Luka 9:44 - Nyaa Shɔɔ Ɓɔɔ Laa a Ɓɛɛ

⁴⁴ “Nɔɔ ɓaa shoo ta nɔɔ tãa vuu ɓɔɔ n kɔɔ nɔɔ ɓɛɛ, tɔɔ danggn wu ning nɔɔ kaa takpang. Ka ruu ɓɔɔ zang ɓɔɔ naa tuu Jaa Shɔnzang ditɔ, a zang ɓɔɔgn ri nyɔ wu vɔrɔ ɓɛɛ.”

Luka 9:44 Referans Kwoze

Zang Shonang Yeesɔ 2:23

Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Luka 9:22

A ti kɔɔ ri tɔɔ, “Jaa shɔnzang naa dang jĩng ditɔ dɔɔli. Zang bang, bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri ti bɛ̃ɛ wu, ri nyɔ wu vɔrɔ. Laa naa wisi wu paa ka lee ɓɔɔ diki daa taati ɓɛɛ.”

Yahudi 2:1

Ka ruu nɔngkɔ, ruu shing nɔɔ jĩng gbãng gbãng ka vuu ɓɔɔ ruu tãarɛ ɓɛɛ, vuu keɓe nɛɛ wɔ̀ ruu nɛɛ naa kpang ɓɛɛ.

Luka 2:19

A Marayamu shing ruu keɓe piti ka yeti ɓiɓɛ. A ti rɛ̃rɛ ka yuu vuu keɓe ka yeti ɓiɓɛ.

Yɔhana 19:11

Yeesɔ kasɛ wu nyaa tɔɔ, “Mɔɔ nɛ̀ɛ́ zunung ɓɔɔ mɔɔ pàlɛ́ m vuu ɓɔɔ kpang, naa Laa nɛ̀ɛ́ a mɔɔ naa kpang ɓɛɛ. Ka ruu nɔngkɔ, vuu shi kpang zang ɓɔɔ ri a mɔɔ n ka naa kɔ, ɓa ɓɔɔ ɓaaɓɛ.”

Yɔhana 16:4

N kɔɔ nɔɔ vuu keɓe, ka ruu ɓɔɔ, laa ɓɔɔ ri palɛ vuu keɓe nɛɛ a tɔ, nɔ́ɔ kpaa danggn kati nɛɛ bɛ̀ɛ́ n kɔɔ nɔɔ tɔ ɓɛɛ. N kɔ̀ɔ nɔɔ ruu keɓe ka tĩng kpang, ka ruu ɓɔɔ, bɛ̀ɛ́ n doo nɛɛ nɔɔ ɓɛɛ.

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Luka 18:31

Yeesɔ gɔ̃ zang ɓɔɔ ri mantɛ vuu ka bii ɓiɓɛ kopi tu ziti dang gbete, a kɔɔ ri tɔɔ, “Nɔɔ zirɛ, ruu daa kana Urushalima, vuu piti ɓɔɔ zang nyaa shonang Laa ri bee ka yuu mɛɛ ɓɔɔ n Jaa Shɔnzang, daa nwang kaa naa ɓɔɔ ri bee ɓɛɛ.

Luka 2:51

A seepaa daa kaa nɛɛ ri ka Nazara. Ɓaa shoo ka nyaa ɓarɛ ning. A niiɓɛ shing ruu keɓe ka yeti ɓiɓɛ nandon.

Luka 1:66

Zang piti ri tãa ruu keɓe, ri rɛ̃rɛ ka yuu ɓiɓɛ. Ri tɔɔ jaa keɓe naa nwang ɓi lɛ̀ɛ́ zang kiya? Ka ɓɔɔ ri zi tɔ nɛɛ Laa ɓi nɛɛ wu ning ɓɛɛ.

Maraku 9:31

Ka ruu ɓɔɔ, tusu zang ɓɔɔ ri mantɛ vuu ka bii ɓiɓɛ vuu ɓɛɛ. A kɔɔ ri tɔɔ, “Zang naa tuu Jaa Shɔnzang ditɔ, zang a zang. Ri naa nyɔ wu vɔrɔ. Zang nɛɛ nyɔ wu vɔrɔ tɔ, Laa naa wisi wu paa ka lee ɓɔɔ diki daa taati ɓɛɛ.”

Maraku 8:31

Yeesɔ gaa ri tɔɔsung vuu tusunang tɔɔ, “Ɓɔɔ n Jaa shɔnzang n naa dang jĩng ditɔ dɔɔli. Zang bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri naa bɛ̃ɛ m ditɔ. Zang naa nyɔ m vɔrɔ, Laa naa wisi m paa ka lee ɓɔɔ diki daa taati ɓɛɛ.”

Matiyu 26:2

“Nɔɔ zi tɔɔ, diki ɓɔɔ zang shaa nyaalaa Pasika yaa lɛ̀ɛ́ kaa ziti. Zang naa yi m ɓɔɔ n Jaa Shɔnzang, zang a zang ɓɔɔ ri naa ɓaa m naa ka laa ɓɛɛ.”

Matiyu 16:21

Yeesɔ gàa zang ɓɔɔ ri mantɛ vuu ka bii ɓiɓɛ tɔɔsung yee rannang ka diki kaɓa, nɛɛ wu daa Urushalima ditɔ. Wu daa dang jĩng ditɔ gbãng gbãng, ka naa zang bang gãa Laa, nɛɛ rɛɛ Kpanti zang ɓɔɔ ri dɔɔ Laa vuu, nɛɛ zang ɓɔɔ ri tusu zang vuu ɓɛɛ. Ri naa nyɔ wu vɔrɔ kati. A Laa naa wisi wu paa ka lee ɓɔɔ diki daa taati ɓɛɛ.

Yɔhana 16:31

Yeesɔ hɛ̃ɛ ri tɔɔ, “Nɔɔ shing danggn tɔ kati ya?