Matiyu 9:37 - Nyaa Shɔɔ Ɓɔɔ Laa a Ɓɛɛ

³⁷ A raa jĩng kɔɔ zang ɓɔɔ ri mantɛ vuu ka bii ɓiɓɛ tɔɔ, “Zee zũng tɔ dɔɔli, a zang yeenang ri haa kaa takpang.

Matiyu 9:37 Referans Kwoze

Luka 10:2

A kɔɔ ri tɔɔ, “Zee daa naa yeenang tɔ, a zang yeenang haa kaa takpang. Nɔɔ gaa Kpanti Laa ɓɔɔ wukɔ zang jaa ɓɛɛ ta, wu shong zang zee yeenang ka jaa ɓiɓɛ.

Maraku 16:15

A kɔɔ ri tɔɔ, “Nɔɔ dita ka koo piti, nɔɔ daa rang zang piti, Ruu Tɔ̃ɔ Kpanti Laa.

1 Koranti 3:9

Wee ruu ziti ɓee, ruu kpalɛ yuu ɓuru nɛɛ Laa ruu palɛ shonang. Nɔɔ manɛ kaa jaa ɓɔɔ Laa lang ɓɛɛ. Nɔɔ manɛ naa gãa ɓɔɔ Laa mãa ɓɛɛ.

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

Zang Shonang Yeesɔ 16:9

Nɛɛ zĩi Bulu rɔ̃kɔ. Zi yɔɔ tipi Makidoniya shiiyi gaa wu nɛɛ, “Tárɛ mɔɔ a ka tipi Makidoniya mɔɔ naa yi ruu naa ka bii.”

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

1 Timoti 5:17

Zang bang ɓɔɔ ri gãng jĩng ka zang ɓɔɔ ri dũng Laa ɓɛɛ. Ri nɛɛ palɛ shonang tɔ̃ɔ, zang shu ri saka tìng ziti. Zang ɓɔɔ shonang ɓarɛ ɓi Ruu Laa kɔɔrɔnang nɛɛ vuu tusunang, zang wu shu rikɔ nɔngkɔ gbãng gbãng.

Kolosi 4:11

Jashuwa, ɓɔɔ zang ɓaa wu nɛɛ Jusitu ɓɛɛ, jee nɔɔ nyaa jong. Zang taati keɓe rikɔ zang Yahudi ɓɔɔ ri kɔ̃sɔ yeti tɔ, ri palɛ shonang nɛɛ n ka ruu kpanti roonang Laa, a ri ti yi m naa tɔ ka bii gbãng gbãng ɓɛɛ.

Zang Shonang Yeesɔ 18:10

N nɛɛ mɔɔ ning. Zang ɓɔɔ palɛ mɔɔ vuu ɓɔɔ kagn kpang, ka ruu ɓɔɔ, zang mɛɛ kagn gari keɓe dɔɔli ɓɛɛ.”

Matiyu 9:38

Nɔɔ gaa Laa ɓɔɔ wukɔ zang jaa ɓɛɛ ta, wu shong zang zee yeenang ka jaa ɓiɓɛ.”

Matiyu 20:1

“Kpanti roonang Laa nwang naa yɔɔ jaa laa inabi ɓɔɔ nwang nɛɛ gãndi zãngzãng, nɛɛ wu daa kãa zang shonang ɓɔɔ ri naa palɛ wu shonang ka jaa ɓiɓɛ ɓɛɛ.

Yakubu 5:4

Nɔɔ shu zang ɓɔɔ kpalɛ vuu shaanang manɛ ɓɔɔ ka jaa manɛ kpang. Ka ruu nɔngkɔ, ri kaa Kpanti Laa nyavɔ kana, a Laa ɓɔɔ mãa vuu piti, ti tãa nyavɔ ɓarɛ tɔ.