Rooma 12:19 - Nyaa Shɔɔ Ɓɔɔ Laa a Ɓɛɛ

¹⁹ Manzung, nɔɔ wàa pãng kpang, nɔɔ yàa Laa kɔ jong, wu wàa nɔɔ pãng. Laa kɔɔ ka yeti labeenang ɓiɓɛ tɔɔ, “Nkɔ waa pãng, n shing ri, ri dang jĩng jong.”

Rooma 12:19 Referans Kwoze

Yahudi 10:30

Ka ruu ɓɔɔ, ruu zi zang ɓɔɔ kɔɔyi nɛɛ, “Pãng waanang ɓi ɓɔɔ mɛɛ, nkɔ naa waayi,” ɓɛɛ nung tɔ. A ti kɔɔ tɔkn nɛɛ “Kpanti Laa naa jɛ̃ɛ zang ɓiɓɛ ruu ditɔ”.

Rooma 12:17

Zang ɓɔɔ nɛɛ pàlɛ̀ nɔɔ shi kpang, nɔɔ wàa pãng doo nɛɛ vuu shi kpang kɔ kpang. Nɔɔ gãng jĩng kagn nɔ́ɔ pálɛ́ vuu ɓɔɔ zang piti ri zirɛ nɛɛ vuu tɔ̃ɔ ɓɛɛ.

1 Tesalonika 4:6

Wu roo nɛɛ soro ɓeezung kpang tingkiring. Naa rooyi, pàlɛ́ ɓeezung vuu shi kpang, ti shaa wu katɔ. Ruu kɔ̀ɔ ruu keɓe tɔ ka tĩng, a ruu shaarɛ nɔɔ nyaa gbãng gbãng nɛɛ Kpanti Laa naa dang zang ɓɔɔ ri palɛ vuu keɓe jĩng katɔ.

Rooma 12:14

Gàa Laa, wu palɛ zang ɓɔɔ ri dang nɔɔ jĩng tɔ̃ɔ. Gàa wu, wu palɛ ri tɔ̃ɔ, nɔɔ gàa wu, wu ku ri nyaa ka bii kpang.

Matiyu 5:39

A n kɔɔ nɔɔ, nɔ́ɔ lɔngsɔ vuu shi kpang ɓɔɔ zang palɛ nɔɔ ɓɛɛ, nɛɛ vuu shi kpang kɔ doori kpang. N kɔɔ nɔɔ, zang nɛɛ nyɔ mɔɔ ka kashoo ɓɔɔ nakn, mɔɔ raa wu ɓɔɔ nagang jong.

Rooma 13:4

Ka ruu ɓɔɔ, zang bang ɓi jaafoo Laa ɓɛɛ. Pálɛ̀ shonang, nɛɛ tɔ̀ɔ wu yi mɔɔ naa kaa bii. Mɔɔ nɛɛ pálɛ̀ vuu shi kpang, mɔɔ ka vɔrɔ ɓiɓɛ katɔ, ka ruu ɓɔɔ, zang a wu bannang ka dalɛ waati kpang ɓɛɛ. Ɓi zang shonang Laa, jɛ̃ɛ zang ruu ka nung ɓɔɔ Laa nɛ̀ɛ́ jɛ̃ɛ zang ɓɛɛ. Wu dàng zang ɓɔɔ ri palɛ vuu shi kpang jĩng.

Afisa 4:27

Mɔɔ puu Sheetang gbalang kpang.

2 Timoti 4:14

Alezanda yɔɔ ɓɔɔ sã vuu ɓɛɛ palɛ m vuu shi kpang dɔɔli. Laa naa palɛ wu vuu ditɔ jong ka doo vuu ɓɔɔ wu pálɛ̀ ɓɛɛ.