Matiyu 22:31 - Nyaa Shɔɔ Ɓɔɔ Laa a Ɓɛɛ

³¹ Ka yuu ruu ɓɔɔ zang naa wisi zang paa nɛɛ saa ɓɛɛ, nɔɔ gã vuu ɓɔɔ Kpanti Laa kɔɔ nɔɔ ka yuu ɓiɓɛ, gngn kpang ya?

Matiyu 22:31 Referans Kwoze

Matiyu 21:16

A ri hɛ̃ɛ Yeesɔ tɔɔ, “Mɔɔ tãa vuu ɓɔɔ wujɛ keɓe, ri kɔɔ ɓu tɔ ya?” Yeesɔ kasɛ ri nyaa tɔɔ, “Nn, nɔɔ gã gngn ka yeti labeenang Laa kpang ya? Zang beeyi nɛɛ, “ ‘Laa kpɛ̃ɛrɛ wujɛ seseere naa ɓɔɔ ri dɔɔ wu tɔ̃ɔ tɔ̃ɔ ɓɛɛ.’ ”

Matiyu 12:3

A kasɛ ri nyaa tɔɔ, “Nɔɔ gã̀ vuu ɓɔɔ Dawuda palɛ ka diki ɓɔɔ nyɔkɔ nyɔ wu nɛɛ zang ɓɔɔ ri dũng wu gngn kpang ya?

Matiyu 21:42

A Yeesɔ hɛ̃ɛ ri tɔɔ, “Nɔɔ gã̀ gngn ka yeti labeenang Kpanti Laa kpang ya? Laa kɔɔyi tɔɔ: “ ‘Tari ɓɔɔ zang gãa mãanang ri bɛ̃ɛyi, wukɔ ràa tari ɓɔɔ yiti gãa kati. Kpanti Laa kɔ palɛ veɓe. Ɓɔɔ ka jĩng ɓuru, ɓi kaa vuu ɓɔɔ ruu mã naa ka danggn ɓɛɛ.’

Matiyu 12:7

Naa nɔɔ nɛɛ zi Ruu Laa ɓɔɔ kɔɔyi tɔɔ, ‘N kasɛ m ruu gn shɔnzang kɔnang, wu ruu vuu ɓɔɔ zang dɔɔ m kpang.’ Nɔɔ nɛɛ dɔng zang tɔ̃ɔ keɓe ruu kpang.

Matiyu 9:13

Nɔɔ kãa dĩiri yèé Laa ɓɔɔ kɔɔyi tɔɔ, ‘N kasɛ m ruu vuu vaa ɓɔɔ zang dɔɔ m kpang, n kasɛ nɛɛ gn zɔɔ wu kɔng nɔɔ katɔ kɔ jong.’ N arɛ, nɛɛ n naa ɓaa nyaa ka zang tɔ̃ɔ nɛɛ ri kɔ̃sɔ yeti ɓarɛ kpang. N arɛ nɛɛ n naa ɓaa nyaa m ka zang ɓɔɔ ri palɛ vuu shi kpang ɓɛɛ.”

Matiyu 22:30

Zang nɛɛ naa wisi zang paa tɔ nɛɛ sàa, zang shing soro ɓi takpang, zang ti naa a zang wujɛ soro ɓi takpang nɛɛ zang gee ri kpang. Zang naa nwalɛ ɓi kaa naa zang nyaa shonang Kpanti Laa ɓɔɔ ri ka lapa ɓɛɛ.

Matiyu 22:32

Kpanti Laa tɔɔ, ‘Nkɔ Laa Ibirayi, nɛɛ ɓɔɔ Ishaaku, nɛɛ ɓɔɔ Yakubu.’ Zang keɓe ri vɔlɔ tɔ doo tɛ̃ɛ tɛ̃ɛ. Wee Laa ɓaa yuu ɓiɓɛ nɛɛ wu Laa ɓarɛ ɓɛɛ, ruu zi ka wukɔ nɛɛ zang wisi ri paa tɔ nɛɛ sàa. Ka ruu ɓɔɔ, Laa ɓi Làá zang ɓɔɔ vɔ katɔ kpang, ɓi Laa zang ɓɔɔ ningkãari ɓɛɛ.”