Rooma 2:7 - Nyaa Shɔɔ Ɓɔɔ Laa a Ɓɛɛ

⁷ Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Rooma 2:7 Referans Kwoze

Luka 8:15

Jĩng vuu ɓɔɔ ri shili ka tipi tɔ̃ɔ, nwang kaa naa zang ɓɔɔ tãa Ruu Laa ɓɛɛ. Ri tarɛ, ri shing ka yeti ɓarɛ, ri mã danggn, a ri naa nwang kaa naa jĩng vuu ɓɔɔ bangnɛ ra jaa gaagaa ɓɛɛ.

2 Timoti 1:10

A kãntang keɓe naa nwàngsɛ̀ rùu tɔ̃ɔ ɓiɓɛ kaa nɛɛ anang Yeesɔ Kirisi, zang ɓɔɔ wukɔ ta yuu ɓuru ɓɛɛ. Yeesɔ Kirisi ɓɔɔ wukɔ ɓa kaka vɔrɔ, a nwangsɛ ruu suru bii nɛɛ nwannang ɓɔɔ gbinggbing ɓɛɛ, ka gbalang Ruu Tɔ̃ɔ Laa.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

Galati 6:9

Ruu lee tɔ̃ɔ palɛnang kpang. Ka ruu ɓɔɔ, ruu nɛɛ leeyi, ruu nɛɛ yaa kpang, diki a ditɔ ɓɔɔ naa nwǎng ruu vuu tɔ̃ɔ ɓɛɛ.

Rooma 8:18

N zi tɔ, jĩng kɔ ruu dang kãntang ɓee, daa naa ɓɔɔ zang gãsɛ nɛɛ bannang ɓɔɔ Laa naa a ruu ɓɛɛ kpang.

Rooma 2:10

A Laa naa a zang ɓɔɔ ri pálɛ̀ vuu tɔ̃ɔ kɔ bannang, wu ti dɔɔ ri, wu ti shing ri, ri nwáng ka nyaa zɔɔ. Gaayu nɛɛ zang Yahudi kɔ shɔɔnang, wu naa tɛɛ zang ɓɔɔ ri zang Yahudi kpang ɓɛɛ.

1 Yɔhana 2:25

Vuu ɓɔɔ Yeesɔ kɔɔyi tɔɔ, wu naa a ruu, wukɔ suru bii ɓɔɔ waa nyaa kpang ɓɛɛ.

Rooma 9:23

Palɛ vuu keɓe nɛɛ wu tusu bannang ɓiɓɛ. Bannang ɓɔɔ wu nwangsɛ ruu, ɓɔɔgn ɓuru kɔng wu katɔ ɓɛɛ. Zang ɓɔɔ wu kpàlɛ̀ ri bii doo ka tĩng nɛɛ ri ta bannang ɓiɓɛ ɓɛɛ.

Yɔhana 5:44

Nɔɔ kasɛ nɛɛ nɔɔ dɔ̀ɔ́ zɔɔ ka naa manɛ. Nɔɔ kasɛ kpang nɛɛ Laa ɓɔɔ wukɔ Laa gbete gãagãa, wu dɔɔ nɔɔ kpang. A nɔɔ palɛ biya nɔɔ shing danggn ka bii mɛɛ viya?

Yahudi 6:15

A ka knti ɓɔɔ Ibirayi mã danggn, gã tɔ, Laa a wu vuu ɓɔɔ wu a wu nyaa ɓɛɛ.

Yahudi 6:12

Ruu kasɛ, nɔɔ si rang kpang, nɔɔ màsɛ̀ rɛɛ zang ɓɔɔ, ka ruu danggn ɓɔɔ ri shingnɛ, nɛɛ danggn ɓɔɔ ri mã ɓɛɛ, rikɔ naa walɛ vuu ɓɔɔ Laa a nyaa ɓɛɛ.

Matiyu 25:46

“Ri naa daa ɓarɛ ka nɔng jĩng dannang ɓɔɔ waa nyaa kpang ɓɛɛ. A zang ɓiɓɛ kaɓa, ri naa wàlɛ́ ɓarɛ kaa suru bii ɓɔɔ waa nyaa kpang ɓɛɛ.”

Luka 21:19

Nɔɔ nɛɛ mã danggn tɔ kagn nɔɔ ta yuu manɛ katɔ.

Yɔhana 4:36

Zang jaa lannang wàlɛ́ ɓi kaa vuu ɓɔɔ Laa shing wu katɔ ɓɛɛ. Kpalɛ zang ɓiɓɛ kana, tɔɔ ri walɛ suru bii ɓɔɔ waa nyaa kpang ɓɛɛ. Tɔɔ, zang ɓɔɔ ɓaa jĩng vuu, nɛɛ zang ɓɔɔ naa yeeyi ri tãa tĩnang kaa nyaa zɔɔ.

1 Koranti 15:42

Bii zang ɓɔɔ yupaa nɛɛ sàa nwáng ɓi doo nɔngkɔ. Bii shɔnzang nwàng ɓi doo naa jĩng vuu kɔ. Ɓɔɔ zang gbã́a bii, pũng ɓi katɔ. Laa nɛɛ naa wisi wu paa nɛɛ sàa, bii ɓiɓɛ raa ɓi kaa vuu ɓɔɔ pũ̀ng takpang, ɓɛɛ.

1 Koranti 15:50

Manzung, n kɔ̀ɔ́ nɔɔ nɛɛ vuu ɓɔɔ zang mãa nɛɛ yɔpɔ nɛɛ kaka, a ɓɔɔ zĩi, daa nɔng ɓɔɔ Laa roo kpanti ɓi kpang. Vuu ɓɔɔ pṹng katɔ, nwang vuu ɓɔɔ pũ̀ng kpang ɓi kpang.

Afisa 6:24

N gaa Laa nɛɛ wu pàlɛ̀ zang ɓɔɔ ri kasɛ Kpanti ɓuru Yeesɔ Kirisi gbãng gbãng tɔ̃ɔ.

1 Timoti 1:17

Rùu nandon ruu dɔ̀ɔ Laa ɓɔɔ wukɔ kpanti dòndòng ɓɛɛ ta. Laa ɓɔɔ vɔ ɓi jong kpang, zang ti zi wu ɓi jong nɛɛ jĩng kpang ɓɛɛ. Laa ɓɔɔ wukɔ gbete ɓɛɛ. Ruu a wu bannang ta dòndòng. Nɔngkɔ.

Yahudi 2:7

Mɔɔ shing wu, zang nyaa shonang ɓaaɓɛ ɓɔɔ ri ka lapa ri ɓa wu, a diki bee kaa tɔ̀ɔ́ dɔɔli kpang. A mɔɔ a wu bannang nɛɛ dɔ̀ɔnang,