Vuu ɓɔɔ zang nwangsɛ Yɔhana 11:3 - Nyaa Shɔɔ Ɓɔɔ Laa a Ɓɛɛ

³ N shong zang mɛɛ ziti ɓɔɔ ri daa kɔɔ zang ruu ka yuu mɛɛ ɓɛɛ. Ri naa hã̀lɛ́ fɔ̃ɔrɔ ɓɔɔ zang ɓɔɔ ri kaa nyavɔ ri hã̀lɛ́ ɓɛɛ. N a ri naa ri kɔɔ zang ruu ka yuu mɛɛ diki labang gbete tu laa maani dakn ziti, tu laa taati.”

Vuu ɓɔɔ zang nwangsɛ Yɔhana 11:3 Referans Kwoze

Vuu ɓɔɔ zang nwangsɛ Yɔhana 12:6

A jaa soro bìí ti yurɛ daa ka jĩngti, ka nɔng ɓɔɔ Laa gbàrɛ̀ wu ɓɛɛ. Zang gãng jĩng ka wu diki labang gbete tu laa maani dakn ziti a tu laa taati ɓɛɛ.

Vuu ɓɔɔ zang nwangsɛ Yɔhana 11:2

A mɔɔ gãsɛ dàbang ɓɔɔ ɓi ka biling ka nɔng Gãa Laa ɓɛɛ kpang. Ka ruu ɓɔɔ, zang yàa ɓi zang tipi ɓɔɔgn, ɓɔɔ ri naa naalɛ Urushalima nɛɛ doo ɓarɛ shala laa ziti tu ziti ɓɛɛ.

Vuu ɓɔɔ zang nwangsɛ Yɔhana 13:5

Zang a yɔpɔ jĩngti kaɓa naa, wu rangkɛ yee bang bang ka yuu ɓiɓɛ, a wu ti rangkɛ yee shi kpang ka yuu Laa. Zang a wu naa wu palɛ vuu ɓɔɔ wu kasɛ ɓɛɛ, shala laa ziti tu ziti.

Zang Shonang Yeesɔ 13:31

Nwálɛ́ nyaa diki dɔɔli ka bii rɛɛ zang ɓɔɔ ri a nɛɛ wu nɛɛ Galili, ri a ka Urushalima ɓɛɛ. Rikɔ kɔɔ zang vuu keɓe.

Zang Shonang Yeesɔ 1:8

Diki ɓɔɔ Suru Laa a ka bii manɛ, nɔɔ nwáng zang ɓɔɔ ri kɔ̀ɔ́ ruu ka yuu mɛɛ ka gari Urushalima, nɛɛ tipi Yahudi nandon, nɛɛ tipi Samariya, nɔɔ daa nɛɛ mani ka nɔng ɓɔɔ koo waa nyaa ɓɛɛ”.

Luka 24:48

Nɔ́ɔ kɔɔ zang vuu ɓɔɔ nɔɔ zi ɓɛɛ nandon.

2 Koranti 13:1

Anang mɛɛ ka bii manɛ ɓɔɔ n naa leng jĩng ka nɔɔ, daa kaa nɛɛ weɓe doo taati. Zang bee ka yeti labeenang Laa tɔɔ, “Zang nɛɛ kɔɔyi nɛɛ zang ɓɔɔ palɛ vuu shi kpang, zang ziti kɔ taati ri kasɛ nyaa kagn gbongkarɛ nɛɛ nɔngkɔ”.

Zang Shonang Yeesɔ 2:32

Laa wisi Yeesɔ keɓe paa tɔ nɛɛ sàa, ruu nandon ruu zi katɔ nɛɛ jĩng ɓuru.

Yɔhana 15:27

Nɔɔ dòo zang ɓɔɔ ri kɔ̀ɔ́ zang ruu ka yuu mɛɛ kɔ, ka ruu ɓɔɔ, nɔɔ doo nɛɛ n, ka diki ɓɔɔ n gaayu shonang mɛɛ palɛnang ɓɛɛ.

Matiyu 18:16

Nɛɛ ɓaa shoo ka nyaa ɓaaɓɛ kpang, mɔɔ ti daayi, mɔ́ɔ daa ɓaa zang gbete kɔ zang ziti ɓɔɔgn nyaa, ka ruu ɓɔɔ, zang ziti kɔ taati nɛɛ kɔɔ nyaa gbete ka yuu ruu, ruu keɓe ɓi niizang kɔ ɓɛɛ.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.

Zang Shonang Yeesɔ 3:15

Nɔɔ nyɔ zang ɓɔɔ zang wàlɛ́ suru bii ka bii ɓiɓɛ kɔ ɓɛɛ. A Laa wisi wu paa nɛɛ sàa, rùu zi wu nɛɛ jĩng ɓuru.

Vuu ɓɔɔ zang nwangsɛ Yɔhana 20:4

A n ti zi rɛɛ laa nwannang kpanti gaagaa, zang ɓɔɔ zang a ri naa nɛɛ ri jɛ̃ɛ zang ruu ri nwalɛ kagn. N ti zi suru bii rɛɛ zang ɓɔɔ zang dɔlɔ ri yuu, ka ruu ɓɔɔ ri shing danggn tɔ, ka vuu ɓɔɔ Yeesɔ tusu ri ɓɛɛ. A ka ruu ɓɔɔ, ri kɔɔ zang Ruu Laa ɓɛɛ. Zang ɓɔɔ ri bang yɔpɔ jĩngti kpàng, ri ti bang vuu ɓɔɔ zang palɛ nwang wu katɔ kpàng ɓɛɛ. Ri ti kasɛ kpang nɛɛ zang ɓang ri vuu ɓiɓɛ ka nyaa tĩng kpang, zang ti ɓang ri ka naa kpang. Ri nwáng tɔkn nɛɛ sàa ningkãari, ri roo kpanti nɛɛ Yeesɔ Kirisi saa labang gbete. Wee paa yunang nɛɛ sàa ɓɔɔ tĩng shɔɔnang kɔ.

