Rooma 12:1 - Nyaa Shɔɔ Ɓɔɔ Laa a Ɓɛɛ

¹ Rɛɛ manzung, ka ruu tɔ̃ɔ palɛnang Laa, ɓɔɔ Laa tusu ruu dɔɔli ɓɛɛ, n gaa nɔɔ katɔ gbãng gbãng. Nɔɔ a Laa yuu manɛ, naa vuu ɓɔɔ zang dɔɔ wu ɓɛɛ. Nɔɔ nɛɛ a wu yuu manɛ tɔ naa vuu vaa ɓɔɔ zang dɔɔ wu ɓɛɛ, a nɔɔ kaa doo ningkãari ɓɛɛ. Nɔɔ shing yuu manɛ kaa gbãng gbãng nɔɔ pàlɛ́ wu shonang ɓɔɔ shing wu, wu tãa tĩnang manɛ ɓɛɛ. Wee gbalang ɓɔɔ Laa kàsɛ̀ nɛɛ nɔɔ báng wu ɓɛɛ kɔ.

Rooma 12:1 Referans Kwoze

1 Bituru 2:5

Nɔɔ ɓɔɔ Yeesɔ Kirisi a nɔɔ suru bii tɔ ɓɛɛ, nɔɔ nwàng doo naa rɛɛ tari kɔ. Tari ɓɔɔ Laa mãa gãa ɓɔɔ suru nwang kagn ɓɛɛ. Nɔɔ manɛ zang ɓɔɔ Laa zɔ̃ng ri nɛɛ ri nwang zang ɓɔɔ ri dɔ̀ɔ́ wu vuu ɓɛɛ. Nɛɛ tɔ̀ɔ, nɔ́ɔ shòng wu kaa nɛɛ yeti manɛ piti naa ɓɔɔ wu tãa tĩnang ɓɛɛ, ka ruu Yeesɔ Kirisi.

Rooma 6:13

Nɔ́ɔ ti yaa bii manɛ dang gbete wu ràa vuu ɓɔɔ nɔ̀ɔ palɛ vuu shi kpang nɛɛ mani ɓɛɛ kpang. Nɔɔ a Laa, bii manɛ naa zang ɓɔɔ zang wisi ri paa nɛɛ sàa ri nwàng kaa ningkãari ɓɛɛ. Nɔɔ risi bii manɛ dang gbete katɔ kɔ jong wu nwang vuu ɓɔɔ Laa palɛ shonang tɔ̃ɔ nɛɛ mani ɓɛɛ.

Rooma 6:19

N rang nɔɔ yee, n gãsɛ nɔɔ vuu nɛɛ vuu ɓɔɔ ruu zi diki diki ɓɛɛ. Ka ruu ɓɔɔ, bii shɔnzang manɛ lakɛ naa ka bii, ka vuu zinang kpang ɓɛɛ. Bɛ̀ɛ́ nɔɔ á dũndũng, nɛɛ vuu shi kpang, yuu manɛ dɔ̃ɔ gbete naa jaafoo, kãntang keɓe, nɔɔ á yuu manɛ doo nɔngkɔ dɔ̃ɔ gbete, nɔɔ palɛ vuu ɓɔɔ tɔ̃ɔ ɓɛɛ, tɔ̀ɔ, nɔɔ nwang kaa zang Laa niizang.

Rooma 12:2

Nɔ́ɔ yi tĩng nɛɛ vuu ɓɔɔ zang koo keɓe kasɛ palɛnang ɓɛɛ kpang. Nɔɔ yaa Laa wu kɔ̃sɔ nɔɔ yeti manɛ, wu a nɔɔ rɛ̃rɛnang ɓɔɔ shɔɔ. Tɔ̀ɔ, nɔ́ɔ zi vuu ɓɔɔ Laa kasɛ ɓɛɛ kati. Vuu ɓɔɔ tɔ̃ɔ, a ti shing wu tãa tĩnang, nɛɛ vuu ɓɔɔ daa naa katɔ ɓɛɛ.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Rooma 6:16

Nɔɔ zi tɔ nɛɛ, naa nɔɔ a zang ɓɔɔ yuu manɛ nɛɛ nɔɔ nwang jaafoo ɓiɓɛ, nɔɔ ɓaa shoo ka nyaa ɓiɓɛ. Nɔɔ manɛ jaafòó zang gãa ɓɔɔ nɔɔ ɓaa shoo ka nyaa ɓiɓɛ ɓɛɛ. Naa nɔɔ ɓaa shoo doo ka nyaa vuu shi kpang ɓɔɔ nwǎng zang vɔrɔ ɓɛɛ, naa nɔɔ ti ɓaa shoo ka nyaa Laa, tɔ̀ɔ, Laa wu ta nɔɔ nɛɛ nɔɔ zang tɔ̃ɔ ka tĩng ɓiɓɛ ɓɛɛ.

2 Koranti 4:16

Ka ruu nɔngkɔ, ruu yaa gn naa kpang. Naa wee bii biling ɓuru pũng katɔ ɓee, bii suru ɓuru ri ɓi shɔɔ diki diki.

