Maraku 9:1 - Nyaa Shɔɔ Ɓɔɔ Laa a Ɓɛɛ

¹ A kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ kagn teteng zang kɔ ri shiiri ɓee, ri zǐ Kpanti ɓɔɔ Laa roo ɓɛɛ ka gbongkarɛ tɔ̀ɔ, ri vɔrɛ.”

Maraku 9:1 Referans Kwoze

Luka 9:27

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ ri kagn teteng zang kɔ ka nihn ɓee ri vɔ kpang. Ri zi kpanti ɓɔɔ Laa roo ɓɛɛ gbongkarɛ.”

Yahudi 2:9

A ruu zirɛ, Yeesɔ ɓɔɔ zang shíng wu zang nyaa shonang Laa ɓɔɔ ri ka lapa ri ɓá wu, a diki bee kaa takpang ɓee, zang a wu bannang nɛɛ dɔɔnang ka ruu jĩng ɓɔɔ wu dangnɛ a vɔrɛ ɓɛɛ. Vuu keɓe piti ɓi ka ruu tɔ̃ɔ ɓɔɔ Laa palɛ zang ɓɛɛ, shingnɛ Yeesɔ tãa naa ɓɔɔ vɔrɔ nwang ɓɛɛ ka nung zang piti.

Luka 22:30

Tɔ̀ɔ, nɔɔ naa shaa vuu shaanang, nɔɔ ti ɓoo nɛɛ n ka nɔng vuu shaanang mɛɛ ka ɓɔɔ n naa roo kpanti ɓɛɛ. N ti shing nɔɔ, nɔɔ nwang ka yuu laa nwannang kpanti, nɔɔ jɛ̃ɛ zang zɔ̃ng Isirela ɓɔɔ kopi tu ziti ruu.

Maraku 13:30

N kɔɔ nɔɔ ruu ɓɔɔ niizang kɔ nwani, vuu keɓe naa palɛ ditɔ niizang gbongkarɛ nandon, tɔ̀ɔ, zang koo jaa knti keɓe, naa ɓa kati.

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Luka 22:18

N kɔ̀ɔ́ nɔɔ, n ɓoo mii inabi ɓɔɔ takpang, diki ɓɔɔ Laa naa roo Kpanti kagn nɛɛ a tɔ, n naa ɓooyi.”

Luka 2:26

Suru Laa ti kɔɔ wu nɛɛ wu zi Kirisi zang ɓɔɔ Laa tɔɔ arɛ naa ta yuu zang ka gbongkarɛ tɔɔ wu vɔrɛ.

Maraku 13:26

Tɔ̀ɔ, zang naa zi Jaa Shɔnzang kati ka ɓɔɔ wu a ka yeti sãmbong, nɛɛ naa vuu palɛnang ɓiɓɛ, nɛɛ bannang ɓiɓɛ ɓɛɛ.

Matiyu 24:30

“Tɔ̀ɔ zang naa zi vuu ɓɔɔ zang zirɛ zang mã naa ka danggn ka lapa ɓɔɔ tusu zang nɛɛ n ɓɔɔ n Jaa Shɔnzang n a kana ɓɛɛ. Zɔ̃ng zang ɓɔɔ ka koo keɓe piti, ri naa kaa ditɔ. Ri ti naa zi m kati, ka ɓɔɔ n a ka yeti sãmbong nɛɛ naa vuu palɛnang mɛɛ, nɛɛ bannang mɛɛ ɓɛɛ.

Matiyu 16:28

N kɔɔ nɔɔ ruu ɓɔɔ niizang kɔ nwani, zang dɔɔli ka teteng zang keɓe, ri vɔ kpang. Ri zi naa ɓɔɔ Jaa Shɔnzang naa a ka yeti bannang kpanti roonang ɓiɓɛ ka gbongkarɛ.”

Yɔhana 21:23

Ruu keɓe, baa teteng zang ɓɔɔ ri mantɛ vuu ka bii Yeesɔ nɛɛ yɔɔ keɓe vɔ ɓi kpang. Yeesɔ kɔɔ ɓi nɛɛ yɔɔ vɔ kpang, kpang, kɔɔ ɓi nɛɛ, “Naa n kasɛ nɛɛ wu vɔ kpang, ń gbãayu nɛɛ mani, ruu ɓaaɓɛ hãa kagn ya?”