Matiyu 24:36 - Nyaa Shɔɔ Ɓɔɔ Laa a Ɓɛɛ

³⁶ “Zang gbete ɓɔɔ zi diki, nɛɛ laa ɓɔɔ n gbãayu kagn kpang. Zang nyaa shonang Kpanti Laa ɓɔɔ ka lapa, nɛɛ n ɓɔɔ n Jaa Laa piti, ruu zi kpang, ɓi Kpanti Laa kɔ zi gbete.

Matiyu 24:36 Referans Kwoze

Maraku 13:32

“Zang ɓɔɔ zi diki nɛɛ laa ɓɔɔ n gbãayu kagn gbete kpang. Zang nyaa shonang Kpanti Laa ɓɔɔ ka lapa, nɛɛ ɓɔɔ n Jaa Laa piti, ruu zi kpang, Kpanti Laa kɔ zi gbete.

Zang Shonang Yeesɔ 1:7

Yeesɔ kɔɔ ri tɔɔ, “Laa nɛɛ diki ɓi Daa shĩili nɛɛ naa vuu palɛnang ɓiɓɛ, ruu manɛ hãa ɓi kagn kpang.

Matiyu 24:44

Ka ruu nɔngkɔ, nɔɔ gãng jĩng kagn, ka ruu ɓɔɔ, Jaa Shɔnzang a ka làa ɓɔɔ nɔɔ shing danggn manɛ kpang ɓɛɛ.

2 Bituru 3:10

Naa dòo nɔngkɔ piti, diki nɛɛ a tɔ, Kpanti Yeesɔ Kirisi naa gbãayu naa shɔngɓɔ ka diki kaɓa, zang ri naa tãa nyaa ɓɔɔ zang mɛɛ ɓɛɛ, a lapa wu ning kati. Waa wu shaa vuu ɓɔɔ ka lapa nɛɛ koo kati nandon. Tipi nɛɛ vuu ɓɔɔ ka yuu ɓiɓɛ piti naa ning katɔ nandon.

1 Tesalonika 5:2

Ka ruu ɓɔɔ, nɔɔ nɛɛ yuu manɛ nɔɔ zi tɔ waasɛ̃ nɛɛ diki ɓɔɔ Kpanti Yeesɔ naa a kagn, naa nwang naa ɓɔɔ shɔngɓɔ, a nɛɛ zĩi bɛ̀ɛ́ nɔɔ shing gn kpang ɓɛɛ.

Vuu ɓɔɔ zang nwangsɛ Yɔhana 16:15

A Yeesɔ kɔɔyi tɔɔ, “N naa a naa shɔngɓɔ. Tĩnang tãanang ɓi zang ɓɔɔ nwang doo paa, gãng jĩng, hãa fɔ̃ɔrɔ ɓiɓɛ ka bii ɓɛɛ. Ka ruu ɓɔɔ nɛɛ yaa bii bɔ̃bɔ̃rɔ, yusɛ̃ɛ nɛɛ tuu wu ɓɛɛ.”

Matiyu 24:42

“Ka ruu nɔngkɔ, nɔɔ gãng jĩng kagn, ka ruu ɓɔɔ, nɔɔ zi diki ɓɔɔ Kpanti manɛ a kagn kpang ɓɛɛ.

Matiyu 25:13

A Yeesɔ hangsɛ nyaa tɔɔ, “Nɔɔ shing danggn kagn, ka ruu ɓɔɔ nɔɔ zi diki nɛɛ laa ɓɔɔ n gbãayu kpang ɓɛɛ.”

Vuu ɓɔɔ zang nwangsɛ Yɔhana 3:3

Ka ruu nɔngkɔ, danggn wu ning nɔɔ vuu ɓɔɔ nɔɔ tãayi, a nɔɔ ti tarɛ ɓɛɛ kpang. Nɔɔ yiti katɔ, nɔɔ ti kɔ̃sɔ yeti manɛ. Naa nɔɔ yupaa kpang, n a ditɔ naa shɔngɓɔ, a nɔɔ zi laa ɓɔɔ n a kagn yuu manɛ kpang.