Rooma 11:36 - Nyaa Shɔɔ Ɓɔɔ Laa a Ɓɛɛ

³⁶ Vuu piti a nɛɛ bii Laa. Mãa vuu piti ka ruu ɓiɓɛ kɔ, a vuu piti ti gbãayu ka bii ɓiɓɛ ka nɔng. Rúu dɔɔ nɔɔ Laa dòndòng. Nɔngkɔ.

Rooma 11:36 Referans Kwoze

1 Koranti 8:6

Ruu zi ɓuru tɔ, Laa ɓi gbete. Wukɔ Daa, wukɔ mãa vuu piti, wukɔ ti mãa ruu nɛɛ, tɔ̀ɔ, ruu a wu bannang. Kpanti ti gbete kɔ nwani, wukɔ Yeesɔ Kirisi. Laa mãa vuu piti nɛɛ bìí ɓiɓɛ kɔ. Rùu ti nwang ningkãari ka ruu ɓiɓɛ kɔ.

Yahudi 2:10

Daa naa katɔ, Laa ɓɔɔ vuu piti nwang ka ruu ɓiɓɛ kɔ, a wukɔ ti mã̀a vuu piti ɓɛɛ, wu shing Yeesɔ wu nwang nyaa kiiri nɛɛ jĩng ɓɔɔ wu dang ɓɛɛ. Tɔ̀ɔ, wu atɛ wujɛ ɓiɓɛ ri wàlɛ̀ bannang, ka ruu ɓɔɔ Yeesɔ kɔ sɔɔ ri tĩng, zang daa ta yuu ɓarɛ ɓɛɛ.

1 Timoti 1:17

Rùu nandon ruu dɔ̀ɔ Laa ɓɔɔ wukɔ kpanti dòndòng ɓɛɛ ta. Laa ɓɔɔ vɔ ɓi jong kpang, zang ti zi wu ɓi jong nɛɛ jĩng kpang ɓɛɛ. Laa ɓɔɔ wukɔ gbete ɓɛɛ. Ruu a wu bannang ta dòndòng. Nɔngkɔ.

Rooma 16:27

Ruu dɔɔ Laa ɓɔɔ wukɔ gbete, ɓɔɔ zũng dɔɔli ɓɛɛ dòndòng, ka ruu vuu ɓɔɔ Yeesɔ Kirisi palɛ ɓɛɛ. Nɔngkɔ.

Yahuza 1:25

Laa ɓɔɔ ɓa zang piti, wukɔ ti gbete, wukɔ tá yuu ɓuru nɛɛ bii Kpanti ɓuru Yeesɔ Kirisi ɓɛɛ. Bannang nɛɛ naa vuu palɛnang ɓi ɓɔɔ ɓiɓɛ dòo ka sáa ɓɔɔ tɛɛrɛ tɔ ɓɛɛ, nɛɛ kãntang keɓe, ti nwang ɓɔɔ ɓiɓɛ gbinggbing. Nɔngkɔ.

Zang Shonang Yeesɔ 17:28

“Zang ɓɔɔ kɔɔyi tɔɔ, ‘Ruu nwangnɛ, ruu rarɛ, ruu nwang shɔnzang, ka ruu ɓiɓɛ kɔ.’ Ɓi naa ɓɔɔ zang soo gáanang manɛ ri kɔɔyi nɛɛ, ‘Ruu doo wujɛ ɓiɓɛ kɔ’ ɓɛɛ.

Vuu ɓɔɔ zang nwangsɛ Yɔhana 21:6

A ti kɔɔ m nɛɛ, “Zang hangsɛ vuu piti tɔ. Nkɔ Alafa nɛɛ Omɛga, ɓɔɔ tĩng shɔɔnang nɛɛ ɓɔɔ waa nyaa knti ɓɛɛ. Zang ɓɔɔ sutu nɛɛ mãa wu, n a wu mii ɓɔɔ nwang nɛɛ sɔlɔng mii, ɓɔɔ a zang suru bii ɓɔɔ waa nyaa kpang ɓɛɛ waati.

2 Bituru 3:18

Nɔɔ dũng manɛ Kpanti ɓuru Yeesɔ Kirisi kɔ jong, ɓɔɔ wukɔ ta yuu ɓuru ɓɛɛ. Tɔ̀ɔ, wu palɛ nɔɔ tɔ̃ɔ kaa yuu zɔɔ, yuu zɔɔ. Zinang ɓɔɔ nɔɔ zi wu, wu ti daa ka tĩng. Zang ri a wukɔ bannang dòndòng. Nɔngkɔ.

2 Timoti 4:18

Kpanti Yeesɔ Kirisi ta m ditɔ, ka vuu shi kpang ɓɔɔ zang nɛɛ ri palɛ m nandon. Wu daa nɛɛ n ka nɔng ɓɔɔ wu roo kpanti ka lapa ɓɛɛ. Zang ri a wu bannang ta dòndòng. Nɔngkɔ.

