Matiyu 8:2 - Nyaa Shɔɔ Ɓɔɔ Laa a Ɓɛɛ

² A zang ɓɔɔ vuu bii shaa katɔ, arɛ naa tang nɛɛ gutu ka tĩng ɓiɓɛ, a kɔɔ wu tɔɔ, “Kpanti, mɔɔ nɛɛ kasɛ katɔ mɔɔ zunung ɓɔɔ mɔɔ masɛ m katɔ.”

Matiyu 8:2 Referans Kwoze

Matiyu 18:26

A zang shonang kaɓa tang ka tĩng kpanti, a gaa wu tɔɔ, ‘Dabang mɛɛ, n zɔ̃ɔrɔ mɔɔ katɔ, shii ka gbongkarɛ, n sɔ̀ɔrɔ́ mɔɔ saka ɓaaɓɛ ditɔ nandon.’

Matiyu 15:25

A jaa soro kaɓa, arɛ naa tang nɛɛ gutu ka tĩng ɓiɓɛ, a gaa wu tɔɔ, “Kpanti, yi m naa jong bii.”

1 Koranti 14:25

Ruu kaɓa nwàngsɛ́ wu rɛ̃rɛnang ɓɔɔ bɛ̀ɛ́ ka yeti ɓiɓɛ ɓɛɛ. Ruu kaɓa shing wu, wu tang ka tĩng Laa, wu bang Laa. Wu ti kɔɔyi nɛɛ, Laa kagn nɔng ɓɔɔ nɔɔ kpalɛ zɔɔ ɓɛɛ niizang.

Zang Shonang Yeesɔ 10:25

Bituru hãa nyaa kana ka yeti gãa, a Koneliyu kpisi wu yuu. Tang nɛɛ gutu ka tĩng ɓiɓɛ, a bang wu.

Yɔhana 9:38

A yɔɔ kɔɔ wu tɔɔ, “Kpanti, n shing danggn tɔ.” A bang Yeesɔ kati.

Matiyu 28:17

Ri daa ĩi wu, a ri báng wu. A zang ɓɔɔ ri, zi kpang nɛɛ wukɔ niizang kpang.

Luka 4:27

Ka diki Ilisha zang nyaa shonang Laa, zang vuu bii kagn tipi Isirela dɔɔli, a Laa masɛ zang gbete kagn teteng ɓarɛ kpang. Laa masɛ Naama yɔɔ Siriya kɔ gbete.”

Matiyu 26:6

Diki ɓɔ̀ɔ́gn Yeesɔ ka Bɛtani, ka gãa Siman ɓɔɔ bɛ̀ɛ́ vuu bii shaa wu katɔ ɓɛɛ.

Matiyu 20:20

A soro Zebedi nɛɛ, wujɛ ɓiɓɛ ɓɔɔ varɛ, naa tang ka tĩng Yeesɔ, a gaa vuu ka naa ɓiɓɛ.

Matiyu 14:33

Zang ɓɔɔ ka yeti tonsi dɔ̀ɔ Yeesɔ kati. Ri tɔɔ, “Mɔɔ Jaa Laa kɔ niizang.”

Matiyu 13:58

Yeesɔ palɛ vuu ɓɔɔ zang zirɛ zang mã naa ka danggn ka nɔng kaɓa dɔɔli kpang, ka ruu ɓɔɔ, ri shing gn ka bii ɓiɓɛ kpang ɓɛɛ.

Matiyu 9:18

Yeesɔ rang yee doo naa ka nyaa nɛɛ ri, yɔɔ zang bang Yahudi arɛ naa tang nɛɛ gutu ka tĩng ɓiɓɛ. A kɔɔ Yeesɔ tɔɔ, “Jaa mɛɛ ɓɔɔ soro kɔng vɔrɔ doo kãntang, arɛ mɔɔ daa ĩi wu naa ɓaaɓɛ jong ka bii, tɔɔ wu gãntɛ jĩng kati.”

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Matiyu 28:9

A Yeesɔ naa ɓee ri yuu, a jee ri nyaa tɔɔ, “Palɛ biya?” Ɓudo ɓɔɔ ri zi wu naa weɓe, ri see zɔɔ, ri daa yi wu ka doo, ri báng wu kati.

Matiyu 10:8

Nɔ́ɔ ti masɛ zang kɔnang, nɛɛ zang ɓɔɔ vuu bii shaa ri katɔ ɓɛɛ. Nɔ́ɔ ti wisi zang ɓɔɔ ri vɔ katɔ paa. Nɔ́ɔ ti nwangsɛ suru shi kpang. Nɔɔ tà waati, nɔɔ á zang doo waati kɔ.

Matiyu 4:9

A kɔɔ Yeesɔ tɔɔ, “Naa mɔɔ tang nɛɛ gutu ka tĩng mɛɛ, mɔɔ dɔɔ m, n a mɔɔ veɓe katɔ nandon.”

Matiyu 2:11

A ri a ka yeti gãa, ri naa zi jaa rɛ̃ɛting kaa nɛɛ niiɓɛ Marayamu. A ri tang nɛɛ gutu, ri bang wu. Ri puu nyaa duku ɓarɛ, ri see saka ɓɔɔ kɔlɔ katɔ, ɓɔɔ zang ɓáa nɛɛ zinariya, nɛɛ nung ɓɔɔ a sɛ̃ɛ tɔ̃ɔ ɓɛɛ, a ɓɔɔ nung ɓɔɔ zang ɓáa nɛɛ muru ɓɛɛ, ri a jaa. Ri tɔɔ, ri gbãayu kaa tɔ,

Matiyu 8:1

Ɓɔɔ Yeesɔ naa shooro tɔ nɛɛ kɔpɔ, a zang dɔɔli ri dũuru wu ka knti.

Matiyu 8:25

A zang ɓɔɔ ri mantɛ vuu ka bii ɓiɓɛ ri hingsi wu, ri kɔɔ wu tɔɔ, “Ta rùu jong Kpanti, rùu ɔ̃ɔ kana.”

Zang Shonang Yeesɔ 10:14

Bituru kasɛ wu nyaa tɔɔ, “Kpang Kpanti, n shaa vuu ɓɔɔ nyaa dannang zang Yahudi zãa ruu shaanang katɔ, gngn kpang.”