Rooma 1:28 - Nyaa Shɔɔ Ɓɔɔ Laa a Ɓɛɛ

²⁸ Ka ruu ɓɔɔ, shɔnzang ri kasɛ nɛɛ ri yítì vuu ɓɔɔ niizang ɓɔɔ zang zi ka yuu Laa ka yeti ɓarɛ kpang. Laa yaa ri tɔ ri rɛ̃rɛ vuu ɓɔɔ shi kpang, tɔɔ ri palɛ vuu ɓɔɔ daa naa palɛnang kpang ɓɛɛ.

Rooma 1:28 Referans Kwoze

Rooma 1:21

Ka ruu ɓɔɔ, ri zi Laa tɔ, a ri a wu bannang kaa takpang, nɛɛ wukɔ Laa kpang. Ri ti zã̀a wu kpang. A rɛ̃rɛnang ɓarɛ sɔ̀ɔ gbalang kpang. A yeti ɓarɛ tɔɔyi, ri zi vuu ɓɔɔ kaa takpang.

Titu 1:16

Ri kɔ̀ɔ́ ɓarɛ nɛɛ ri zi Laa tɔ, a vuu ɓɔɔ ri palɛ tusu kaa nɛɛ ri zi Laa nung kpang. Ri ɓarɛ vuu ɓɔɔ zang bɛ̃ɛ katɔ ɓɛɛ, ri ɓaa shoo ka nyaa zang kpang, ri daa naa vuu tɔ̃ɔ palɛnang ɓarɛ kpang tingkiring.

Rooma 1:24

Ka ruu ɓɔɔ, shɔnzang ri shoko nɔngkɔ, Laa yaa ri, ri palɛ vuu ɓɔɔ sãnsãnrãng ɓɔɔ yeti ɓarɛ kasɛ ɓɛɛ. A ri pálɛ̀ vuu yusɛ̃ɛ nɛɛ zɔɔ.

2 Timoti 3:8

Naa ɓɔɔ Jani ri nɛɛ Jambari ri bɛ̃ɛ nyaa Musa ɓɛɛ, zang keɓe ri bɛ̃ɛ ruu ɓɔɔ niizang doo nɔngkɔ. Zang keɓe, yeti ɓarɛ zunung rɛ̃rɛnang kpang. Danggn shinnang ɓarɛ ɓi ɓɔɔ niizang kpang.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

1 Koranti 15:34

Nɔɔ yaa vuu shoko manɛ ta, a nɔɔ ti yaa vuu shi kpang ɓɔɔ nɔɔ palɛ ɓɛɛ. N kɔɔ nɔngkɔ, tɔ̀ɔ, yusɛ̃ɛ wu tuu nɔɔ. Ka ruu ɓɔɔ, zang ɓɔɔ ka teteng manɛ ri zi Laa kpang ɓɛɛ.

Rooma 1:18

Gnvɔ Laa tusu bii tɔ nɛɛ lapa, ka yuu zang piti ɓɔɔ ri palɛ vuu shi kpang, nɛɛ zang ɓɔɔ yeti ɓarɛ shi kpang, ɓɔɔ ri kasɛ nɛɛ zang zi vuu ɓɔɔ niizang ka yuu Laa kpang, nɛɛ yeti shi kpang ɓarɛ ɓɛɛ.

Afisa 5:4

Nɔ́ɔ ti rangkɛ nyaa shoko nɛɛ yee sãnsãnrãng takpang. Nɔɔ zã̀a manɛ Laa kɔ jong.

Rooma 1:26

Ka ruu nɔngkɔ, Laa yaa ri nɛɛ ri palɛ vuu yusɛ̃ɛ ɓɔɔ yeti ɓarɛ kasɛ ɓɛɛ. Zang soro ɓarɛ ri yaa roonang nɛɛ zang varɛ, ri rooro kaa nɛɛ zang soro kɔ doori. Vuu ɓɔɔ zang pálɛ̀ gngn nɔngkɔ kpang ɓɛɛ.

2 Bituru 3:5

Zang ɓɔɔ ri kɔɔrɔ naa weɓe kaɓa, ri kasɛ kpang, nɛɛ ka tĩng tɛ̃ɛ tɛ̃ɛ nɛɛ Laa rang yee waati, a lapa nɛɛ tipi nwangsɛ bii kpang. Nwangsɛ tipi nɛɛ yeti mii, ka ruu nɔngkɔ, palɛ tipi ɓi kaa nɛɛ mii.

Filimon 1:8

Ka ruu nɔngkɔ, ka wee mɔɔ nwàng kaa naa jaa nàá mɛɛ, ka ruu ɓɔɔ, ruu ɓakɛ zɔɔ tɔ nɛɛ Kirisi ɓee, n kɔɔ mɔɔ katɔ dɔ̃ɔ gbete, mɔɔ palɛ vuu ɓɔɔ daa naa palɛnang katɔ ɓɛɛ.

2 Koranti 10:5

Ruu ningsi nyaa laanang nɛɛ yuu tuunang, ɓɔɔ zãa zang nɛɛ zang ri zi Laa kpang ɓɛɛ. Ruu kɔsɔ nɛɛ kaaɓa. Ruu shing ri, ri rɛ̃rɛ rɛ̃rɛnang ka doo vuu ɓɔɔ Yeesɔ Kirisi kasɛ ɓɛɛ.

Zang Shonang Yeesɔ 17:32

Ɓɔɔ ri tãayi Bulu kɔɔ ruu ka yuu paa yunang nɛɛ saa, zang ɓɔɔ ri kpaa wu, a zang ɓɔɔ ri kɔɔ wu nɛɛ “Ruu kasɛ nɛɛ ruu tãa ruu ka yuu vuu keɓe tɔkn.”

Zang Shonang Yeesɔ 17:23

Ka ruu ɓɔɔ, ɓɔɔ n tɛɛ ka yeti gari manɛ n pɛ̃́ɛrɛ̀ rɛɛ nɔng ɓɔɔ nɔɔ bang vuu gãnti manɛ kagn, n zi nɔng ɓɔɔ nɔɔ dɔ̀ɔ́ vuu gãnti manɛ vuu kagn, ɓɔɔ gbete zang bee vuu ka bii ɓiɓɛ nɛɛ, ‘Ɓɔ̀ɔ́ Laa ɓɔɔ ruu zi wu nung kpang ɓɛɛ.’ Vuu ɓɔɔ nɔɔ bang wu, nɔɔ ti zi wu nung kpang keɓe, n kɔ̀ɔ́ nɔɔ ruu ka yuu ɓiɓɛ kɔ.