1 Tesalonika 4:1

Ka ruu nɔngkɔ, rɛɛ manzung, n gisi nɔɔ ruu nɛɛ, nɔɔ kpɛ̃ɛrɛ naa ɓɔɔ nɔɔ nwang nɛɛ Laa wu tãa tĩnang manɛ tɔ ka bii ɓuru, a nɔɔ ti nwang kana nɔngkɔ kãntang. A ruu gaa nɔɔ nɛɛ nung Kpanti Yeesɔ Kirisi nɛɛ nɔɔ nɛɛ nwang nɔngkɔ sasak.

2 Koranti 5:20

Ruu nwàng ɓuru kaa naa zang nyaa shonang Yeesɔ Kirisi, mɔɔ kɔɔ nɛɛ Laa nɛɛ yuu ɓiɓɛ bàkɛ́ zang nɛɛ bii ɓuru. Ruu gaa nɔɔ ka nung ɓɔɔ Yeesɔ nɛ̀ɛ́ gaa nɔɔ ɓɛɛ. Nɔɔ yáa Laa wu risi nɔɔ nɔ́ɔ nwang wusang ɓiɓɛ.

Afisa 5:10

Nɔɔ kãa vuu ɓɔɔ shing Kpanti Yeesɔ tãa tĩnang ɓɛɛ.

Filipi 2:17

Danggn ɓɔɔ nɔɔ shing ka bii Yeesɔ Kirisi nwang naa vuu ɓɔɔ nɔɔ dɔɔ Laa ɓɛɛ. Naa zang tɛ̃ɛ zĩi mɛɛ doo ka yuu vuu kɔ nɔɔ dɔɔ Laa ɓee, n tãa m tĩnang nɛɛ nɔɔ.

1 Koranti 1:10

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

Rooma 2:4

Mɔɔ rɛ̃̀rɛ̀ waasɛ̃ ka yuu Laa kpang, ka ruu ɓɔɔ, palɛ mɔɔ tɔ̃ɔ dɔɔli, a dang mɔɔ jĩng tantɛnang kpang, a ti mã danggn nɛɛ mɔɔ dɔɔli ɓɛɛ ya? Laa pàlɛ́ mɔɔ tɔ̃ɔ, nɛɛ tɔ̀ɔ mɔɔ kɔ̃sɔ yeti ɓaaɓɛ kati.

1 Bituru 2:20

Naa zang ɓɔɔ palɛ vuu shi kpang, a mã danggn ka ɓɔɔ zang nyɔ wu, ka ruu vuu shi kpang ɓɔɔ wu palɛ ɓɛɛ, zang dɔ̀ɔ́ wu katɔ ya? Zang pálɛ̀ wu ɓi vuu ɓɔɔ daa naa ɓɔɔ zang nɛɛ palɛ wukɔ nwani. Naa zang ɓɔɔ palɛ tɔ̃ɔ, a zang dang wu jĩng ka ruu tɔ̃ɔ ɓɔɔ wu palɛ, a mã danggn, zang keɓe daa naa ɓɔɔ Laa dɔ̀ɔ́ wu tɔ.

Filipi 4:18

Nɔɔ a m vuu piti ɓɔɔ daa naa katɔ ɓɛɛ tɔ. Nɔɔ ti gisi vuu ɓɔɔ tɔ dɔɔli ɓa vuu ɓɔɔ n shing gn ɓiɓɛ tɔ. Ɓɔɔ Abafaroditu atɛ m vuu ɓɔɔ nɔɔ alɛ wu. Vuu bìí daa m katɔ, vuu ɓɔɔ n kasɛ ɓɛɛ takpang. Vuu keɓe nwang naa vuu ɓɔɔ á sɛ̃ɛ tɔ̃ɔ ɓɛɛ, vuu ɓɔɔ zang dɔɔ Laa ɓɔɔ shingnɛ Laa tãa tĩnang ɓɛɛ.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

Rooma 15:30

Manzung ɓɔɔ ri dũng dòo Laa kɔ ɓɛɛ, n gaa nɔɔ nɛɛ nung Kpanti Yeesɔ Kirisi, a ɓɔɔ nɛɛ kasɛnang ɓɔɔ Suru Laa a ruu ɓɛɛ, nɔɔ ɓakɛ yuu nɛɛ n. Nɔɔ gaa m Laa jong gbãng gbãng

Rooma 15:16

N nwàng zang shonang Yeesɔ Kirisi, nɛɛ n palɛ zang ɓɔɔ ri zang Yahudi kpang shonang. N kɔɔ ri Ruu Tɔ̃ɔ Laa, tɔ̀ɔ, zang ɓɔɔ ri zi Laa kpang, ri nwang kaa naa vuu ɓɔɔ zang a Laa, ɓɔɔ shing Laa wu tãa tĩnang ɓɛɛ. Ɓɔɔ Suru Laa risi nwang tɔ̃ɔ ɓɛɛ.

