Vuu ɓɔɔ zang nwangsɛ Yɔhana 14:2 - Nyaa Shɔɔ Ɓɔɔ Laa a Ɓɛɛ

² A n tãa yee nwangnɛ lapa naa mii zɛ̃ɛyi ka rang kɔpɔ. Ti kaa nyaa naa shala mii mɛɛyi, a ti tĩngnɛ naa zang ri wáarɛ̀ vũngta.

Vuu ɓɔɔ zang nwangsɛ Yɔhana 14:2 Referans Kwoze

Vuu ɓɔɔ zang nwangsɛ Yɔhana 5:8

A ɓɔɔ daa ta labeenang kaɓa tɔ, rɛɛ zang bang bmati tu dɛ̃ɛti kaɓa, ri tang nɛɛ gutu ka tĩng Jaa Mɛ̀ɛrɛ́ kaɓa. Zang kaɓa nandon, zang ɓu yiti vũngta ka naa, nɛɛ pii ɓɔɔ zang palɛ nɛɛ zinariya ɓɛɛ. Vuu ɓɔɔ a sɛ̃ɛ tɔ̃ɔ kagn ka yeti pii ka nyaa gaagaa. Vuu ɓɔɔ a sɛ̃ɛ tɔ̃ɔ keɓe, ɓi Laa gaanang rɛɛ zang Laa.

Vuu ɓɔɔ zang nwangsɛ Yɔhana 1:15

Doo ɓiɓɛ kɔlɔ naa saka ɓɔɔ zang ɓaa nɛɛ tagula, ɓɔɔ zang mɔlɔ bii ɓiɓɛ nɛɛ waa ɓɛɛ, a yee ɓiɓɛ naa mii zɛ̃ɛ ka rang kɔpɔ.

Vuu ɓɔɔ zang nwangsɛ Yɔhana 15:2

A n zi vuu ɓɔɔ nwang waapo ɓɔɔ kɔlɔ naa vĩilaa, a waa ti shaa kagn ɓɛɛ. Zang kaɓa ɓɔɔ ri ɓa yɔpɔ jĩngti kaɓa yuu ɓɛɛ, nɛɛ vuu ɓɔɔ zang palɛ nwang wu, nɛɛ lamba nung ɓiɓɛ piti ɓɛɛ, ri shiiri ka nyaa waapo kaɓa. Ri yi vũngta ɓɔɔ Laa a ri ɓɛɛ kaa naa.

Vuu ɓɔɔ zang nwangsɛ Yɔhana 11:15

A zang nyaa shonang Laa ɓɔɔ wukɔ wàa rɛɛ zang nyaa shonang Laa ɓɔɔ ri manziti nyaa knti ɓɛɛ, jee gboo ɓiɓɛ. A n tãlɛ yee nwangnɛ lapa, ri rang yee nabm nɛɛ, “Kpanti roonang koo keɓe, raa ɓɔɔ kpanti ɓuru tɔ, nɛɛ ɓɔɔ Kirisi ɓiɓɛ. Laa kɔ naa roo kpanti gbinggbing.”

Vuu ɓɔɔ zang nwangsɛ Yɔhana 18:22

Zang naa paasɛ vũngta ɓɔɔ zang tarɛ, tãanang tɔ̀ɔ́ yeti ɓiɓɛ kpang, nɛɛ soo gaarɛnang nɛɛ leere jeenang, a ɓɔɔ gboo jeenang. Zang ti paasɛ zang ɓɔɔ ri palɛ zɔ̃ng shonang kiya zinang tɔ̀ɔ́ yeti gari bìí kpang. Zang ti paasɛ nyaa ree tãanang tɔ̀ɔ́ yeti ɓiɓɛ kpang.

Vuu ɓɔɔ zang nwangsɛ Yɔhana 11:12

A zang ziti kaɓa, ri tãa yee nwangnɛ lapa, ɓaa ri nyaa nabm nɛɛ, “Nɔɔ a ta ka lapa ka nihn.” A ri daa lapa ka yeti sãmbong, zang ɓɔɔ ri shing jĩng nɛɛ ri kpang nandon, ri zi ri jĩng bii.

Vuu ɓɔɔ zang nwangsɛ Yɔhana 6:1

A n zirɛ Jaa Mɛ̀ɛrɛ́ Laa, tã́a lang ɓɔɔ tĩng shɔɔnang, a n tãayi vuu gbete ka teteng vuu dɛ̃ɛti ɓɔɔ suru bii ɓarɛ kagn kaɓa, kɔɔyi, yee ɓiɓɛ naa shala mɛɛyi nɛɛ, “Arɛ.”

Vuu ɓɔɔ zang nwangsɛ Yɔhana 1:10

Ka nɔng kaɓa, ka lee Laadi, Suru Laa a ka bii mɛɛ, a n nwang kaa naa n rɔ̃kɔ katɔ. N tãa yee zang mɛɛ nyaa ka knti mɛɛ nabm naa gboo.

Vuu ɓɔɔ zang nwangsɛ Yɔhana 8:7

Zang nyaa shonang Laa ɓɔɔ ka lapa ɓɔɔ tĩng shɔɔnang jee gboo ɓiɓɛ, a nyaa kɔ doo naa ɓee, mii takong nɛɛ waa ri nwɛ̃ɛtɛ zɔɔ nɛɛ zĩi vuu a zang vang ri ka tipi. A tĩng gbete ka teteng koo ɓɔɔ zang basɛ tĩng taati ɓɛɛ, waa shaayi. A naa zang basɛ rɛɛ laa ɓɔɔ ri ka tipi tĩng taati, waa shaa tĩng gbete, a waa shaa wisi bɛbɛtɛ jong nandon.

1 Koranti 13:1

Naa n zunung yee rannang doo katɔ nɛɛ nyaa shɔnzang ɓɔɔ ka koo, a ɓɔɔ nɛɛ nyaa zang nyaa shonang Laa ɓɔɔ ri ka lapa ɓɛɛ. A n kasɛ zang kaa takpang, n nwang naa gbongshɛng ɓɔɔ kaa nyaa ɓɛɛ. N ti nwang naa gbongbolong ɓɔɔ ri goo nyaa ɓɛɛ.