Rooma 6:22 - Nyaa Shɔɔ Ɓɔɔ Laa a Ɓɛɛ

²² A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

Rooma 6:22 Referans Kwoze

1 Bituru 2:16

Nɔɔ nwàng manɛ naa zang ɓɔɔ ri jaafoo zang ɓɔɔ kpang ɓɛɛ. Nɔ́ɔ tɔɔ kpang nɛɛ wee nɔɔ jaafoo zang ɓɔɔ kpang ɓee, nɔɔ walɛ gbalang vuu shi kpang palɛnang tɔ kpang. Nɔɔ nwáng nwannang ɓɔɔ daa naa ɓɔ̀ɔ́ zang ɓɔɔ ri pàlɛ́ Laa shonang ɓɛɛ kati.

Rooma 6:18

Zang tà nɔɔ nɛɛ naa vuu shi kpang manɛ, a nɔɔ ràa jaafòó vuu tɔ̃ɔ palɛnang.

Rooma 8:2

Ka ruu ɓɔɔ, nyaa dannang Suru Laa ɓɔɔ a ruu suru bii nɛɛ bii Yeesɔ Kirisi, ta m tɔ nɛɛ naa nyaa dannang ɓɔɔ vuu shi kpang nɛɛ ɓɔɔ vɔrɔ.

Yɔhana 8:32

Nɔɔ naa zi ruu ɓɔɔ niizang katɔ, ruu ɓɔɔ niizang keɓe, ti yaa nɔɔ naa katɔ.”

Galati 5:13

Ɓɔɔ manɛ ɓɛɛ, rɛɛ manzung, zang ɓaa nɔɔ nyaa nɛɛ nɔ́ɔ nwang zang ɓɔɔ ri jaafoo kpang ɓɛɛ. A nɔɔ yaayi nwannang manɛ keɓe, wu yàa nɔɔ gbalang vuu ɓɔɔ bii shɔnzang manɛ kasɛ ɓɛɛ palɛnang kpang. Zɔɔ kasɛnang wu shing nɔɔ katɔ kɔ jong, nɔ́ɔ pàlɛ́ zɔɔ shonang.

1 Koranti 7:22

Ka ruu ɓɔɔ, naa mɔɔ jaafoo ka ɓɔɔ Laa ɓaa mɔɔ nyaa nɛɛ mɔɔ naa dũng Kpanti Yeesɔ Kirisi kãntang keɓe, mɔɔ ɓaa tɔ̀ɔ́ jaafoo kpang. Ka ruu ɓɔɔ, mɔɔ ɓákɛ́ yuu tɔ nɛɛ Kpanti Yeesɔ Kirisi ɓɛɛ. Doo nɔngkɔ, zang ɓɔɔ nɛɛ jaafoo kpang, ka ɓɔɔ Laa ɓaa wu nyaa, nwáng jaafoo Kirisi tɔ.

1 Bituru 1:9

Naa nɔɔ shing danggn ka bii Yeesɔ Kirisi nɔngkɔ sasak, Laa ta yuu manɛ, a nɔɔ suru bii ɓɔɔ waa nyaa kpang.

Galati 1:10

Ruu keɓe nwang naa ɓɔɔ n kãayi nɛɛ nyaating mɛɛ wu puu ka bii shɔnzang ya? Kpang, n kasɛ nyaating mɛɛ wu puu ka bii Laa. N kasɛ nɛɛ tɔ zang piti ri zi m nung ya? Naa n nɛɛ palɛ nɔngkɔ, n nɛɛ tɔ̀ɔ́ zang ɓɔɔ palɛ Kirisi shonang kpang.

Rooma 6:14

Nɔ́ɔ yaa vuu shi kpang, wu roo kpanti ka nwannang manɛ kpang, ka ruu ɓɔɔ, nɔɔ manɛ tɔ̀ɔ́ jaafoo nyaa dannang Laa kpang ɓɛɛ, nɔɔ manɛ kaa zang ɓɔɔ Laa pàlɛ́ ri tɔ̃ɔ ɓɛɛ.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Rooma 7:4

Manzung, nɔɔ doo nɔngkɔ. Nyaa ɓɔɔ Laa dangnɛ, risi nɔɔ manɛ naa zang ɓɔɔ ri vɔlɔ katɔ ɓɛɛ, ka ruu ɓɔɔ, nɔɔ ɓakɛ bii tɔ nɛɛ Kirisi ɓɛɛ. Kãntang keɓe, nɔɔ manɛ kaa zang Kirisi ɓɔɔ Laa wisi wu paa nɛɛ saa ɓɛɛ, tɔ̀ɔ, ruu shòng Laa shonang ɓɔɔ tɔ̃ɔ kati.

Rooma 6:21

Nɔɔ wàlɛ̀ ɓu vi ka vuu ɓɔɔ nɔɔ pálɛ́, ɓɔɔ kãntang keɓe yusɛ̃ɛ ɓarɛ tuu nɔɔ kaa tɔ ɓee viya? Vuu kaɓa nwàng nɔɔ vɔrɔ.

