Rooma 15:31 - Nyaa Shɔɔ Ɓɔɔ Laa a Ɓɛɛ

³¹ Nɔɔ gaayi nɛɛ, zang ɓɔɔ ri shing danggn ɓarɛ ka bii Laa kpang, ɓɔɔ ri ka tipi Yahudi, ri pálɛ̀ m vuu ɓɔɔ kpang. Nɛɛ zang ɓɔɔ ri dũng Laa ɓɔɔ ri ka Urushalima ri tãa tĩnang vuu ɓɔɔ n átɛ̀ ri ɓɛɛ.

Rooma 15:31 Referans Kwoze

2 Tesalonika 3:2

Nɔ́ɔ gaa Laa jong wu ta ruu nɛɛ naa zang ɓɔɔ yeti ɓarɛ shi kpang ɓɛɛ. Ka ruu ɓɔɔ, wu zang piti shing danggn tɔ ka Ruu Tɔ̃ɔ kpang ɓɛɛ.

2 Koranti 8:4

Ri gàa ruu, ri ti bàkɛ̀ ruu nɛɛ ruu yaa ri jong ri yi zang ɓɔɔ ri dũng doo Laa kɔ, ɓɔɔ ri ka tipi Yahudi naa jong ka bii.

2 Koranti 9:1

Dàa naa ɓɔɔ n bèé nɔɔ labeenang tɔ̀ɔ́ sasak, ka yuu vuu ɓɔɔ zang kpalɛ zang ɓɔɔ ri dũng doo Laa kɔ, ɓɔɔ ri ka tipi Yahudi ɓɛɛ kpang.

Rooma 15:25

A kãntang keɓe, n daa doo ka gari Urushalima, n daa a ri vuu ɓɔɔ yi ri naa ka bii ɓɛɛ.

2 Timoti 4:17

A Yeesɔ Kirisi yáa m kaa takpang, a m kaka, a n zunung ɓɔɔ n kɔɔrɔ zang Ruu Laa nandon. Tɔ̀ɔ, zang ɓɔɔ ri zang Yahudi kpang, ri tãa kati. A Laa tá m nɛɛ naa zang ɓɔɔ nɛɛ ri nyɔ m vɔrɔ ɓɛɛ.

2 Timoti 3:11

Mɔɔ ti zi naa ɓɔɔ zang dang m jĩng ɓɛɛ nɛɛ jĩng dannang ɓɔɔ n dang ɓɛɛ. Mɔɔ zi vuu ɓɔɔ palɛ m ka Antakiya, nɛɛ Ikoniya, nɛɛ Lisitira tɔ, jĩng ɓɔɔ zang dang m, a n mã danggn ɓɛɛ. Laa ta yuu mɛɛ ka vuu keɓe nandon.

1 Tesalonika 2:15

Zang Yahudi ɓɔɔ ri nyɔ rɛɛ zang nyaa shonang Laa nɛɛ kpanti Yeesɔ vɔrɔ, a ri ti hing ruu ɓɛɛ. Laa tãa tĩnang ɓarɛ kpang tingkiring. Ri ti shing jĩng nɛɛ zang ɓɔɔ kpang tingkiring.

Zang Shonang Yeesɔ 25:24

Fesitu kɔɔyi tɔɔ, “Kpanti Agiripa nɛɛ zang ɓɔɔ nɔɔ nɛɛ ruu ka nihn nandon, nɔɔ zi yɔɔ keɓe ɓɔɔ zang Yahudi nandon ɓàa wu nyaavaa ka bii mɛɛ ka nihn nɛɛ Urushalima. Ri goo nyaa ka lapa nɛɛ daa naa ɓɔɔ zang yaa yɔɔ keɓe ningkãari kpàng.

Zang Shonang Yeesɔ 25:2

Zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang bang bang zang Yahudi, ri atɛ ruu Bulu ka bii ɓiɓɛ. Ri gaa Fesitu nɛɛ,

Zang Shonang Yeesɔ 22:24

Yɔɔ zang bang sɔɔja Rooma kɔ̀ɔ zang ɓiɓɛ nɛɛ ri dita nɛɛ Bulu ka yeti nɔng ɓɔɔ gãa rɛɛ sɔɔja kagn ɓɛɛ. Nɛɛ ri nyɔ wu nɛɛ gbãa, tɔ̀ɔ, wu kɔɔ ruu vuu ɓɔɔ wu palɛ zang Yahudi, ri haa nyaa ka yuu ɓiɓɛ nɔngkɔ ɓɛɛ.

Zang Shonang Yeesɔ 9:13

A Hananiya kasɛ nyaa tɔɔ, “Kpanti, zang dɔɔli ri kɔɔ m ruu tɔ ka yuu yɔɔ keɓe, ka ruu vuu shi kpang ɓɔɔ wu palɛ zang ɓaaɓɛ ka Urushalima ɓɛɛ.

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

1 Koranti 16:15

Rɛɛ manzung, nɔɔ zi tɔ nɛɛ Sitifana nɛɛ zang ɓɔɔ ri ka gãa ɓiɓɛ rikɔ tá Ruu Tɔ̃ɔ Laa shɔɔnang ka tipi Akaya. Ri ti a yuu ɓarɛ tɔ nɛɛ ri palɛ shonang ri yi zang ɓɔɔ ri dũng Laa naa ka bii.

2 Koranti 1:10

Ta yuu ɓuru ka jĩng dannang ɓɔɔ bang dɔɔli, ɓɔɔ nɛ̀ɛ́ nyɔ ruu vɔrɔ kaɓa, naa ta yuu ɓuru ditɔ. Ruu shing gn ɓuru tɔ, ka bii ɓiɓɛ nɛɛ, naa ta yuu ɓuru ɓi kaa nɔngkɔ sasak.

2 Koranti 9:13

Shonang tɔ̃ɔ kɔ nɔɔ palɛ ɓee, wukɔ tusu zang nɛɛ nɔɔ manɛ zang ɓɔɔ ri dũng Laa niizang ɓɛɛ. Zang ɓɔɔ ri dũng dòo Laa kɔ, ri dɔɔ Laa ka ruu naa ɓɔɔ nɔɔ kɔɔ zang Ruu Tɔ̃ɔ Yeesɔ Kirisi, a nɔɔ palɛ vuu ɓɔɔ ruu keɓe kɔɔ ɓɛɛ katɔ ɓɛɛ. Ri ti dɔ̀ɔ Laa ka ruu naa ɓɔɔ nɔɔ basɛ vuu manɛ, nɔɔ á ri nɛɛ yeti gbete, a nɔɔ ti á ɓɔɔ zang ɓɔɔ ri shing danggn tɔ jong ka bii Laa ɓɛɛ.