Matiyu 25:24 - Nyaa Shɔɔ Ɓɔɔ Laa a Ɓɛɛ

²⁴ “A zang shonang yɔɔ gbete, ɓɔɔ yɔɔ a wu jaka gbete naa arɛ kɔɔ wu tɔɔ, ‘Kpanti, n zi tɔ, mɔɔ kpãa nyaa ɓaa katɔ, mɔɔ yée vuu ɓáa ka nɔng ɓɔɔ mɔɔ ɓáa kpang ɓɛɛ, mɔɔ ti kpalɛ vuu ɓáa ka nɔng ɓɔɔ mɔɔ vang jĩng vuu kpang ɓɛɛ.

Matiyu 25:24 Referans Kwoze

Luka 15:29

A kasɛ diiɓɛ nyaa tɔɔ, ‘Zirɛ, saa kɔ tɛɛrɛ ɓɛɛ nandon, n palɛ mɔɔ shonang naa jaafoo. N ɓa nyaa ɓaaɓɛ gngn kpang. A mɔɔ a m shi jaa gngn gbete nɛɛ n yeeyi ruu tãa tĩnang nɛɛ rɛɛ masang kpang.

Rooma 9:20

Masang, mɔkɔ wi mɔɔ kasɛ Laa nyaa wiya? Ɓari hɛ̃ɛ zang ɓɔɔ mãa wu katɔ nɛɛ, “Ka ruu vi mɔɔ mãa m nɔngkɔ viya ya?”

Rooma 8:7

Ka ruu ɓɔɔ, naa zang shing rɛ̃rɛnang zang, ka yuu vuu ɓɔɔ bii zang kasɛ ɓɛɛ kɔ shɛ̃ɛning, zang risi yuu zang kaa naa zang ɓɔɔ shing jĩng nɛɛ Laa kpang ɓɛɛ. Ka ruu ɓɔɔ, dũ̀ng nyaa ɓɔɔ Laa dangnɛ ɓi kpang ɓɛɛ. Niizang, zunung dũnnang ɓi kpang tingkiring.

Luka 6:46

“Ka ruu vi, nɔɔ ɓaarɛ m nɛɛ ‘Kpanti, Kpanti,’ a nɔɔ palɛ vuu ɓɔɔ n kɔɔ nɔɔ kpang viya?

Matiyu 20:12

‘Zang ɓɔɔ ri a doo knti, ri palɛ shonang diki bee kpang, mɔɔ shu rùu ɓɔɔ ruu dang jĩng, laa ti nyɔ ruu sasak, saka nɛɛ ri nyaa kiiri, ka ruu viya?’

Matiyu 7:21

“Wu zang piti ɓɔɔ ri ɓaarɛ m nɛɛ, ‘Kpanti, Kpanti’ kɔ naa daa nɔng ɓɔɔ Laa roo kpanti kpang. Ɓi zang ɓɔɔ ri palɛ vuu ɓɔɔ Daa mɛɛ ɓɔɔ ka lapa kasɛ ɓɛɛ kɔ, ri daayi.

Matiyu 18:24

Gaa tɔɔsung saka ɓiɓɛ gãnang kana. A zang atɛ wu zang gbete ɓɔɔ ta saka ka naa ɓiɓɛ jaka labang kopi a naa walɛ saka ɓɔɔ wu sɔɔrɔ wu nɔng kaa takpang ɓɛɛ.

Matiyu 25:25

Ka ruu nɔngkɔ, n kaa vɔrɔ, a n daayi, n daa waasɛ saka ɓaaɓɛ ka tipi. Vuu ɓaaɓɛ keɓe, ta, ta.’

Matiyu 25:26

“A yɔɔ gãa ɓiɓɛ kasɛ wu nyaa tɔɔ, ‘Mɔɔ ɓáa zang shonang ɓɔɔ shi kpang ɓɛɛ. Mɔɔ lagn dɔɔli. Mɔɔ zi tɔ nɛɛ n yée vuu ka nɔng ɓɔɔ n ɓaa kpang. N ti kpalɛ vuu ka nɔng ɓɔɔ n vang kpang.

Luka 19:13

Ɓɔɔ wu daa gn kpang, a ɓaa nyaa ka zang shonang ɓiɓɛ kopi, a ri pã́ng gbete gbete, kɔɔ ri tɔɔ, ‘Nɔɔ palɛ shonang ɓɔɔ nɔɔ walɛ ɓɔ̀ɔ́gn nɛɛ mani ka yuu weɓe, n gbãayu nɛɛ mani.’