Matiyu 18:19 - Nyaa Shɔɔ Ɓɔɔ Laa a Ɓɛɛ

¹⁹ “Nɔɔ ɓaa shoo ta, nɔ́ɔ tãa tɔkn. Naa zang ziti ka teteng manɛ ri mã̀ zɔɔ naa ka yuu vuu piti ɓɔɔ ri gaayi, Daa mɛɛ ɓɔɔ ka lapa palɛ ri katɔ.

Matiyu 18:19 Referans Kwoze

Matiyu 7:7

“Nɔɔ gaa ta ka naa Laa, a nɔɔ katɔ. Nɔɔ kãa ta, nɔɔ ti ĩi katɔ. Nɔɔ ɓáa nyaa ta, Laa kasɛ nɔɔ nyaa katɔ.

Maraku 11:24

Ka ruu nɔngkɔ, n kɔɔ nɔɔ vuu piti ɓɔɔ nɔɔ gaayi, nɔɔ shing danggn nɛɛ nɔɔ wàlɛ̀ tɔ, Laa a nɔɔ katɔ.

Yɔhana 16:23

“Diki kaɓa nɛɛ naa a tɔ, nɔɔ gàa vuu ɓɔɔ tɔ̀ɔ́ ka naa mɛɛ kpang. N kɔ̀ɔ́ nɔɔ ruu ɓɔɔ niizang kɔ nwani. Daa naa a nɔɔ vuu ɓɔɔ nɔɔ gáa ka naa ɓiɓɛ nɛɛ nung mɛɛ katɔ.

Filipi 1:19

Ka ruu ɓɔɔ, n zi tɔ, Laa ɓɔɔ nɔɔ gaa m, nɛɛ naa ɓɔɔ Suru Yeesɔ Kirisi yi m ka bii ɓɛɛ, naa shingnɛ zang naa yaa m naa ditɔ.

Matiyu 21:22

Naa nɔɔ shing danggn ka bii Kpanti Laa tɔ̃ɔ, vuu ɓɔɔ nɔɔ gàa wu piti, nɔɔ walɛ katɔ.”

Yɔhana 15:7

Nɔɔ nɛɛ nwang nɛɛ n, ruu mɛɛ nɛɛ ti nwang ka yeti manɛ, nɔɔ gàá vuu ɓɔɔ yeti manɛ kasɛ ɓɛɛ, zang a nɔɔ katɔ.

1 Yɔhana 3:22

Laa a ruu vuu piti ɓɔɔ ruu gaa ka naa ɓiɓɛ katɔ, ka ruu ɓɔɔ, ruu ɓaa shoo ka nyaa ɓɔɔ wu dang ɓɛɛ. Ruu ti pálɛ́ vuu ɓɔɔ yeti ɓiɓɛ kasɛ ɓɛɛ.

Zang Shonang Yeesɔ 12:5

Ka ruu nɔngkɔ, ya Bituru ka sãa ka nɔngkɔ. A zang ɓɔɔ ri dũng Laa, ri ti gàá Laa ɓi kana gbãng gbãng ka ruu Bituru.

Yɔhana 15:16

Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Zang Shonang Yeesɔ 1:14

Ri kpálɛ̀ zɔɔ diki diki, ri gaa Laa nɔng gbete nɛɛ rɛɛ zang soro ɓɔɔ kagn, nɛɛ Marayamu nàá Yeesɔ, nɛɛ rɛɛ jaa nàá Yeesɔ ɓɔɔ varɛ.

Matiyu 5:24

yaa vuu ɓɔɔ mɔɔ tɔɔ mɔɔ a Kpanti Laa ka nɔngkɔ ka gbongkarɛ, mɔɔ daa gaa wu, wu yaa mɔɔ gbalang. Tɔɔ mɔɔ gbãayu, mɔɔ naa a Kpanti Laa vuu ɓaaɓɛ kati.

Zang Shonang Yeesɔ 6:4

Rùu ráa jĩng ɓuru kaa Laa gaanang, nɛɛ Ruu Laa kɔɔrɔnang.”

Zang Shonang Yeesɔ 16:10

Ɓu doo ɓɔɔ Bulu rɔ̃kɔ naa weɓe, ruu kpalɛ bii daanang Makidoniya. Ruu zi kaa wukɔ nɛɛ Laa ɓaa ruu nyaa nɛɛ ruu daa kɔɔ rɛɛ zang kaɓa Ruu Tɔ̃ɔ ɓiɓɛ.