Rooma 16:19 - Nyaa Shɔɔ Ɓɔɔ Laa a Ɓɛɛ

¹⁹ Zang piti ri tãa nyaa naa ɓɔɔ nɔɔ yiti Ruu Laa gbãng gbãng ɓɛɛ tɔ. Ka ruu nɔngkɔ, n tãa tĩnang manɛ. N kasɛ nɔɔ zũng katɔ ka ɓɔɔ nɔɔ palɛ vuu tɔ̃ɔ ɓɛɛ. Ruu manɛ wu hãa kagn nɛɛ vuu shi kpang, kpang.

Rooma 16:19 Referans Kwoze

Matiyu 10:16

“Kãntang keɓe, n shong nɔɔ naa mɛ̀ɛrɛ́ ka teteng zaa wisi. Ka ruu nɔngkɔ, nɔɔ zũng katɔ naa sɔkɔ, nɔɔ ti nwang zang tɔ̃ɔ naa koro ɓɔɔ palɛ zang vuu ɓi kpang ɓɛɛ.

1 Koranti 14:20

Manzung, nɔɔ rɛ̃rɛ naa wujɛ kpang. Nɛɛ a tɔ ka nɔng shi kpang palɛnang, nɔɔ risi yuu manɛ naa wujɛ ɓɔɔ ri palɛ shi kpang ɓarɛ kpang ɓɛɛ. Nɛɛ a tɔ ka nɔng rɛ̃rɛnang, nɔɔ rɛ̃rɛ kaa rɛ̃rɛnang zang bang.

Filipi 2:15

Tɔ̀ɔ, nɔ́ɔ nwang kaa zang ɓɔɔ zang tɔɔ kpang, nɛɛ ri palɛ vuu shi kpang tɔ kpang, a ri ti tɔ̃ɔ dɔ̃ɔ gbete ɓɛɛ. Tɔ̀ɔ, nɔ́ɔ nwang kaa wujɛ Laa, ɓɔɔ shi kpang ka bii ɓarɛ kpang ɓɛɛ. Ka wee nɔɔ nwang ka teteng zang koo keɓe, ɓɔɔ ri sɔɔ gbalang gbete jong kaara kpang, ri ti palɛ vuu shi kpang ɓee. Nɔ́ɔ nwang kaa teteng ɓarɛ ka koo keɓe naa sang ɓɔɔ yakɛ nɔng ɓɛɛ.

Rooma 1:8

N gaayu, n zãa Laa mɛɛ nɛɛ bii Yeesɔ Kirisi, ka ruu ɓɔɔ, zang koo nandon, ri rang ruu ka yuu danggn shinang manɛ ɓɛɛ.

Filipi 1:9

N gàá Laa ka ruu manɛ, nɛɛ, kasɛnang ɓɔɔ nɔɔ kasɛ ruu zɔɔ nɛɛ manɛ wu daa nɛɛ tĩng sasak. Nɔ́ɔ ti zi vuu dɔɔli, nɔ́ɔ zunung naa ɓɔɔ nɔɔ basɛ teteng vuu tɔ̃ɔ nɛɛ ɓɔɔ shi kpang ɓɛɛ ka vuu piti.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

Afisa 5:17

Nɔ́ɔ nwàng wu naa shoko kpang, nɔɔ kãa manɛ gbalang ɓɔɔ nɔɔ zi vuu ɓɔɔ Laa nɛɛ nɔɔ pálɛ́ ɓɛɛ.

Luka 10:3

Nɔɔ dita, n shong nɔɔ naa mɛ̀ɛrɛ́ ka teteng zaa wisi.