Rooma 6:17 - Nyaa Shɔɔ Ɓɔɔ Laa a Ɓɛɛ

¹⁷ Ruu zãa Laa tɔ, ka ruu ɓɔɔ, bɛ̀ɛ́ nɔɔ manɛ jaafòó vuu shi kpang ɓɔɔ nɔɔ palɛ ɓɛɛ. A nɔɔ naa ɓaa shoo ka ruu ɓɔɔ niizang ka vuu ɓɔɔ zang tusu nɔɔ, a nɔɔ tarɛ nɛɛ yeti manɛ nandon.

Rooma 6:17 Referans Kwoze

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

2 Timoti 1:13

Yiti rúu ɓɔɔ niizang ɓɔɔ n tusu mɔɔ ɓɛɛ gbãng gbãng. Mɔɔ ti yaa danggn shinnang nɛɛ zang kasɛnang ɓɔɔ ɓi ɓɔɔ ɓuru, ɓɔɔ ruu ɓakɛ bii tɔ nɛɛ Yeesɔ Kirisi ɓɛɛ kpang.

2 Koranti 2:14

Ruu zãa Laa tɔ, ka ruu ɓɔɔ, sɔ̀ɔ́ ruu tĩng diki diki, a ruu ɓa Sheetang yuu tɔ, ka ruu ɓɔɔ, ruu ɓakɛ yuu tɔ nɛɛ Yeesɔ Kirisi ɓɛɛ. A ti shingnɛ, zang tãlɛ yee ɓiɓɛ nɛɛ nɔng piti piti nɛɛ bìí ɓuru, naa ɓɔɔ vuu ɓɔɔ á sɛ̃ɛ tɔ̃ɔ, tálɛ̀ nɔng ɓɛɛ.

Rooma 16:26

A kãntang keɓe labeenang ɓɔɔ zang nyaa shonang Laa ri beere shing tɔ, ruu niizang nwangsɛ bii tɔ. Laa ɓɔɔ nwàng ɓi ningkãari dòndòng, ti kɔɔ tɔ nɛɛ zang koo piti ri zi ruu ɓɔɔ niizang keɓe. Tɔ̀ɔ, zang piti ri ɓaa shoo kaa nyaa Laa, ri shing danggn kaa bii ɓiɓɛ.

Rooma 1:8

N gaayu, n zãa Laa mɛɛ nɛɛ bii Yeesɔ Kirisi, ka ruu ɓɔɔ, zang koo nandon, ri rang ruu ka yuu danggn shinang manɛ ɓɛɛ.

3 Yɔhana 1:3

N tãa tĩnang dɔɔli, ka ruu ɓɔɔ, zang Laa ɓɔɔ ri arɛ, ri naa kɔɔ m naa ɓɔɔ mɔɔ yiti Ruu Laa nɛɛ yeti gbete, a mɔɔ ti palɛ vuu naa ɓɔɔ Ruu Laa kɔɔ ɓɛɛ.

Rooma 15:18

N rang yee, n waasɛ vuu ɓɔɔ kpang ka yuu vuu ɓɔɔ Kirisi shing m n palɛ ɓɛɛ. Ka ɓɔɔ n shing zang ɓɔɔ ri zang Yahudi kpang, ri ɓaa shoo kaa tɔ ka nyaa Laa ɓɛɛ. N shing ri nɛɛ rúu ɓɔɔ n kɔɔ ri, nɛɛ vuu ɓɔɔ n palɛ ɓɛɛ.

Zang Shonang Yeesɔ 11:18

Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

2 Yɔhana 1:4

Ɓɔɔ n zi wujɛ ɓaaɓɛ ɓɔɔgn, ri dũng ruu ɓɔɔ niizang, naa ɓɔɔ Daa ɓuru dang ruu nyaa, n tãa tĩnang dɔɔli.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

Filimon 1:4

Filimon, n zãa Laa mɛɛ diki diki ka ruu ɓaaɓɛ, n nɛɛ ɓaa nung ɓaaɓɛ tɔ, ka ɓɔɔ n gaa Laa ɓɛɛ.

