Matiyu 14:27 - Nyaa Shɔɔ Ɓɔɔ Laa a Ɓɛɛ

²⁷ A Yeesɔ rang yee kaa tantɛnang nɛɛ ri, tɔɔ, “Nɔ́ɔ kaa vɔrɔ kpang. Ɓi nkɔ.”

Matiyu 14:27 Referans Kwoze

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Zang Shonang Yeesɔ 23:11

Nɛɛ zĩi kpanti Yeesɔ naa shii ka kagn Bulu kɔɔ wu tɔɔ, “Mã danggn kagn. Mɔ̀ɔ kɔɔ zang ruu tɔ̃ɔ, ka yuu mɛɛ ka Urushalima keɓe, mɔɔ daa kɔɔ zang ditɔ nɔngkɔ tɔkn ka Rooma.”

Yɔhana 6:20

A kɔɔ ri tɔɔ, “Nɔɔ kaa vɔrɔ kpang, ɓi nkɔ”

Matiyu 17:7

A Yeesɔ arɛ naa lee ri naa ka bii, a kɔɔ ri nɛɛ, “Nɔɔ seepaa ta. Nɔɔ kaa vɔrɔ kpang.”

Matiyu 9:2

A zang atɛ wu, zang ɓɔɔ bii ɓiɓɛ vɔ katɔ ɓɛɛ, zang ta ka laa. Yeesɔ zi naa ɓɔɔ zang kaɓa ri shing danggn ka bii Kpanti Laa, a kɔɔ zang ɓɔɔ bii ɓiɓɛ vɔ katɔ tɔɔ, “Jaa mɛɛ, mɔ́ɔ rɛ̃rɛ kpang. N yaa mɔɔ gbalang vuu shi kpang ɓaaɓɛ tɔ.”

Luka 1:30

A zang nyaa shonang Kpanti Laa kɔɔ wu tɔɔ, “Mɔɔ kaa vɔrɔ kpang Marayamu, Laa tãa tĩnang ɓaaɓɛ dɔɔli.

Luka 1:13

A zang nyaa shonang Laa kɔɔ wu tɔɔ, “Mɔ́ɔ kaa vɔrɔ kpang Zakariya, Laa tãa vuu ɓɔɔ mɔɔ gaa ɓɛɛ tɔ. Soro ɓaaɓɛ Alisabatu yi mɔɔ jaa ditɔ zang varɛ, mɔ́ɔ ɓaa nung ɓiɓɛ nɛɛ Yɔhana.

Matiyu 28:10

A Yeesɔ kɔɔ ri tɔɔ, “Nɔ́ɔ kaa vɔrɔ kpang, nɔɔ dita nɔɔ daa kɔɔ rɛɛ manzung, nɛɛ ri daa ka Galili, ri daa zi m ka nɔngkɔ.”

Luka 2:10

Zang nyaa shonang Laa ɓɔɔ ka lapa, kɔɔ ri tɔɔ, “Nɔɔ kaa vɔrɔ kpang, n atɛ nɔɔ ruu tɔ̃ɔ, ɓɔɔ a nɔɔ tĩnang tãanang dɔɔli, ɓɔɔ zang piti naa tãa tĩnang ɓiɓɛ ɓɛɛ.

Matiyu 14:28

Bituru kasɛ wu nyaa tɔɔ, “Kpanti, nɛɛ mɔkɔ, kɔɔ m ta, n ra ka yuu paa mii, n a ka bii ɓaaɓɛ.”

Matiyu 28:5

A zang nyaa shonang Laa ɓɔɔ lapa kaɓa, kɔɔ zang soro ɓɔɔ ri daa jĩng lennang ka yuu sàa kaɓa nɛɛ, “Nɔ́ɔ kaa vɔrɔ kpang, n zi tɔ, nɔɔ kãa Yeesɔ ɓɔɔ zang ɓaa wu naa ka laa ɓɛɛ.

Maraku 6:50

Ka ruu ɓɔɔ, ri zi wu, a bii kaa ri vɔrɔ nandon ɓɛɛ. A Yeesɔ rang yee kaa tantɛnang nɛɛ ri tɔɔ, “Ɓi nkɔ, nɔ́ɔ kaa vɔrɔ kpang.”

Luka 5:10

Rɛɛ Siman ɓeesang, rɛɛ Yakub nɛɛ Yɔhana wujɛ Zebedi, ri mã naa ka danggn doo nɔngkɔ. A Yeesɔ kɔɔ Siman tɔɔ, “Mɔ́ɔ kaa vɔrɔ kpang, kãntang keɓe mɔɔ nwang ɓaa tɔ̀ɔ́ zang ɓɔɔ yi jaazĩi kpang, mɔɔ nwáng ɓaa kaa zang ɓɔɔ ɓaa zang nyaa nɛɛ ri a ka bii mɛɛ ɓɛɛ.”

Luka 12:32

“Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.