Matiyu 22:21 - Nyaa Shɔɔ Ɓɔɔ Laa a Ɓɛɛ

²¹ Ri kasɛ wu nyaa tɔɔ, “Ɓɔɔ Kayisa.” A Yeesɔ kɔɔ ri tɔɔ, “Nɔɔ a Kayisa vuu ɓiɓɛ ta, nɔɔ ti a Kpanti Laa ɓɔɔ ɓiɓɛ.”

Matiyu 22:21 Referans Kwoze

Rooma 13:7

Vuu ɓɔɔ ri nɛɛ dṹng nɔɔ, nɔɔ shu ri ta. Nɔɔ shù zang ɓɔɔ ta saka tipi, saka tipi. Nɔɔ a zang ɓɔɔ ri ta saka ka yuu vuu ɓɔɔ nɔɔ mãlɛ́ ɓɛɛ, saka ɓiɓɛ. Zang ɓɔɔ nɛɛ daa naa sennang katɔ, nɔɔ seng wu. Nɔɔ a zang ɓɔɔ daa naa bannang katɔ, bannang.

Zang Shonang Yeesɔ 4:19

Bituru nɛɛ Yɔhana kasɛ ri nyaa tɔɔ, “Nɔɔ sée karɛ ka yeti manɛ nɔɔ zirɛ, wi tɔ̃ɔ ka tĩng Laa wiya? Naa rùu ɓaa shoo ka nyaa manɛ ya, kɔ ruu ɓaa shoo ka nyaa Laa?

Matiyu 22:37

A Yeesɔ kasɛ wu nyaa tɔɔ, “Mɔ́ɔ kasɛ ruu Kpanti Laa ɓaaɓɛ nɛɛ yeti ɓaaɓɛ piti, nɛɛ suru bii ɓaaɓɛ piti, nɛɛ rɛ̃rɛnang ɓaaɓɛ piti.

Luka 23:2

Ri kãa gbalang ɓɔɔ ri kɔɔrɔ wu ruu ka yuu ɓiɓɛ nɛɛ, “Ruu ĩi zang keɓe nwãarɛ zang ɓuru, nɛɛ zang wu shù Kayisa kpanti tipi Rooma saka tipi kpang. Nɛɛ wukɔ ti Kirisi, nɛɛ wu doo kpanti kɔ.”

Zang Shonang Yeesɔ 5:29

Bituru nɛɛ rɛɛ zang shonang Yeesɔ ɓɔɔ nɛɛ wu ri kasɛ wu nyaa tɔɔ, “Ruu ɓáa shoo ɓuru ka nyaa Laa, ɓa ɓɔɔ ruu ɓaa shoo ka nyaa shɔnzang katɔ.

Matiyu 4:10

A Yeesɔ kasɛ wu nyaa tɔɔ, “Daa nɛɛ kaaɓa, mɔ́ɔ yàa m bii Sheetang. Ruu Kpanti Laa kɔɔyi tɔɔ, ‘Shɔnzang wu dɔɔ Kpanti Laa ɓiɓɛ kɔ shɛ̃ɛning, nɛɛ wu ti bang wukɔ gbete.’ ”

Matiyu 22:20

A Yeesɔ hɛ̃ɛ ri tɔɔ, “Wee ɓu waa nyaating, nɛɛ nung wi ka yuu saka keɓe wiya?”

Maraku 12:17

A Yeesɔ kɔɔ ri tɔɔ, “Vuu ɓɔɔ nɛɛ ɓɔɔ Kayisa, nɔɔ a wu, nɔɔ ti a Kpanti Laa vuu ɓiɓɛ.” Ɓɔɔ ri tãa naa weɓe, ri mã naa ka danggn, ka ruu nyaa ɓɔɔ wu kasɛ ɓɛɛ.

Luka 20:25

A kɔɔ ri nɛɛ, “Nɛɛ nɔngkɔ, nɔɔ a Kayisa vuu ɓɔɔ ɓi ɓɔ̀ɔ́ Kayisa ɓɛɛ, nɔɔ ti a Laa vuu ɓɔɔ ɓi ɓɔ̀ɔ́ Laa ɓɛɛ.”