2 Tesalonika 1:3

Rɛɛ manzung ɓuru, daa naa ɓɔɔ ruu zãa Laa diki diki ka ruu manɛ tɔ. Daa naa ɓɔɔ ruu zãa wu tɔ, ka ruu ɓɔɔ, danggn ɓɔɔ nɔɔ shing ka bii Yeesɔ daa kana nɛɛ tĩng dɔɔli, a naa ɓɔɔ zang ɓu ka teteng manɛ ri kasɛ zɔɔ ti daa nɛɛ tĩng kɔ sasak.

1 Bituru 4:17

Diki a tɔ, ɓɔɔ Laa dɔng zang ruu ɓɛɛ, gaayu dɔng zang ɓiɓɛ kɔ ruu shɔɔnang. Laa nɛɛ gaayu nɛɛ dɔng rukɔ ruu shɔɔnang, a naa hangsɛ nyaa ɓi kaa biya nɛɛ zang ɓɔɔ ri dũng Ruu Tɔ̃ɔ Laa kpang viya?

1 Bituru 3:1

Doo nɔngkɔ, ɓɔɔ nɔɔ zang soro ɓɛɛ, nɔ́ɔ gãsɛ yuu nɛɛ varɛ manɛ kpang. Ka ruu ɓɔɔ, naa varɛ zang ɓɔɔ nɛɛ shing danggn ka Ruu Laa kpang, nwannang tɔ̃ɔ soro ɓiɓɛ shing wu katɔ, wu arɛ, wu dũng Ruu Laa naa nɔɔ rang ri yee dòo nɛɛ nyaa manɛ kpang ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

Yahudi 11:8

Danggn shinnang Ibirayi shing wu ka ɓɔɔ zang ɓaa wu nyaa nɛɛ wu daa nɔng ɓɔɔ naa nwáng ɓɔɔ ɓiɓɛ ɓɛɛ, ɓaa shoo a daayi. Naa doo ka ɓɔɔ wu zi nɔng ɓɔɔ wu daa kpang ɓɛɛ.

1 Tesalonika 3:9

Nyaa ɓɔɔ ruu zãa Laa nɛɛ mani ka ruu manɛ kpang. Ruu zãa wu ka ruu tĩnang ɓɔɔ wu shing ruu, ruu tãa tĩnang ka ruu manɛ, ka ɓɔɔ ruu gaa wu ɓɛɛ.

Afisa 1:16

n yaa ɓɔɔ n zãa Laa ka ruu manɛ kpang. Danggn manɛ ning m ka ɓɔɔ n gaa Laa diki diki kpang.

1 Koranti 1:4

N zãa Laa diki diki, ka ruu manɛ, ka ruu tɔ̃ɔ bang ɓɔɔ wu pàlɛ̀ nɔɔ ka ɓɔɔ nɔɔ ɓakɛ zɔɔ nɛɛ Yeesɔ Kirisi ɓɛɛ.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Rooma 2:8

Zang ɓɔɔ ri kasɛ yuu ɓarɛ dɔɔli, ri kasɛ ruu ɓɔɔ niizang kpang. Ri dũng vuu ɓɔɔ shi kpang ɓɛɛ. Gnvɔ naa shàá Laa nɛɛ ri, wu dang ri jĩng.

Zang Shonang Yeesɔ 28:15

Zang ɓɔɔ ri dũng Laa ka nɔng, ri tãa nyaa nɛɛ ruu a tɔ, ri a sasak ri a ka Lumang Apiyu nɛɛ nɔng ɓɔɔ zang ɓaa nɛɛ Nɔng vuu shaanang taati ɓɛɛ, ri naa kpisi ruu ka nɔngkɔ. Ɓɔɔ Bulu zi ri, zãa Laa, a mã danggn kati.

1 Koranti 14:6

Manzung, ka diki ɓɔɔ n naa a ka nɔng manɛ, naa n ràng nɔɔ yee nɛɛ nyaa ɓɔɔ n kpɛ̃ɛrɛ katɔ kpang, yee mɛɛ yi nɔɔ naa biya ka bii viya? Naa n arɛ, n tusu vuu ɓɔɔ shɔɔ ɓɔɔ Laa tusu m kpang, n ti shing nɔɔ, nɔɔ zi vuu tɔkn gaagaa kpang, naa n kɔɔ nɔɔ ruu ɓɔɔ a nɛɛ bii Laa kpang, a n ti tusu Ruu Laa kpang, ruu mɛɛ yì nɔɔ naa ka bii kpang.