Vuu ɓɔɔ zang nwangsɛ Yɔhana 18:13 - Nyaa Shɔɔ Ɓɔɔ Laa a Ɓɛɛ

¹³ Rɛɛ vuu ɓɔɔ a sɛ̃ɛ tɔ̃ɔ ɓɛɛ, naa Kirifa, nɛɛ vuu yaaji. Nɛɛ vuu ɓɔɔ zang dɔɔ ka waa, a sɛ̃ɛ tɔ̃ɔ ɓɛɛ, nɛɛ vuu ɓɔɔ zang ɓaa nɛɛ muru, a ɓɔɔ luuban ɓɛɛ. Nɛɛ mii inabi, nɛɛ nung, nɛɛ zũng ɓɔɔ zang palɛ borodi nɛɛ mani ɓɛɛ, nɛɛ jĩng alakama ɓɔɔ zang nang zũng keɓe nɛɛ mani ɓɛɛ. Nɛɛ rɛɛ napo, nɛɛ mɛ̀ɛrɛ́ nɛɛ gbantang, nɛɛ kɛkɛ ɓɔɔ gbantang gɔ̃ ɓɛɛ, a ɓɔɔ shɔnzang ɓɔɔ zang mãlɛ́ ri, ri nwang kaa jaafoo ɓɛɛ.

Vuu ɓɔɔ zang nwangsɛ Yɔhana 18:13 Referans Kwoze

2 Bituru 2:3

Rɛɛ maalang ɓɔɔ tùsú zang vuu sèé kaɓa, ri shing jĩng ɓarɛ ka vuu zang, ka ruu nɔngkɔ, ri naa nwãarɛ nɔɔ nɛɛ sèé, tɔ̀ɔ, ri walɛ vuu kaa naa manɛ. Laa dɔng ri ruu ɓi tɔ dòo tɛ̃ɛ tɛ̃ɛ, kpalɛ bii tɔ nɛɛ wu dang ri jĩng. Diki ɓɔɔ wu naa ningsi ri dɔ̃ɔ gbete, a naabm tɔ.

1 Timoti 1:10

Ka ruu zang ɓɔɔ ri palɛ dũndũng ɓɛɛ, nɛɛ zang varɛ ɓɔɔ ri rooro nɛɛ zɔɔ ɓɛɛ, nɛɛ zang soro ɓɔɔ ri palɛ doo nɔngkɔ ɓɛɛ. Ka ruu zang ɓɔɔ ri ɓɔɔrɔ zang ri mãlɛ́ ɓɛɛ, nɛɛ zang ɓɔɔ ri suuru sèé ɓɛɛ, nɛɛ zang ɓɔɔ ri kɔ̀ɔrɔ̀ ruu niizang ka yuu ruu kpang ɓɛɛ. Ka ruu zang piti ɓɔɔ ri pálɛ̀ vuu ka doo vuu tusunang ɓɔɔ niizang kpang ɓɛɛ.

Vuu ɓɔɔ zang nwangsɛ Yɔhana 18:14

Zang ɓɔɔ ri mãlɛ́ vuu kaɓa, ri ti kɔɔ wu nɛɛ, “Vuu piti ɓɔɔ mɔɔ shing gn kagn ri dàá tɔ. Vuu ɓɔɔ mɔɔ tãa tĩnang nɛɛ mani, nɛɛ vuu naa ɓaaɓɛ nandon ri dàá tɔ, mɔɔ zi ri takpang.”

Vuu ɓɔɔ zang nwangsɛ Yɔhana 18:15

Zang ɓɔɔ ri mãlɛ́ rɛɛ vuu kaɓa, a ri naa ràa zang ying ɓɛɛ, bii naa kaa ri vɔrɔ dɔɔli, ka ruu jĩng dannang bang ɓɔɔ gari kaɓa dang ɓɛɛ. Ri naa shii nɛɛ nɔng beebang, ri naa zaayi, ri kaa nyavɔ, ri kɔɔyi nɛɛ,