Rooma 5:19 - Nyaa Shɔɔ Ɓɔɔ Laa a Ɓɛɛ

¹⁹ Naa ɓɔɔ zang gbete ta nyaa dannang Laa, a shingnɛ zang dɔɔli ri raa zang ɓɔɔ ri palɛ vuu shi kpang tɔ ɓɛɛ. Doo nɔngkɔ, zang gbete dũng nyaa Laa, a naa shingnɛ zang dɔɔli ri nwàng zang tɔ̃ɔ ka tĩng Laa.

Rooma 5:19 Referans Kwoze

2 Koranti 5:21

Yeesɔ Kirisi palɛ vuu shi kpang ɓi gngn kpang, a ka ruu ɓuru, Laa risi wu naa zang ɓɔɔ pálɛ̀ vuu shi kpang ɓɛɛ. A ka ruu vuu keɓe kɔ, yuu ɓɔɔ ruu ɓakɛ nɛɛ Yeesɔ Kirisi shingnɛ, ruu nwàng zang tɔ̃ɔ ka tĩng Laa.

Rooma 5:18

Bɛɛ zang nɛɛ dang zang piti jĩng katɔ, ka ruu vuu shi kpang ɓɔɔ zang gbete palɛ ɓɛɛ. A ka ruu vuu tɔ̃ɔ ɓɔɔ Yeesɔ Kirisi gbete palɛ ɓɛɛ, Laa shingnɛ zang piti ri nwang zang tɔ̃ɔ. Wu ti a ri suru bii.

Filipi 2:8

Ka ɓɔɔ wu shɔnzang, sɔɔrɔ yuu ɓiɓɛ ka dii a ti kasɛ nɛɛ zang nyɔ wu vɔrɔ. Vɔ vɔrɔ ɓɔɔ zang ɓaa zang naa ka laa ɓɛɛ.

Rooma 5:12

Naa ɓɔɔ vuu shi kpang a ka koo, nɛɛ bii zang gbete, a vuu shi kpang atɛ vɔrɔ. Kãntang keɓe zang piti ri palɛ vuu shi kpang tɔ, ka ruu nɔngkɔ, vɔrɔ nwáng vuu zang piti tɔ.

Afisa 1:6

Ruu dɔɔ Laa ka ruu tɔ̃ɔ ɓiɓɛ ɓɔɔ bang dɔɔli ɓɛɛ, ka ruu vuu ɓɔɔ, wu a ruu naa ka zingzing nɛɛ bii Jaa ɓiɓɛ ɓɔɔ wu kasɛ wu dɔɔli ɓɛɛ.

Rooma 5:15

Vuu ɓɔɔ Laa a zang waati, ɓi naa vuu shi kpang, kpang. Niizang, zang dɔɔli ri vɔlɔ ka ruu ɓɔɔ Adamu gbete palɛ vuu shi kpang ɓɛɛ. Nɛɛ nɔngkɔ, tɔ̃ɔ ɓɔɔ Laa palɛ, nɛɛ vuu ɓɔɔ wu a zang waati ka ruu tɔ̃ɔ Yeesɔ Kirisi, a ka bii zang dɔɔli katɔ.

Rooma 11:32

Ka ruu ɓɔɔ, Laa risi zang piti naa zang ɓɔɔ wu mã ri ka sãa, ka ruu ɓɔɔ, ri ɓaa shoo ka nyaa ɓiɓɛ kpang ɓɛɛ. Nɛɛ tɔɔ, gn ɓarɛ wu kɔng wu kati.