Matiyu 22:42 - Nyaa Shɔɔ Ɓɔɔ Laa a Ɓɛɛ

⁴² “Nɔɔ kɔɔ ɓu nɛɛ Kirisi, zang ɓɔɔ naa a ɓɛɛ ɓu wiya? Ɓu jaa zɔ̃ng wiya?” A ri kasɛ wu nyaa tɔɔ, “Jaa zɔ̃ng Dawuda.”

Matiyu 22:42 Referans Kwoze

Kolosi 3:11

Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.

Matiyu 1:1

Labeenang keɓe ka yuu zɔ̃ng ɓɔɔ zang yi Yeesɔ Kirisi kagn ɓɛɛ. Yeesɔ Kirisi nwangnɛ zɔ̃ng Dawuda ɓɔɔ ɓi zɔ̃ng Ibirayi ɓɛɛ.

Yɔhana 20:28

Tooma kasɛ wu nyaa tɔɔ, “Mɔkɔ Kpanti mɛɛ nɛɛ Laa mɛɛ.”

Yɔhana 1:49

Natanalu kɔɔ wu tɔɔ, “Maalang, mɔkɔ Jaa Laa. Mɔkɔ Kpanti zang Isirela.”

Matiyu 21:9

Zang dɔɔli ɓɔɔ ri ka tĩng Yeesɔ, a ɓɔɔ ri ti ka knti ɓiɓɛ, ri mɛɛrɛ nyaa kana nɛɛ, “Zang wu dɔɔ Jaa Dawuda ta. Laa wu a zang ɓɔɔ a nɛɛ nung ɓiɓɛ tĩnang tãanang. Zang wu ti dɔɔ Kpanti Laa ta.”

Matiyu 14:33

Zang ɓɔɔ ka yeti tonsi dɔ̀ɔ Yeesɔ kati. Ri tɔɔ, “Mɔɔ Jaa Laa kɔ niizang.”

Matiyu 9:27

Yeesɔ seepaa tɔ, daa kana gbalang, a zang jĩng ringtang ziti ri dũuru wu ka knti. Ri ti mɛɛrɛ nyaa kana nɛɛ, “Jaa zɔ̃ng Dawuda gn ɓuru wu kɔng mɔɔ jong.”

Matiyu 22:43

Yeesɔ hɛ̃ɛ ri tɔɔ, “A ka ruu vi, Suru Laa tusu Dawuda gbalang, a zirɛ, a ɓaa Kirisi nɛɛ, ‘Kpanti’ viya? Ka ruu ɓɔɔ, Dawuda kɔɔyi tɔɔ,