Vuu ɓɔɔ zang nwangsɛ Yɔhana 3:3 - Nyaa Shɔɔ Ɓɔɔ Laa a Ɓɛɛ

³ Ka ruu nɔngkɔ, danggn wu ning nɔɔ vuu ɓɔɔ nɔɔ tãayi, a nɔɔ ti tarɛ ɓɛɛ kpang. Nɔɔ yiti katɔ, nɔɔ ti kɔ̃sɔ yeti manɛ. Naa nɔɔ yupaa kpang, n a ditɔ naa shɔngɓɔ, a nɔɔ zi laa ɓɔɔ n a kagn yuu manɛ kpang.

Vuu ɓɔɔ zang nwangsɛ Yɔhana 3:3 Referans Kwoze

Vuu ɓɔɔ zang nwangsɛ Yɔhana 2:5

Ka ruu nɔngkɔ, nɔɔ kpaa danggn zɔ̃ng nwannang ɓɔɔ nɔɔ nwang ka tĩng ɓɛɛ ta, nɔɔ kɔ̃sɔ yeti, nɔɔ gaayu vuu ɓɔɔ nɔɔ pálɛ́ ka tĩng ɓɛɛ palɛnang tɔkn. Naa nɔɔ kɔ̃sɔ yeti nɔɔ yaa vuu shi kpang ɓɔɔ nɔɔ palɛ keɓe kpang, n a ditɔ ka bii manɛ. N naa tuu vuu ɓɔɔ nɔɔ shĩili waa zàáng sɔɔ manɛ kagn ɓɛɛ, n daa nɛɛ mani.

2 Bituru 3:10

Naa dòo nɔngkɔ piti, diki nɛɛ a tɔ, Kpanti Yeesɔ Kirisi naa gbãayu naa shɔngɓɔ ka diki kaɓa, zang ri naa tãa nyaa ɓɔɔ zang mɛɛ ɓɛɛ, a lapa wu ning kati. Waa wu shaa vuu ɓɔɔ ka lapa nɛɛ koo kati nandon. Tipi nɛɛ vuu ɓɔɔ ka yuu ɓiɓɛ piti naa ning katɔ nandon.

1 Tesalonika 5:2

Ka ruu ɓɔɔ, nɔɔ nɛɛ yuu manɛ nɔɔ zi tɔ waasɛ̃ nɛɛ diki ɓɔɔ Kpanti Yeesɔ naa a kagn, naa nwang naa ɓɔɔ shɔngɓɔ, a nɛɛ zĩi bɛ̀ɛ́ nɔɔ shing gn kpang ɓɛɛ.

Vuu ɓɔɔ zang nwangsɛ Yɔhana 16:15

A Yeesɔ kɔɔyi tɔɔ, “N naa a naa shɔngɓɔ. Tĩnang tãanang ɓi zang ɓɔɔ nwang doo paa, gãng jĩng, hãa fɔ̃ɔrɔ ɓiɓɛ ka bii ɓɛɛ. Ka ruu ɓɔɔ nɛɛ yaa bii bɔ̃bɔ̃rɔ, yusɛ̃ɛ nɛɛ tuu wu ɓɛɛ.”

Matiyu 25:13

A Yeesɔ hangsɛ nyaa tɔɔ, “Nɔɔ shing danggn kagn, ka ruu ɓɔɔ nɔɔ zi diki nɛɛ laa ɓɔɔ n gbãayu kpang ɓɛɛ.”

Yahudi 2:1

Ka ruu nɔngkɔ, ruu shing nɔɔ jĩng gbãng gbãng ka vuu ɓɔɔ ruu tãarɛ ɓɛɛ, vuu keɓe nɛɛ wɔ̀ ruu nɛɛ naa kpang ɓɛɛ.

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

Maraku 13:36

Naa yɔɔ nwang nyaa wɔɔli, wu naa ĩi nɔɔ, nɔɔ roo katɔ kpang.

Maraku 13:33

Nɔɔ palɛ tɔ̃ɔ, nɔɔ gãng jĩng kagn. Ka ruu ɓɔɔ, nɔɔ zi diki kaɓa kpang ɓɛɛ.

Vuu ɓɔɔ zang nwangsɛ Yɔhana 3:19

Zang ɓɔɔ n kasɛ ri katɔ, n mangkɛ rikɔ, n ti gɔ̃ ri shoo. Ka ruu nɔngkɔ, nɔɔ ta bii ta kagn, nɔɔ yaa vuu shi kpang, nɔɔ dũng m kaa nɛɛ yeti gbete.

2 Bituru 3:1

Masang, ɓɔɔ n kasɛ ruu manɛ dɔɔli ɓɛɛ, n bèé nɔɔ labeenang daa kaa nɛɛ weɓe doo ziti. Ka yeti labeenang ziti keɓe, n kpàa nɔɔ danggn rɛɛ vuu ɓɔɔ bɛ̀ɛ́ nɔɔ zi tɔ ɓɛɛ, tɔ̀ɔ, wu shing nɔɔ, nɔɔ rɛ̃rɛ kaa tɔ̃ɔ ka yuu rɛɛ vuu keɓe.

Vuu ɓɔɔ zang nwangsɛ Yɔhana 3:11

N gbãayu katɔ pati. Nɔɔ yiti vuu ɓɔɔ ka naa manɛ waasɛ̃, tɔ̀ɔ, zang ɓɔɔ nwãarɛ nɔɔ, wu ta vuu ɓɔɔ Laa kasɛ nɛɛ wu a nɔɔ ɓɛɛ kpang.

Vuu ɓɔɔ zang nwangsɛ Yɔhana 2:25

Nɔɔ yiti vuu ɓɔɔ ka naa manɛ gbãng gbãng, n gbãayu nɛɛ mani.

2 Bituru 1:13

Ka wee n dòo ningkãari ka koo ɓee, n zirɛ tɔ̃ɔ, ń kpàarɛ̀ nɔɔ danggn rɛɛ vuu keɓe, tɔ̀ɔ nɔ́ɔ kpalɛ bii diki diki.

2 Timoti 1:13

Yiti rúu ɓɔɔ niizang ɓɔɔ n tusu mɔɔ ɓɛɛ gbãng gbãng. Mɔɔ ti yaa danggn shinnang nɛɛ zang kasɛnang ɓɔɔ ɓi ɓɔɔ ɓuru, ɓɔɔ ruu ɓakɛ bii tɔ nɛɛ Yeesɔ Kirisi ɓɛɛ kpang.

Vuu ɓɔɔ zang nwangsɛ Yɔhana 3:2

Nɔɔ yupaa, nɔɔ tá bii kagn, nɔɔ yì suru bii ɓɔɔ yaa doogn tɔkɔlɔng ɓɛɛ naa kagn, tɔ̀ɔ, nɔɔ vɔ kaa tɔ̀ɔ́ dɔ̃ɔ gbete kpang. N zirɛ shonang manɛ daa gň teetee ka tĩng Laa mɛɛ kpang.

Vuu ɓɔɔ zang nwangsɛ Yɔhana 22:7

Yeesɔ kɔ̀ɔyi nɛɛ “Nɔɔ zirɛ, diki bee kpang, n a kaa tɔ. Tĩnang naa nwang ɓɔ̀ɔ́ zang piti ɓɔɔ dũng ruu ɓɔɔ zang bee ka labeenang keɓe ɓɛɛ, ka ruu ɓɔɔ, a nɛɛ bii Laa ɓɛɛ.”