Filipi 1:20

Vuu ɓɔɔ n kasɛ ka yeti mɛɛ, a n ti shing gn kagn, ɓi naa ɓɔɔ n pálɛ̀ vuu ɓɔɔ yusɛ̃ɛ naa tuu m kpang ɓɛɛ. Naa n ningkãari a naa n vɔ doo katɔ, n kasɛ diki diki n nwang zang ɓɔɔ kaa vɔrɔ kpang, naa wee n kãntang ɓee. Tɔ̀ɔ, n shingnɛ, zang a Yeesɔ Kirisi bannang kati.

1 Timoti 2:3

Zɔ̃̌ng Laa gaanang keɓe, wukɔ tɔ̃ɔ. Laa ɓɔɔ wukɔ ta yuu ɓuru kasɛ zɔ̃ng gaanang keɓe kɔ.

1 Tesalonika 5:12

Rɛɛ manzung ɓuru, ruu gaa nɔɔ, nɔ́ɔ seng zang ɓɔɔ ri palɛ shonang ka teteng manɛ waasɛ̃. Zang ɓɔɔ rikɔ sɔ̀ɔ́ nɔɔ ɓɔɔ nɔɔ dũng Laa ɓɛɛ tĩng, a ri ti tusu nɔɔ vuu, nɛɛ tɔ̀ɔ nɔɔ palɛ vuu shi kpang, kpang ɓɛɛ.

Luka 7:47

Ka ruu nɔngkɔ, n kɔɔ mɔɔ, zang yaa wu gbalang vuu shi kpang ɓiɓɛ ɓɔɔ dɔɔli tɔ, ka ruu ɓɔɔ tusu nɛɛ wu kasɛ m dɔɔli ɓɛɛ. Zang ɓɔɔ zang yaa wu gbalang tɔkɔlɔng, kasɛ ruu zang ɓi tɔkɔlɔng.”

Yahudi 13:22

Rɛɛ manzung, n gaa nɔɔ, nɔ́ɔ mã danggn nɛɛ rúu kɔ n mã nɔɔ danggn nɛɛ mani ɓee. Vuu kɔ n bee nɔɔ ɓee, ɓi dɔɔli kpang.

1 Timoti 5:4

Suvɔ ɓɔɔ wujɛ ɓiɓɛ nɛɛ wujɛ wujɛ ɓiɓɛ kagn, wujɛ keɓe ri kpɛ̃ɛrɛ naa ɓɔɔ ri gaayu shonang Laa palɛnang, ka ɓɔɔ ri palɛ zang ɓɔɔ yi ri shonang ɓɛɛ. Ka gbalang keɓe, ri wàá rɛɛ zang ɓɔɔ yi ri, nɛɛ rɛɛ dabang ɓarɛ pãng, vuu ɓɔɔ ri pàlɛ̀ ri ɓɛɛ. Ka ruu ɓɔɔ vuu ɓɔɔ naa weɓe Laa kasɛ wukɔ ɓɛɛ.

1 Tesalonika 4:10

A nɔɔ ti tusu naa ɓɔɔ nɔɔ kasɛ rɛɛ ɓaazung ɓɔɔ ri dũng doo Laa kɔ ka Makidoniya ɓɛɛ tɔ. Ka ruu nɔngkɔ, rɛɛ manzung ɓuru, ruu gaa nɔɔ nɛɛ nɔɔ palɛ nɔngkɔ sasak.

Rooma 9:23

Palɛ vuu keɓe nɛɛ wu tusu bannang ɓiɓɛ. Bannang ɓɔɔ wu nwangsɛ ruu, ɓɔɔgn ɓuru kɔng wu katɔ ɓɛɛ. Zang ɓɔɔ wu kpàlɛ̀ ri bii doo ka tĩng nɛɛ ri ta bannang ɓiɓɛ ɓɛɛ.

2 Koranti 4:1

Gn ɓuru kɔng Laa, a á ruu shonang keɓe nɛɛ ruu palɛ. Ka ruu nɔngkɔ, ruu yaa gn naa kpang.

2 Koranti 10:1

Nkɔ Bulu nɛɛ yuu mɛɛ, n gaa nɔɔ, n ɓɔɔ n palɛ vuu hakaka kpang, n ti tuu yuu mɛɛ kpang, naa Kirisi ɓɛɛ. Zang kɔɔrɔ nɛɛ naa n dòo nɛɛ nɔɔ nɔng gbete, n kaa doo vɔrɔ, a n nɛɛ tɔ̀ɔ́ nɛɛ nɔɔ kpang, n kaa vɔrɔ takpang.

Filimon 1:9

Ka ruu ɓɔɔ, ruu kasɛ zɔɔ katɔ ɓɛɛ, n gaa mɔɔ katɔ kɔ jong. N gaa mɔɔ ka ruu ɓɔɔ n m zang nyaa shonang Yeesɔ Kirisi ɓɛɛ, a zang ti mã m ka sãa ka ruu ɓiɓɛ ɓɛɛ.

Filimon 1:10

N gaa mɔɔ ka ruu Onesimu ɓɔɔ nwang kaa naa jaa mɛɛ, ka wee zang mã m ka sãa ɓee.