Afisa 4:11

Wukɔ alɛ shɔnzang vuu Suru. Zɔ̃̀ng zang ɓɔɔ nɛɛ ri nwang zang shonang ɓiɓɛ. Zang ɓɔɔ nɛɛ ri nwang zang nyaa shonang Laa. Zang ɓɔɔ nɛɛ ri nwang ɓarɛ zang ɓɔɔ ri rakɛ, ri kɔɔrɔ zang Ruu Laa ɓɛɛ. A shing zang ɓɔɔ nɛɛ ri ɓarɛ kaa zang ɓɔɔ ri gãng jĩng ka zang Laa ɓɛɛ. A zang ɓɔɔ nɛɛ ri ɓarɛ zang ɓɔɔ ri tusu zang vuu ɓɛɛ.

1 Koranti 12:28

Ka teteng zang ɓɔɔ ri dũng Laa ɓɛɛ, Laa kɔɔyi, nɛɛ zang ɓu wu nwangnɛ, shonang ɓiɓɛ kagn. Gaayu zɔ̃ngkɔ zang ɓɔɔ nɛɛ ri nwang zang shonang Yeesɔ Kirisi. A naa zɔ̃ngkɔ zang ɓɔɔ nɛɛ ri kɔɔ zang ruu ɓɔɔ Laa tusu ri ɓɛɛ. Ri ɓang knti zang tĩng. A zɔ̃ngkɔ zang ɓɔɔ nɛɛ ri màsɛ̀ zang kɔnang, ri ɓang knti. Zɔ̃ngkɔ zang ɓɔɔ nɛɛ ri yi zang naa ka bii. Nɛɛ zang ɓɔɔ ri nwang ɓarɛ zang bang ɓɔɔ ri yiti zang ɓɛɛ. A zang ɓɔɔ ri rang yee nɛɛ nyaa zang ɓɔɔ ri kpɛ̃ɛrɛ katɔ kpang nɛɛ náa ɓɔɔ Suru Laa a ri ɓɛɛ.

Yɔhana 3:27

A Yɔhana kasɛ ri nyaa tɔɔ, “Laa nɛɛ a zang vuu kpang, zang walɛ vuu ɓɔɔ kpang.

Matiyu 11:21

“Vuu gn kɔnang kagn yuu manɛ zang gari Korazing nɛɛ Bɛsɛda. Naa vuu bang ɓɔɔ zang zirɛ zang mã naa ka danggn kɔ zang palɛ ka teteng manɛ ɓee, zang nɛɛ palɛ nɔngkɔ ka Taya nɛɛ Sidong, zang ɓarɛ nɛɛ kɔ̃sɔ yeti tɔ, ri nɛɛ yaa vuu shi kpang ɓarɛ tɔ tɛ̃ɛ tɛ̃ɛ. Ri nɛɛ ti hãa sɛ̃ɛ fɔ̃ɔrɔ yeti lasɛnang tɔ. Ri nɛɛ ti tɛ̃ɛ pũngku tɔ ka yuu ɓarɛ, nɛɛ tɔ̀ɔ, zang zi kati nɛɛ ri yaa vuu shi kpang ɓarɛ tɔ ɓɛɛ.

Luka 10:13

“Jĩng dannang kagn yuu ɓaaɓɛ gari Korazing. Jĩng dannang kagn yuu ɓaaɓɛ gari Bɛsɛda, ka ruu ɓɔɔ shonang bang kɔ n palɛ nɔɔ ɓee n nɛɛ palɛ nɔngkɔ ka gari Taya nɛɛ Sidong, ri nɛɛ yaa vuu shi kpang ɓarɛ tɔ, ri nɛɛ kɔ̃sɔ yeti tɔ doo tɛ̃ɛ tɛ̃ɛ. Ri nɛɛ hãa sɛ̃ɛ fɔ̃ɔrɔ tɔ, ri nɛɛ tɛ̃ɛ pũngku tɔ ka yuu ɓarɛ. Tɔ̀ɔ, zang zi kaa gn nɛɛ ri ràa vuu shi kpang ɓarɛ yuu knti tɔ.

Vuu ɓɔɔ zang nwangsɛ Yɔhana 11:6

Zang a ri naa vuu palɛnang katɔ ɓɔɔ ri zãa mii lapa anang katɔ ka làa ɓɔɔ ri kɔ̀ɔ́ zang Ruu Laa ɓɛɛ. Ri ti zunung katɔ ri risi mii ɓɔɔ ka koo nandon, wu raa zĩi. Zang ti a ri naa ɓɔɔ ri atɛ jĩng dannang ka zɔ̃ng zɔ̃ng ka koo keɓe ka yuu zɔɔ yuu zɔɔ, ka laa ɓɔɔ ri kasɛ piti ɓɛɛ.