Rooma 12:14 - Nyaa Shɔɔ Ɓɔɔ Laa a Ɓɛɛ

¹⁴ Gàa Laa, wu palɛ zang ɓɔɔ ri dang nɔɔ jĩng tɔ̃ɔ. Gàa wu, wu palɛ ri tɔ̃ɔ, nɔɔ gàa wu, wu ku ri nyaa ka bii kpang.

Rooma 12:14 Referans Kwoze

1 Bituru 3:9

Zang ɓɔɔ nɛɛ pàlɛ̀ nɔɔ shi kpang, nɔ́ɔ ti palɛ ri doo shi kpang kɔ kpang. Zang ri nɛɛ dãa nɔɔ, nɔ́ɔ ti dãa ri jong kpang. Nɔɔ gàa ri manɛ Laa kɔ jong, wu pàlɛ̀ ri tɔ̃ɔ, ka ruu ɓɔɔ, Laa shɛ̃ɛrɛ nɔɔ nɛɛ wu pàlɛ́ nɔɔ tɔ̃ɔ ɓɛɛ.

Matiyu 5:44

A n kɔɔ nɔɔ, nɔɔ kàsɛ̀ ruu zang ɓɔɔ nɔɔ shing jĩng nɛɛ zɔɔ kpang katɔ. Nɔɔ ti gaa Kpanti Laa ka ruu zang ɓɔɔ ri dang nɔɔ jĩng ɓɛɛ,

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

Rooma 12:21

Nɔɔ yaa vuu shi kpang wu ɓa kaka manɛ kpang. Nɔɔ ɓa kaka vuu shi kpang katɔ kɔ jong nɛɛ tɔ̃ɔ palɛnang.

Luka 6:28

Nɔɔ gaa Laa ka ruu zang ɓɔɔ ri rang yee shi kpang ka yuu manɛ, nɛɛ zang ɓɔɔ ri dang nɔɔ jĩng ɓɛɛ.

Yakubu 3:10

Ruu dɔɔ Laa, a ruu ti dãa zang nɛɛ nyaa gbete keɓe. Manzung, nɔɔ palɛ wu nɔngkɔ kpang.

Luka 23:34

A Yeesɔ kɔɔyi nɛɛ, “Daa mɛɛ, yaa ri gbalang vuu keɓe katɔ, ka ruu ɓɔɔ, ri zi vuu ɓɔɔ ri palɛ kpang ɓee.” Ri sháa laa ka naa ɓɔɔ ri basɛ rɛɛ fɔ̃ɔrɔ ɓiɓɛ ɓɛɛ.

Zang Shonang Yeesɔ 7:60

A tang nɛɛ gutu, mɛɛ nyaa ka lapa tɔɔ, “Kpanti, mɔɔ yiti vuu shi kpang kɔ ri palɛ ɓee ka yeti ɓaaɓɛ kpang.” Kɔɔ vuu keɓe tɔ a vɔ kati.