɔɔ ti ɓaa ɓeezung nɛɛ ‘Shoko.’ Zang tasɛ wu ka waa.

Luka 7:6

A Yeesɔ dàa kaa nɛɛ ri. Ɓɔɔ yɔɔ sɔɔja zirɛ Yeesɔ a kana naabm, a shong rɛɛ ɓeesang nɛɛ ri daa kɔɔ wu nɛɛ, “Dabang, mɔɔ kpãa yuu ɓaaɓɛ kpang. Ka ruu ɓɔɔ, n daa naa ɓɔɔ mɔɔ a ka gãa mɛɛ kpang ɓɛɛ.

Luka 5:8

Ɓɔɔ Siman Bituru zi naa weɓe, tang nɛɛ gutu ka tĩng Yeesɔ tɔɔ, “N zɔ̃ɔrɔ mɔɔ katɔ Kpanti, daa ɓaa ta, mɔɔ yaa m, ka ruu ɓɔɔ, n m zang ɓɔɔ palɛ vuu shi kpang ɓɛɛ.”

Matiyu 18:25

A yɔɔ kpanti kɔɔ zang nɛɛ, zang mãlɛ́ wu ta nɛɛ soro ɓiɓɛ, nɛɛ wujɛ ɓiɓɛ, nɛɛ vuu gãa ɓiɓɛ piti, tɔɔ zang sɔɔrɔ wu saka ɓiɓɛ nɔng.

Matiyu 16:23

Yeesɔ raa jĩng kɔɔ Bituru tɔɔ, “Dita kaaɓa Sheetang! Mɔkɔ vuu ɓɔɔ nɔɔ m gbalang ɓɛɛ. Mɔɔ rɛ̃rɛ ɓáa vuu ɓɔɔ Laa rɛ̃rɛ kpang, mɔɔ rɛ̃rɛ ɓáa vuu ɓɔɔ shɔnzang kasɛ ɓɛɛ.”

Yahudi 4:12

Ruu Laa palɛ shonang katɔ. Wɔng nyaa ɓa yere bang ɓɔɔ nyaa ziti katɔ. Basɛ suru bii katɔ nɛɛ suru. Wu ti basɛ rɛɛ gboko nɛɛ sɛ̃ɛting kaka. Ti dɔng ruu katɔ ka yuu vuu ɓɔɔ zang rɛ̃rɛ nɛɛ vuu ɓɔɔ zang mang ka yeti ɓɛɛ.

Rooma 3:9

Nɛɛ nɔngkɔ, ɓɔɔ ruu zang Yahudi ruu ɓa zang ɓɔɔ ri zang Yahudi kpang ɓu kaa tɔ ya? Nɔngkɔ kpang tingkiring. N kɔ̀ɔ nɔɔ ka tĩng nɛɛ zang Yahudi nɛɛ zang ɓɔɔ ri zang Yahudi kpang nandon, ri palɛ vuu shi kpang katɔ.

Rooma 6:6

Ruu zi ɓuru tɔ nɛɛ, zang ɓáa nwannang ɓɔɔ ɓeleng ruu nwang ka tĩng ɓi tɔ ka laa nɛɛ Yeesɔ. Tɔ̀ɔ, bii ɓuru ɓɔɔ kasɛ vuu shi kpang palɛnang wu shaarɛ. Tɔ̀ɔ ruu nwang kaa tɔ̀ɔ́ naa jaafoo vuu shi kpang palɛnang kpang.

Galati 4:3

Rùu dòo nɔngkɔ, ka ɓɔɔ bɛ̀ɛ́ ruu zũng danggn gň ka vuu Suru Laa kpang, ruu nwang ɓuru jaafoo rɛɛ nyaa dannang ɓɔɔ shɔnzang ri tusu ɓɛɛ.