Rooma 16:26 - Nyaa Shɔɔ Ɓɔɔ Laa a Ɓɛɛ

²⁶ A kãntang keɓe labeenang ɓɔɔ zang nyaa shonang Laa ri beere shing tɔ, ruu niizang nwangsɛ bii tɔ. Laa ɓɔɔ nwàng ɓi ningkãari dòndòng, ti kɔɔ tɔ nɛɛ zang koo piti ri zi ruu ɓɔɔ niizang keɓe. Tɔ̀ɔ, zang piti ri ɓaa shoo kaa nyaa Laa, ri shing danggn kaa bii ɓiɓɛ.

Rooma 16:26 Referans Kwoze

1 Timoti 1:17

Rùu nandon ruu dɔ̀ɔ Laa ɓɔɔ wukɔ kpanti dòndòng ɓɛɛ ta. Laa ɓɔɔ vɔ ɓi jong kpang, zang ti zi wu ɓi jong nɛɛ jĩng kpang ɓɛɛ. Laa ɓɔɔ wukɔ gbete ɓɛɛ. Ruu a wu bannang ta dòndòng. Nɔngkɔ.

Galati 3:8

Vuu ɓɔɔ Laa kɔɔyi, zang bee ka labeenang ɓiɓɛ doo ka tĩng nɛɛ, Laa naa risi zang ɓɔɔ ri zang Yahudi kpang ditɔ, ri nwang zang tɔ̃ɔ ka tĩng ɓiɓɛ, ka ruu danggn ɓɔɔ ri shing ɓɛɛ. A zang bee naa ɓɔɔ Laa kɔɔ Ibirayi Ruu Tɔ̃ɔ doo ka tĩng ɓɛɛ tɔɔ, “Laa naa shing zang koo keɓe nandon ri tãa tĩnang nɛɛ bii ɓaaɓɛ kɔ.”

Rooma 15:18

N rang yee, n waasɛ vuu ɓɔɔ kpang ka yuu vuu ɓɔɔ Kirisi shing m n palɛ ɓɛɛ. Ka ɓɔɔ n shing zang ɓɔɔ ri zang Yahudi kpang, ri ɓaa shoo kaa tɔ ka nyaa Laa ɓɛɛ. N shing ri nɛɛ rúu ɓɔɔ n kɔɔ ri, nɛɛ vuu ɓɔɔ n palɛ ɓɛɛ.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

2 Timoti 1:10

A kãntang keɓe naa nwàngsɛ̀ rùu tɔ̃ɔ ɓiɓɛ kaa nɛɛ anang Yeesɔ Kirisi, zang ɓɔɔ wukɔ ta yuu ɓuru ɓɛɛ. Yeesɔ Kirisi ɓɔɔ wukɔ ɓa kaka vɔrɔ, a nwangsɛ ruu suru bii nɛɛ nwannang ɓɔɔ gbinggbing ɓɛɛ, ka gbalang Ruu Tɔ̃ɔ Laa.

Kolosi 1:26

Ɓɔɔ wu waasɛ shɔnzang katɔ doo tɛ̃ɛ tɛ̃ɛ ɓɛɛ, a kãntang keɓe nwangsɛ kaa zang ɓiɓɛ ɓɛɛ.

Afisa 1:9

A tuu zũnang nɛɛ vuu zinang ɓiɓɛ pálɛ̀ vuu ɓɔɔ bɛ̀ɛ́ wu mang ɓɛɛ. A tusu ruu vuu ɓɔɔ bɛ̀ɛ́ wu kasɛ nɛɛ wu palɛ, a waasɛ katɔ nɛɛ bii Kirisi.

Rooma 15:4

Vuu ɓɔɔ zang bee ka yeti labeenang Laa piti, zang beeyi nɛɛ wu kpɛ̃ɛrɛ ruu, wu mã ruu danggn, tɔ̀ɔ, ruu shing gn kati.

Rooma 1:2

Ruu Tɔ̃ɔ keɓe, Laa á nyaa ɓiɓɛ tɔ dòo tɛ̃ɛ tɛ̃ɛ ka tĩng, nɛɛ bii rɛɛ zang nyaa shonang ɓiɓɛ, a zang ti bee ka yeti labeenang ɓiɓɛ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

Afisa 2:20

Nɔɔ nwang manɛ naa gãa ɓɔɔ zang mãa ɓɛɛ, a zang shonang Yeesɔ nɛɛ zang nyaa shonang Laa, rikɔ ɓarɛ kaa doo gãa ɓɔɔ zang loo ka tipi ɓɛɛ. Yeesɔ Kirisi nɛɛ yuu ɓiɓɛ, ɓi kaa tari ɓɔɔ yiti gãa ɓɛɛ.

Yahudi 9:14

Zĩi Kirisi palɛ vuu ɓɔɔ ɓa weɓe kpang ya? Kirisi ɓɔɔ shi kpang ka bii kpang, a Laa yuu ɓiɓɛ nɛɛ naa vuu palɛnang Suru Laa ɓɔɔ nwang ɓi dòndòng ɓɛɛ. Zĩi ɓiɓɛ shing katɔ rɛ̃rɛnang ɓɔɔ nɔɔ rɛ̃rɛ ka yuu vuu shi kpang palɛnang, wu nwang tɔ̃ɔ, tɔ̀ɔ, ruu pàlɛ̀ Laa ɓɔɔ ɓi ningkãari shonang kati.

Rooma 3:21

Kãntang keɓe, Laa nwangsɛ gbalang ɓɔɔ wu shing zang, zang nwang zang tɔ̃ɔ ka tĩng ɓiɓɛ tɔ. Ruu gbalang keɓe, hãa ɓi kagn nɛɛ nyaa ɓɔɔ Laa dang ɓɛɛ kpang. Nyaa ɓɔɔ Laa dangnɛ, nɛɛ rɛɛ zang nyaa shonang Laa ri kɔɔ ruu ka yuu gbalang keɓe.

Rooma 1:20

Ɓɔɔ bɛ̀ɛ́ Laa mãa koo gn kpang, vuu ɓɔɔ zang zi kpang ka yuu ɓiɓɛ, naa vuu palɛnang ɓiɓɛ nɛɛ nwannang ɓiɓɛ, ri zi tɔ gbayi gbayi. Zang ri zili vuu keɓe katɔ ka vuu ɓɔɔ Laa mãarɛ ɓɛɛ. Ka ruu nɔngkɔ, vuu ɓɔɔ ri jãa nyaa kagn ɓɛɛ kpang.

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Zang Shonang Yeesɔ 6:7

Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.

Maraku 16:15

A kɔɔ ri tɔɔ, “Nɔɔ dita ka koo piti, nɔɔ daa rang zang piti, Ruu Tɔ̃ɔ Kpanti Laa.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Vuu ɓɔɔ zang nwangsɛ Yɔhana 1:17

Ɓɔɔ n zi wu, n watɛ ka tĩng ɓiɓɛ naa zang ɓɔɔ vɔ katɔ ɓɛɛ. A arɛ shing nakn ɓiɓɛ ka bii mɛɛ, a kɔɔ m nɛɛ “Mɔɔ kaa vɔrɔ kpang, Nkɔ zang tĩng shɔɔnang, nkɔ ti gɔɔ zang nyaa.

Yahudi 13:8

Yeesɔ Kirisi ɓi doo naa ɓɔɔ wu nɛɛ ka ɓɔɔrɔ ɓɛɛ, ɓi doo nɔngkɔ lɛ̀ɛ́kɔ, ti nwang ɓi nɔngkɔ gbinggbing.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.