Matiyu 3:12 - Nyaa Shɔɔ Ɓɔɔ Laa a Ɓɛɛ

¹² Vuu ɓɔɔ wu hã́lɛ̀ vuu nɔng, kagn naa ɓiɓɛ, naa kòoró dadong ɓiɓɛ ditɔ, tɔ̀ɔ, wu kpalɛ jĩng vuu ɓiɓɛ ka bɔ̃nɔ, wu yaa gãrɛ ɓiɓɛ, wu dɔɔ nɛɛ waa ɓɔɔ ning ɓi kpang ɓɛɛ.”

Matiyu 3:12 Referans Kwoze

Matiyu 13:30

Nɔɔ yaa ri ka nɔngkɔ, ri bangkɛ nɛɛ zee ɓɔɔ tɔ̃ɔ gbã̀ágbãa, diki ɓɔɔ zang yee zee wu a nɛɛ mani. N naa kɔɔ zang ɓɔɔ ri yee ditɔ, nɛɛ, ri gaayu nɛɛ zee lɔɔwɔ kɔ kpalɛnang shɔɔnang. Tɔ̀ɔ, ri gɔɔ ka jɔɔ jɔɔ, ri dɔ́ɔ kati. Ri ti kpalɛ zee ɓɔɔ tɔ̃ɔ ɓi kaa bɔ̃nɔ mɛɛ.’ ”

Luka 3:17

Vuu ɓɔɔ wu naa hãlɛ̀ vuu nɛɛ mani kagn naa ɓiɓɛ. Naa kooro dadong ɓiɓɛ ditɔ, tɔ̀ɔ, wu kpalɛ jĩng vuu ɓiɓɛ ka bɔ̃nɔ. Wu yaa gãrɛ ɓiɓɛ, wu doo kaa nɛɛ waa ɓɔɔ ning ɓi kpang ɓɛɛ.”

Matiyu 13:41

Jaa Shɔnzang naa shong zang nyaa shonang ɓiɓɛ ɓɔɔ ri ka lapa ditɔ, nɛɛ ri kpalɛ vuu piti ɓɔɔ shing zang vuu shi kpang palɛnang ka nɔng ɓɔɔ wu roo kpanti ɓɛɛ, nɛɛ zang ɓɔɔ ri palɛ vuu shi kpang nandon.

Yɔhana 15:2

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Matiyu 13:43

A zang ɓɔɔ palɛ vuu ɓɔɔ Laa kasɛ, naa kɔlɔ ɓarɛ naa làa ka nɔng ɓɔɔ Daa ɓarɛ roo kpanti ɓɛɛ. Zang ɓɔɔ shoo ɓiɓɛ nɛɛ kagn wu tãayi.”

Matiyu 13:42

Ri vǎng ri ka yeti waa bang. Ka nɔng ɓɔɔ ri naa kaayi, ri shaa nyaa kagn kpaaka, kpaaka ɓɛɛ.

Luka 3:16

A Yɔhana kasɛ ri nyaa nandon tɔɔ, “N pàlɛ́ nɔɔ batizima m nɛɛ mii, zang ɓɔɔ naa a ka knti mɛɛ, ɓa m bannang katɔ. N daa naa ɓɔɔ n kãlɛ soo koodoo ɓiɓɛ kpang. Wukɔ naa pàlɛ́ nɔɔ batizima nɛɛ Suru Laa nɛɛ waa.