Matiyu 26:34 - Nyaa Shɔɔ Ɓɔɔ Laa a Ɓɛɛ

³⁴ Yeesɔ kɔɔ wu tɔɔ, “N kɔɔ mɔɔ ruu ɓɔɔ niizang kɔ nwani, ɓɔɔ kn naa ɓaa nyaa lɛɛkɔ nɛɛ zĩi keɓe, bɛ̀ɛ́ mɔɔ laa nyaa tɔ daa doo taati, nɛɛ mɔɔ zi m nung ɓáa kpang.”

Matiyu 26:34 Referans Kwoze

Yɔhana 13:38

Yeesɔ hɛ̃ɛ wu tɔɔ, “Mɔɔ vɔ katɔ ka ruu mɛɛ niizang ya? N kɔ̀ɔ́ mɔɔ ruu ɓɔɔ niizang kɔ nwani, ɓɔɔ kn naa ɓaa nyaa bɛ̀ɛ́ mɔɔ laa nyaa tɔ, daa doo taati, nɛɛ mɔɔ zi m nung ɓaa kpang.”

Luka 22:34

Yeesɔ kɔɔ wu tɔɔ, “Bituru, n kɔɔ mɔɔ, lɛ̀ɛ́kɔ nɛɛ zĩi keɓe, mɔɔ laa nyaa nɛɛ mɔɔ zi m nung kpang dakn taati ka gbongkarɛ, tɔ̀ɔ, kn wu ɓaa nyaa.”

Matiyu 26:75

A Bituru naa kpaa danggn ruu ɓɔɔ Yeesɔ kɔɔ wu tɔɔ, “Ɓɔɔ kǹ naa ɓáa nyaa, bɛ̀ɛ́ mɔɔ laa nyaa mɛɛ tɔ daa doo taati.” A Bituru nwangnɛ, daa kaa ka biling zɛ̃ɛzɛ̃ɛ.

Matiyu 26:33

A Bituru kɔɔ wu tɔɔ, “Naa ri yuku doo piti ri yaa mɔɔ, n yaa mɔɔ m kpang.”

Maraku 14:72

Ɓɔɔ Bituru hangsɛ nyaa kɔɔnang hn, kpaasakn naa paasɛ nyaa daa kaa doo ziti. A Bituru naa kpaa danggn vuu ɓɔɔ Yeesɔ kɔɔ wu kati. Bɛ̀ɛ́ Yeesɔ kɔɔ Bituru tɔɔ, “Ɓɔɔ kn naa ɓaa nyaa daa doo ziti, bɛ̀ɛ́ mɔɔ laa nyaa mɛɛ tɔ daa dakn taati.” A Bituru káa kaa zɛ̃ɛzɛ̃ɛ.

Luka 22:61

A Kpanti Yeesɔ raa jĩng pɛ̃ɛrɛ Bituru. A Bituru kpaa danggn yee Yeesɔ naa ɓɔɔ kɔɔ wu tɔɔ, “Ɓɔɔ kn ɓaa nyaa lɛ̀ɛ́kɔ nɛɛ zĩi, mɔɔ laa nyaa mɛɛ dakn taati.”