Maraku 2:7 - Nyaa Shɔɔ Ɓɔɔ Laa a Ɓɛɛ

⁷ “Yɔɔ keɓe kɔɔ ruu nɔngkɔ, ka ruu viya? Tuu yuu ɓiɓɛ naa Kpanti Laa. Naa wu Kpanti Laa kpang, zang ɓɔɔ yaa zang gbalang vuu shi kpang kagn koo keɓe gbete ya?”

Maraku 2:7 Referans Kwoze

Luka 5:21

A zang ɓɔɔ ri tusu zang vuu, nɛɛ zang Farisi ri gaa tɔɔsung ruu hɛ̃ɛlɛnang kaa naa ɓarɛ tɔɔ, “Yɔɔ kɔ rang yee shi kpang ka yuu Laa ɓee ɓu wiya? Ɓi Laa kɔ gbete yaa zang gbalang vuu shi kpang ɓɔɔ zang palɛ ɓɛɛ.”

Luka 7:49

A zang ɓɔɔ ri nwáng nɛɛ wu ka nɔng vuu shaanang, ri gaa tɔɔsung yee rangkɛnang ka naa ɓarɛ tɔɔ, “Wee ɓu yɔɔ ki, kɔɔyi nɛɛ wu yaa zang gbalang vuu shi kpang ɓarɛ tɔ wiya?”

Yɔhana 10:33

Zang Yahudi ri kasɛ wu nyaa tɔɔ, “Ruu luku mɔɔ wu ka ruu vuu tɔ̃ɔ ɓɔɔ mɔɔ palɛ ɓɛɛ kpang. Ruu luku mɔɔ, ka ruu ruu shi kpang ɓɔɔ mɔɔ kɔɔ ɓɛɛ. Ka ruu ɓɔɔ mɔɔ shɔnzang waati, mɔɔ kɔɔyi nɛɛ mɔɔ ɓaa Laa ɓɛɛ.”

Maraku 14:64

Nɔɔ tãa ruu shi kpang ɓɔɔ wu kɔɔ ka yuu Laa ɓɛɛ tɔ. Nɔɔ zi ɓu bɛ̀ɛ́ ka yeti manɛ viya?” A zang piti ri kɔɔyi tɔɔ, “Palɛ vuu shi kpang ɓɔɔ, daa ɓɔɔ zang nyɔ vɔrɔ tɔ.”

Matiyu 26:65

Ɓɔɔ kpanti zang ɓɔɔ ri dɔɔ vuu ka Gãa Laa tãa naa weɓe, lɔɔsɔ fɔ̃ɔrɔ ɓɔɔ ka bii ɓiɓɛ. A kɔɔyi tɔɔ, “Yɔɔ keɓe kɔɔ ruu shi kpang tɔ, tuu yuu ɓiɓɛ, nɛɛ wu Jaa Laa. Ruu kasɛ zang ɓɔɔ wu kɔɔ rùu vuu ɓɔɔ wu palɛ ɓɛɛ takpang. Nɔɔ tãa vuu shi kpang ɓɔɔ wu kɔɔ kãntang keɓe tɔ nɛɛ shoo manɛ.

Matiyu 9:3

A zang ɓɔɔ ri tusu zang vuu, rangkɛ kana naa ɓarɛ tɔɔ, “Yɔɔ keɓe, rangkɛ ruu shi kpang ka yuu Kpanti Laa.”

Yɔhana 10:36

a zang ɓɔɔ Daa zɔ̃ngnɛ, a shong wu ka koo ɓɛɛ, nɔɔ kɔɔ ka ruu vi nɛɛ n kɔɔrɔ ruu shi kpang ka ruu ɓɔɔ n kɔɔyi nɛɛ n Jaa Laa viya?

Maraku 2:6

Ka diki kaɓa, zang ɓɔɔ ri tusu zang labeenang, ri nwang kagn nɔngkɔ. Ri rɛ̃rɛ ka yeti ɓarɛ, a ri ti hɛ̃ɛ zɔɔ nɛɛ,

Maraku 2:8

Yeesɔ zi ɓi tɔ ka yeti suru bii ɓiɓɛ tantɛnang nɛɛ, ri rɛ̃rɛ ɓarɛ veɓe kɔ. A hɛ̃ɛ ri tɔɔ “Nɔɔ rɛ̃rɛ ɓu ka ruu vi, nɔngkɔ viya?