Matiyu 24:43 - Nyaa Shɔɔ Ɓɔɔ Laa a Ɓɛɛ

⁴³ Nɔɔ zi tɔ nɛɛ, naa zang gãa nɛ̀ɛ́ tãa nyaa diki ɓɔɔ shɔngɓɔ a vuu ɓɔɔnang kagn tɔ, nɛ̀ɛ́ gãng jĩng ka gãa ɓiɓɛ tɔ̃ɔ tɔ̃ɔ, ka ruu ɓɔɔ Shɔngɓɔ nɛ̀ɛ́ naa shɛ̃ɛ ka gãa ɓiɓɛ see wu vuu ɓɛɛ.

Matiyu 24:43 Referans Kwoze

Luka 12:39

Zi karɛ, naa zang gãa nɛ̀ɛ́ zi laa ɓɔɔ shɔngɓɔ a ɓɛɛ katɔ, nɛ̀ɛ́ yaa gãa ɓiɓɛ shɔngɓɔ wu shɛ̃ɛ kpang.

Matiyu 24:44

Ka ruu nɔngkɔ, nɔɔ gãng jĩng kagn, ka ruu ɓɔɔ, Jaa Shɔnzang a ka làa ɓɔɔ nɔɔ shing danggn manɛ kpang ɓɛɛ.

Matiyu 20:11

Ri ta saka shonang ɓarɛ tɔ, a ri gɔ̃ɔrɔ yee nɛɛ yɔɔ jaa nɛɛ,

Matiyu 14:25

A Yeesɔ ra ka yuu paa mii waapo nɛɛ yuu gãndi, a daa ka bii ɓarɛ.

Matiyu 24:42

“Ka ruu nɔngkɔ, nɔɔ gãng jĩng kagn, ka ruu ɓɔɔ, nɔɔ zi diki ɓɔɔ Kpanti manɛ a kagn kpang ɓɛɛ.

Matiyu 25:10

“Ja soo maani ɓɔɔ zũng kpang kaɓa, ri daa tɔ nɔng nung hoonang, a sinyɛ ɓeevɛ naa a ka knti ɓarɛ. Ja soo maani ɓɔɔ ri kpalɛ bii tɔ kaɓa, ri daa ɓarɛ kaa nɛɛ wu, ka nɔng ɓɔɔ zang shaa kn sinyɛ ɓɛɛ. A zang ku nyaa gãa kati.

Matiyu 25:13

A Yeesɔ hangsɛ nyaa tɔɔ, “Nɔɔ shing danggn kagn, ka ruu ɓɔɔ nɔɔ zi diki nɛɛ laa ɓɔɔ n gbãayu kpang ɓɛɛ.”

Maraku 6:48

A zi zang ɓɔɔ ri mantɛ vuu ka bii ɓiɓɛ, ri dang jĩng kana nɛɛ tonsi zaanang, ka ruu ɓɔɔ, jasung raa jĩng ka bii ɓarɛ kɔ jong ɓɛɛ. A Yeesɔ ra ka yuu paa mii nɛɛ yuu gãndi. Nɛɛ wu ɓa ri katɔ,

Maraku 13:35

Gãng jĩng kagn, ka ruu ɓɔɔ, mɔɔ zi diki ɓɔɔ yɔɔ gãa naa gbãayu kagn kpang ɓɛɛ. A nɛɛ laarang ya, nɛɛ teteng gãmbang ya, kɔ naa ɓɔɔ kn gaayu nyaa ɓaanang ya, kɔ nɛɛ gãndi zang zang ya, nɔɔ zi kpang.

Luka 12:38

Zang shonang keɓe naa tãa tĩnang dɔɔli, naa dabang ɓarɛ a doo nɛɛ teteng gãmbang, kɔ nɛɛ yuu gãndi, naa ĩi ri ningkãari ɓɛɛ.

Luka 21:36

Nɔɔ gãng jĩng kagn, nɔɔ gaa Laa diki diki, tɔ̀ɔ, nɔɔ walɛ kaka ɓɔɔ nɔɔ mã danggn jĩng dannang ɓɔɔ a ɓɛɛ. Tɔ̀ɔ, nɔɔ naa shii ka tĩng mɛɛ, ɓɔɔ n Jaa Shɔnzang ɓɛɛ.”

Vuu ɓɔɔ zang nwangsɛ Yɔhana 3:3

Ka ruu nɔngkɔ, danggn wu ning nɔɔ vuu ɓɔɔ nɔɔ tãayi, a nɔɔ ti tarɛ ɓɛɛ kpang. Nɔɔ yiti katɔ, nɔɔ ti kɔ̃sɔ yeti manɛ. Naa nɔɔ yupaa kpang, n a ditɔ naa shɔngɓɔ, a nɔɔ zi laa ɓɔɔ n a kagn yuu manɛ kpang.

Vuu ɓɔɔ zang nwangsɛ Yɔhana 16:15

A Yeesɔ kɔɔyi tɔɔ, “N naa a naa shɔngɓɔ. Tĩnang tãanang ɓi zang ɓɔɔ nwang doo paa, gãng jĩng, hãa fɔ̃ɔrɔ ɓiɓɛ ka bii ɓɛɛ. Ka ruu ɓɔɔ nɛɛ yaa bii bɔ̃bɔ̃rɔ, yusɛ̃ɛ nɛɛ tuu wu ɓɛɛ.”