Rooma 11:28 - Nyaa Shɔɔ Ɓɔɔ Laa a Ɓɛɛ

²⁸ Zang Yahudi ri ɓarɛ zang ɓɔɔ ri shing jĩng nɛɛ Laa kpang, ka ruu ɓɔɔ ri bɛ̃ɛ Ruu Tɔ̃ɔ Laa katɔ ɓɛɛ. A nɔɔ zang ɓɔɔ nɔɔ zi Laa kpang nɔɔ wàlɛ̀ Ruu Tɔ̃ɔ Laa tãanang kati. Ka ruu ɓɔɔ, Laa zɔ̃ng ri ɓarɛ katɔ ɓɛɛ, ri doo zang ɓɔɔ Laa kasɛ ri katɔ ɓɛɛ, ka ruu rɛɛ dabang dabang ɓarɛ ɓɛɛ.

Rooma 11:28 Referans Kwoze

Rooma 11:7

Ruu keɓe, kɔɔ ɓu kaa nɛɛ viya? Zang Isirela ri ĩi vuu ɓɔɔ ri kãa ɓɛɛ kpang. Ɓi zang ɓɔɔ Laa zɔ̃ngkɔ rikɔ ri ĩiyi. Zang nimbang ri huuru shoo ɓarɛ katɔ, ri tãa nyaa ɓɔɔ Laa ɓayi ɓarɛ takpang.

Rooma 9:5

Ri ɓarɛ zɔ̃ng rɛɛ dabang ɓɔɔ ka tĩng tɛ̃ɛ tɛ̃ɛ ɓɛɛ. Kirisi ka bii shɔnzang ɓiɓɛ, nwangnɛ doo laa ɓarɛ kɔ. Zang wu dɔɔ Laa ta dòndòng, ɓɔɔ wukɔ kpanti ka yuu vuu piti ɓɛɛ. Nɔngkɔ.

Matiyu 21:43

“Ka ruu nɔngkɔ n kɔɔ nɔɔ, zang naa ta gbalang ɓɔɔ zang zi kagn nɛɛ Laa kɔ Kpanti ditɔ nɛɛ naa manɛ, zang a zang ɓɔɔ ri naa palɛ vuu ɓɔɔ Laa kasɛ katɔ ɓɛɛ.

Rooma 11:11

Ń hɛ̃ɛ kati ɓɛɛ, ɓɔɔ zang Yahudi ri kpaa doo, ri wàtɛ̀ gbinggbing ya? Nɔngkɔ kpang tingkiring. Ka ruu ɓɔɔ, ri palɛ vuu shi kpang, Laa ta yuu zang ɓɔɔ ri zang Yahudi kpang kati. Tɔ̀ɔ, wu shing zang Yahudi, ri kaa sũnyaa kaa nɛɛ ri.

Rooma 11:30

Ɓɔɔ nɔɔ zang ɓɔɔ nɔɔ zi Laa kpang ɓɛɛ, naa ɓɔɔ ka tĩng nɔɔ ɓaa shoo ka nyaa Laa kpang, kãntang keɓe gn manɛ kɔng Laa tɔ, ka ruu ɓɔɔ, zang Yahudi ri ɓaa shoo ka nyaa Laa kpang ɓɛɛ.

Rooma 5:10

Ka ɓɔɔ bɛ̀ɛ́ ruu shing jĩng gn nɛɛ Laa kpang, Laa shingnɛ ruu nwáng nɛɛ wu ka nyaa zɔɔ ka ruu Jaa ɓiɓɛ ɓɔɔ vɔ ka ruu ɓuru ɓɛɛ. Wee ruu nwang tɔ ka nyaa zɔɔ nɛɛ Laa ɓee, Jaa ɓiɓɛ ta yuu ɓuru katɔ, ka ruu ɓɔɔ, nwàng ɓi ningkãari ɓɛɛ.

Zang Shonang Yeesɔ 18:6

Ri bɛ̃ɛ ruu ɓiɓɛ, a ri kɔɔrɔ vuu shi kpang ka yuu ɓiɓɛ. Yeti ɓiɓɛ lasɛ nɛɛ ri, a waa zũng tapuru ɓɔɔ ka fɔ̃ɔrɔ ɓiɓɛ ɓɛɛ, a kɔɔ ri tɔɔ, “Nɔɔ nɛɛ shaarɛ, ɓi nɔkɔ kãa nɛɛ yuu manɛ. Ruu mɛɛ hãa ɓi kagn kpang. Vuu ɓɔɔ gaayu nɛɛ lɛ̀ɛ́kɔ, n daarɛ m kaa bii rɛɛ zang ɓɔɔ ri zang Isirela kpang ɓɛɛ.”

Zang Shonang Yeesɔ 14:2

Rɛɛ Yahudi ɓɔɔ ri bɛ̃ɛ danggn shinnang katɔ, ri dɔ̃lɔ rɛɛ zang ɓɔɔ ri zang Isirela kpang, a ri lasɛ zɔɔ nɛɛ rɛɛ zang ɓɔɔ ri shing danggn tɔ ɓɛɛ.

Luka 1:54

A ti kpaa danggn nɛɛ wu naa yǐ jaafoo ɓiɓɛ zang Isirela naa ka bii,