Matiyu 19:27 - Nyaa Shɔɔ Ɓɔɔ Laa a Ɓɛɛ

²⁷ Bituru hɛ̃ɛ wu tɔɔ, “A wee ruu yaa vuu piti tɔ, ruu dũng mɔɔ ɓee, ruu naa walɛ ɓu kaa viya?”

Matiyu 19:27 Referans Kwoze

Filipi 3:8

Niizang, vuu naa mɛɛ nandon, n risi tɔ naa vuu ɓɔɔ kpang, ka ruu ɓɔɔ zinang ɓɔɔ n zi Kpanti mɛɛ Yeesɔ Kirisi, ɓa vuu piti katɔ ɓɛɛ. Ka ruu Yeesɔ kɔ n yaa vuu piti tɔ. N risi vuu piti naa vuu wɔ̀sɔ̀nang, tɔ̀ɔ, n wàlɛ̀ m kaa Yeesɔ kɔ shɛ̃ɛning.

Luka 5:11

Ri nwangsɛ tonsi tɔ ka nyaa gãnggãng, a ri yaa vuu ɓarɛ piti, ri dũng Yeesɔ.

Luka 18:28

A Bituru kɔɔyi tɔɔ, “A wee ruu yaa vuu ɓuru nandon, ruu dũng mɔɔ ɓee?”

Luka 15:29

A kasɛ diiɓɛ nyaa tɔɔ, ‘Zirɛ, saa kɔ tɛɛrɛ ɓɛɛ nandon, n palɛ mɔɔ shonang naa jaafoo. N ɓa nyaa ɓaaɓɛ gngn kpang. A mɔɔ a m shi jaa gngn gbete nɛɛ n yeeyi ruu tãa tĩnang nɛɛ rɛɛ masang kpang.

Maraku 10:28

A Bituru hɛ̃ɛ wu tɔɔ, “A wee ruu yaa vuu ɓuru nandon ruu dũng mɔɔ ɓee?”

Maraku 2:14

Yeesɔ rakɛ kana nyaa mii waapo, a zi yɔɔ ɓɔɔ ta saka tipi, ɓɔɔ zang ɓaa wu nɛɛ Leevi jaa Alifaya nwang tɔ ka yeti gãa saka tipi tanang. A Yeesɔ ɓaa wu nyaa, a kɔɔ wu tɔɔ, “Dũng m ta.” A Leevi seepaa dũng wu kati.

Luka 14:33

Dũnnang mɛɛ, nwang ɓi doo nɔngkɔ. Zang ɓɔɔ nɛɛ yaa vuu ɓiɓɛ piti kpang, zunung ɓɔɔ wu nwáng zang ɓɔɔ dũng m kpang.

Matiyu 9:9

Yeesɔ seepaa tɔ, daa kana gbalang, a zi yɔɔ ɓɔɔ zang ɓaa nɛɛ Matiyu nwang tɔ ki yeti jaka saka tipi tanang. A Yeesɔ ɓaa wu nyaa, kɔɔ wu tɔɔ, “Dũng m ta.” A Matiyu seepaa dũng Yeesɔ Kati.

1 Koranti 4:7

Ɓɔɔ mɔɔ zi yuu ɓaaɓɛ nɛɛ mɔɔ ɓa zang piti katɔ ɓɛɛ, mɔɔ ɓu wiya? Vuu ɓaaɓɛ ɓɔɔ kagn ɓɔɔ wu Laa kɔ a mɔɔ kpang kagn ya? Laa kɔ nɛɛ a mɔɔ vuu piti, a mɔɔ rangkɛ yee vi bang bang ka yuu vuu kaɓa naa kaka ɓaaɓɛ a mɔɔ viya?

1 Koranti 1:29

Laa palɛ vuu keɓe nɔngkɔ, tɔ̀ɔ, zang ɓɔɔ wu lakɛ jĩng kaa tɔ̀ɔ́ ka ting ɓiɓɛ kpang.

Matiyu 19:26

Yeesɔ pɛ̃ɛrɛ ri, a kɔɔ ri tɔɔ, “Vuu keɓe shɔnzang zunung palɛnang kpang, a Laa zunung vuu piti palɛnang ɓi katɔ.”

Matiyu 19:28

Yeesɔ kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, ka diki ɓɔɔ Jaa Shɔnzang naa arɛ, naa nwang ka laa kpanti nɛɛ naa bannang ɓiɓɛ ka koo shɔɔ. Ɓɔɔ nɔɔ dũ̀ng knti mɛɛ, nɔɔ naa nwáng ditɔ jong ka laa nwannang kopi tu ziti. Tɔ̀ɔ nɔ́ɔ jɛ̃̀ɛ zɔ̃ng wujɛ Isirela ɓɔɔ kopi tu ziti ruu kati.