1 Koranti 11:12

Ka ruu ɓɔɔ, Laa zɔ̃ng kaka zang varɛ a mãa zang soro nɛɛ mani ɓɛɛ. Kãntang keɓe, kaa zang soro yi zang varɛ kati. A vuu piti à ɓi kaa nɛɛ bii Laa.

1 Bituru 5:11

Kpanti roonang Laa wu nwang ɓɔɔ ɓiɓɛ kɔ dòndòng. Nɔngkɔ.

Filipi 4:20

Zang ri a Laa ɓɔɔ wukɔ Daa ɓuru, bannang dòndòng. Nɔngkɔ.

Afisa 3:21

Zang ri a wu bannang ka bii zang ɓɔɔ ri dũng wu ɓɛɛ, nɛɛ bii Yeesɔ Kirisi. Zang ri palɛ nɔngkɔ sasak, zang yaa kpang dòndòng. Nɔngkɔ.

Galati 1:5

Zang wu a Laa bannang ta gbing gbing. Nɔngkɔ.

Vuu ɓɔɔ zang nwangsɛ Yɔhana 19:1

Vuu keɓe, ɓa tɔ, a n tãa vuu naa yee zang, ri kpalɛ ka lapa gaagaa, ri goo nyaa nabm, ri gaa soo nɛɛ, “Haliluyaa, ɓi Laa ɓuru kɔ tà yuu ɓuru. Bannang, nɛɛ naa vuu palɛnang ɓi ɓɔɔ ɓiɓɛ.

Vuu ɓɔɔ zang nwangsɛ Yɔhana 7:10

Ri nandon, ri mɛɛ nyaa ka lapa nabm nɛɛ, “Ɓi Laa ɓuru ɓɔɔ nwang ka yuu laa nwannang kpanti nɛɛ Jaa Mɛɛrɛ rikɔ ta yuu ɓuru.”

1 Bituru 4:11

Zang ɓɔɔ Laa nɛɛ a wu naa yee rannang, wu rang yee ɓɔɔ a nɛɛ bii Laa ɓɛɛ. Zang ɓɔɔ nɛɛ zunung ɓɔɔ wu shǒng zang katɔ, wu shong nɛɛ kaka ɓɔɔ Laa a wu piti. Nɔɔ palɛ nɔngkɔ tɔ̀ɔ, zang ri dɔɔ Laa ka ruu vuu piti, ka ruu Yeesɔ Kirisi. Bannang nɛɛ naa vuu palɛnang ɓi ɓɔɔ ɓiɓɛ kɔ dòndòng. Nɔngkɔ.

Yahudi 13:21

N gaa wu, wu a nɔɔ vuu tɔ̃ɔ piti ɓɔɔ nɔɔ kasɛ ɓɛɛ, tɔ̀ɔ, nɔɔ palɛ vuu ɓɔɔ wu kasɛ ɓɛɛ. Wu palɛ vuu ɓɔɔ shing wu, wu tãa tĩnang ka yeti ɓuru, nɛɛ bii Yeesɔ Kirisi. Zang a wu bannang ta gbinggbing. Nɔngkɔ.

Luka 19:38

Ri kɔɔrɔ kana nɛɛ, “Laa wu a Kpanti ɓɔɔ a nɛɛ nung Kpanti Laa tĩnang tãanang. Nwannang ka nyaa zɔɔ kagn lapa. Zang wu ti dɔɔ Laa ɓɔɔ ka lapa kpala kpala ɓɛɛ ta.”

1 Timoti 6:16

Wukɔ vɔ ɓi kpang gbete. Nwàng ɓi ka nɔng ɓɔɔ yakɛ ɓi katɔ, ɓɔɔ zang ɓɔɔ zunung daanang ka bii ɓiɓɛ kpang ɓɛɛ. Zang ɓɔɔ zi wu gngn kpang. Zang ɓɔɔ ti zi wu kagn kpang. Zang wu báng wu diki diki, naa vuu palɛnang wu nwang ɓɔɔ ɓiɓɛ dòndòng, Nɔngkɔ.

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Matiyu 6:13

Mɔɔ yaa Sheetang wu gãsɛ ruu nɛɛ vuu ɓɔɔ ɓa kaka ɓuru katɔ ɓɛɛ kpang. Ta ruu katɔ kɔ jong nɛɛ naa ɓiɓɛ.

Vuu ɓɔɔ zang nwangsɛ Yɔhana 7:12

Ri kɔɔrɔ nɛɛ, “Ruu kasɛ tɔ, dɔ̀ɔnang nɛɛ bannang, nɛɛ zũnang nɛɛ zã̀anang nɛɛ zang sennang, nɛɛ naa vuu palɛnang nɛɛ kpanti roonang, ɓi ɓɔɔ Laa ɓuru gbinggbing. Wu nwang nɔngkɔ.”