Matiyu 25:46

“Ri naa daa ɓarɛ ka nɔng jĩng dannang ɓɔɔ waa nyaa kpang ɓɛɛ. A zang ɓiɓɛ kaɓa, ri naa wàlɛ́ ɓarɛ kaa suru bii ɓɔɔ waa nyaa kpang ɓɛɛ.”

Titu 1:1

Labeenang keɓe nɛɛ bii mɛɛ nkɔ Bulu, zang ɓɔɔ pàlɛ́ Laa shonang, n ti zang shonang Yeesɔ Kirisi ɓɛɛ. Laa zɔ̃ng m nɛɛ n nwang zang shonang ɓiɓɛ, a shong m nɛɛ n yi zang ɓɔɔ Laa zɔ̃ng ri katɔ naa ka bii, ri shing danggn gbãng gbãng. N ti shing ri, ri zi vuu ɓɔɔ niizang ɓɔɔ shingnɛ ri nwang nwannang ɓɔɔ Laa kasɛ ɓɛɛ.

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

Filipi 4:17

N shing jĩng mɛɛ wu ka vuu ɓɔɔ nɔɔ a m ɓɛɛ kpang. N kasɛ m nɛɛ, Laa wu palɛ nɔɔ tɔ̃ɔ, ka ruu ɓɔɔ, nɔɔ yi m naa ka bii ɓɛɛ.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Afisa 5:9

Ka ruu ɓɔɔ, ɓi nɔng yakɛnang kɔ nwangsɛ vuu piti ɓɔɔ tɔ̃ɔ, nɛɛ ɓɔɔ waasɛ̃, nɛɛ ɓɔɔ niizang ɓɛɛ.

2 Koranti 3:17

Kpanti Laa keɓe, ɓi wukɔ Suru. Zang ɓɔɔ Suru Kpanti Laa nɛɛ kagn bii ɓiɓɛ, zang keɓe wɔ ɓi tɔ.

Rooma 7:25

N zãa Laa tɔ, ta m tɔ nɛɛ bii Kpanti ɓuru Yeesɔ Kirisi. Ka ruu nɔngkɔ, n pàlɛ́ nyaa dannang Laa shonang nɛɛ yeti mɛɛ, n pàlɛ́ nyaa ɓɔɔ vuu shi kpang dangnɛ shonang ɓi kaa nɛɛ bii shɔnzang mɛɛ.

Yɔhana 15:16

Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Yɔhana 15:2

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Yɔhana 4:36

Zang jaa lannang wàlɛ́ ɓi kaa vuu ɓɔɔ Laa shing wu katɔ ɓɛɛ. Kpalɛ zang ɓiɓɛ kana, tɔɔ ri walɛ suru bii ɓɔɔ waa nyaa kpang ɓɛɛ. Tɔɔ, zang ɓɔɔ ɓaa jĩng vuu, nɛɛ zang ɓɔɔ naa yeeyi ri tãa tĩnang kaa nyaa zɔɔ.

Matiyu 19:29

Zang piti ɓɔɔ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, a ɓɔɔ tipi jaa lannang ɓiɓɛ, ka ruu mɛɛ, naa walɛ vuu ɓɔɔ wu yaa ɓɛɛ ditɔ dakn laa maani. Ti walɛ suru bii ɓɔɔ waa nyaa kpang ɓɛɛ katɔ.

Matiyu 13:43

A zang ɓɔɔ palɛ vuu ɓɔɔ Laa kasɛ, naa kɔlɔ ɓarɛ naa làa ka nɔng ɓɔɔ Daa ɓarɛ roo kpanti ɓɛɛ. Zang ɓɔɔ shoo ɓiɓɛ nɛɛ kagn wu tãayi.”

Matiyu 13:40

“Naa ɓɔɔ zang kpalɛ zee lɔɔwɔ, zang dɔ́ɔ ka waa, zang naa palɛ zang ɓɔɔ ri dũng Laa kpang doo nɔngkɔ, ka diki ɓɔɔ koolaa keɓe naa waa nyaa ɓɛɛ.

Vuu ɓɔɔ zang nwangsɛ Yɔhana 7:13

A zang bang gbete hɛ̃ɛ m nɛɛ, “Zang kɔ ri hãlɛ fɔ̃ɔrɔ puru ɓee, mɔɔ zi ri nung tɔ ya? Mɔɔ ti zi nɔng ɓɔɔ ri alɛ nɛɛ mani tɔ ya?”

Yakubu 1:1

Nkɔ Yakub zang shonang Laa nɛɛ ɓɔɔ Kpanti Yeesɔ Kirisi, n bèé nɔɔ labeenang keɓe, nɔɔ nyaa zang Isirela, laa gãa kopi tu ziti, ɓɔɔ zang tantɛ nɔɔ ka koo nandon ɓɛɛ. N jee nɔɔ nyaa.

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.