Matiyu 8:3 - Nyaa Shɔɔ Ɓɔɔ Laa a Ɓɛɛ

³ A Yeesɔ dĩi naa, lee zang vuu bii kati. A kɔɔ wu tɔɔ, “N kasɛ̀ɛ́ tɔ, vuu bii ɓaaɓɛ wu waa nyaa ta.” A vuu bii yàa yɔɔ nɔng kaa tantɛnang.

Matiyu 8:3 Referans Kwoze

Luka 5:13

A Yeesɔ dĩi naa ɓiɓɛ lee wu, a kɔɔ wu tɔɔ, “N kasɛ tɔ, vuu bii ɓaaɓɛ wu waa nyaa ta.” A vuu bii yaa yɔɔ nɔng kaa tantɛnang.

Maraku 1:41

A gn yɔɔ kɔng Yeesɔ dɔɔli, Yeesɔ dĩi naa lee wu, a kɔɔyi tɔɔ “N kasɛ tɔ, vuu bii ɓaaɓɛ wu yaa mɔɔ nɔng ta.”

Yɔhana 5:21

Naa ɓɔɔ Daa wisi zang paa nɛɛ sàa, wu a ri suru bii, Jaa ti a zang ɓɔɔ wu kasɛ, suru bii doo nɔngkɔ.

Maraku 4:39

A Yeesɔ seepaa mangkɛ jasung, a kɔɔ mii ɓɔɔ gɔnsɔ zɔɔ ɓɛɛ tɔɔ, “Shii kikiri, mɔɔ gɔnsɔ takpang.” A jasung shii kaa kikiri.

Yɔhana 11:43

Kɔɔ tɔ naa weɓe, a ɓaa nyaa kaa nabm nɛɛ, “Liyazaru, nwáng ta, mɔɔ a ka biling.”

Luka 7:14

A Yeesɔ arɛ naa lee naa ka laa ɓɔɔ zang tuu vɔrɔ kagn ɓɛɛ. Zang ɓɔɔ ri tuu vɔrɔ ri shii kaa kikiri. A kɔɔ vɔrɔ tɔɔ, “Jasang, n kɔ̀ɔ́ mɔɔ seepaa ta.”

Maraku 9:25

A ɓɔɔ Yeesɔ zi zang ɓɔɔ gaagaa ri yuku ri a ka bii ɓiɓɛ, mangkɛ suru shi kpang, kɔɔ wu tɔɔ, “Suru shi kpang kɔ nɔɔ jaa nyaa nɛɛ shoo ɓee, n kɔɔ mɔɔ nwang ta mɔɔ yaa wu bii. Mɔɔ paasɛ anang tɔ̀ɔ́ bii ɓiɓɛ kpang.”

Maraku 7:34

A Yeesɔ tuu jĩng ka lapa a shu gn, a kɔɔ yɔɔ tɔɔ “Efata,” (Dĩiri ruu keɓe ɓi, “Lu ta.”)

Maraku 5:41

A yi naa jaa, kɔɔ wu tɔɔ, “Talita kumi,” (Dĩiri yee keɓe ɓi, “Jaa, n kɔɔ mɔɔ, seepaa ta.”)

Yɔhana 15:24

Naa n nɛɛ palɛ vuu ɓɔɔ, zang palɛ gngn kpang keɓe ka teteng ɓarɛ kpang, zang nɛɛ kɔɔ kpang nɛɛ ri palɛ vuu shi kpang tɔ kpang. Ri zi rɛɛ vuu ɓɔɔ zang zirɛ, zang mã naa ka danggn tɔ, a ri bɛ̃ɛ m doo nɛɛ mani, nɛɛ Daa mɛɛ piti.

Matiyu 12:13

A Yeesɔ kɔɔ zang ɓɔɔ náa ɓakɛ katɔ tɔɔ, “Dĩi náa ɓaaɓɛ ta.” A dĩi náa ɓiɓɛ, a náa ɓiɓɛ nwang tɔ̃ɔ kaa tɔkn naa ɓɔɔ dang gbete.

Luka 4:27

Ka diki Ilisha zang nyaa shonang Laa, zang vuu bii kagn tipi Isirela dɔɔli, a Laa masɛ zang gbete kagn teteng ɓarɛ kpang. Laa masɛ Naama yɔɔ Siriya kɔ gbete.”