Matiyu 4:25 - Nyaa Shɔɔ Ɓɔɔ Laa a Ɓɛɛ

²⁵ Zang dɔɔli ri a ka bii Yeesɔ nɛɛ Galili, nɛɛ Dekapoli, nɛɛ Urushalima, nɛɛ Yahudi, a ri dũuru Yeesɔ ka knti nɛɛ zang nyaa rang Urudung ɓɔɔ dang ɓɛɛ nandon.

Matiyu 4:25 Referans Kwoze

Luka 6:17

Yeesɔ shooro tɔ nɛɛ kɔpɔ nɛɛ zang ɓɔɔ wu shɛ̃ɛrɛ ri, a daa shii ka nyɛlɛ. Zang ɓɔɔ ri mantɛ vuu ka bii ɓiɓɛ dɔɔli, nɛɛ zang dɔɔli ɓɔɔ ri alɛ nɛɛ tipi Yahudi, nɛɛ gari Urushalima, a ɓɔɔ zang ɓɔɔ ri alɛ nɛɛ gari Taya nɛɛ Sidong ɓɔɔ ka nyaa waapo ɓɛɛ. Ri arɛ nɛɛ ri naa tãa yee Laa ɓɔɔ wu rangnɛ, nɛɛ wu ti màsɛ̀ ri kɔnang ɓarɛ.

Maraku 5:20

A daayi, daa ka yeti Dekapoli rɛɛ gari kopi, a gaa tɔɔsung ɓɔɔ wu kɔɔrɔ zang vuu ɓɔɔ Yeesɔ pàlɛ̀ wu ɓɛɛ kati. Zang piti ɓɔɔ ri tãa vuu ɓɔɔ wu kɔɔyi, ri mã naa ka danggn.

Maraku 7:31

A Yeesɔ yaa tipi Taya, nɛɛ wu daa kaa nyaa waapo Galili a sɔɔ kaa nɛɛ tipi Sidong nɛɛ tipi Dekapoli (rɛɛ gari kopi).

Luka 6:19

Zang ɓɔɔ ri kpalɛ zɔɔ ɓɛɛ ri kasɛ nɛɛ ri lee Yeesɔ naa ka bii, ka ruu ɓɔɔ, naa zang masɛnang nwangkɛ nɛɛ bii ɓiɓɛ, masɛ zang ɓɛɛ.

Maraku 6:2

Ka Diki Ɔ̃sɔnang zang Yahudi, Yeesɔ gaa tɔɔsung vuu tusunang ka gãa zɔɔ kpalɛnang zang Yahudi. Zang piti ɓɔɔ ti tãa vuu ɓɔɔ wu tusu, ri mã naa ka danggn. Ri hɛ̃ɛyi tɔɔ, “Yɔɔ keɓe zi vuu keɓe ɓi biya nɔngkɔ viya? Laa a wu zũnang vi nɔngkɔ viya? Zunung ɓɔɔ wu palɛ vuu ɓɔɔ ruu zirɛ ruu mã naa ka danggn katɔ.

Matiyu 19:2

Zang dɔɔli dũuru wu ka knti. A masɛ ri ka nɔngkɔ.

Matiyu 12:15

Yeesɔ zi tɔ naa weɓe, a seepaa nɛɛ nɔng kaɓa, daayi. Zang dɔɔli ri dũuru wu ka knti, a masɛ zang ɓɔɔ vuu palɛ ri katɔ ka teteng ɓarɛ nandon.

Matiyu 8:1

Ɓɔɔ Yeesɔ naa shooro tɔ nɛɛ kɔpɔ, a zang dɔɔli ri dũuru wu ka knti.

Matiyu 5:1

Yeesɔ zi zang ɓɔɔ ri kpalɛ zɔɔ ka bii ɓiɓɛ gaagaa, a vang kɔpɔ, daa nwang ka tipi. Zang ɓɔɔ ri mantɛ vuu ka bii ɓiɓɛ, ri naa kpalɛ zɔɔ ka bii ɓiɓɛ.

Matiyu 4:15

“Zang tipi Zebuluna nɛɛ tipi Nafitali ɓɔɔ ka gbalang mii waapo ɓɔɔ zang ta rang Urudung ka dang ɓɛɛ, a ɓɔɔ zang tipi Galili, ɓɔɔ ri zang Isirela kpang ɓɛɛ.