Luka 8:15 - Nyaa Shɔɔ Ɓɔɔ Laa a Ɓɛɛ

¹⁵ Jĩng vuu ɓɔɔ ri shili ka tipi tɔ̃ɔ, nwang kaa naa zang ɓɔɔ tãa Ruu Laa ɓɛɛ. Ri tarɛ, ri shing ka yeti ɓarɛ, ri mã danggn, a ri naa nwang kaa naa jĩng vuu ɓɔɔ bangnɛ ra jaa gaagaa ɓɛɛ.

Luka 8:15 Referans Kwoze

Yahudi 10:36

Nɔ́ɔ yaa danggn mãnang kpang, tɔ̀ɔ, nɔ́ɔ pálɛ́ vuu ɓɔɔ Laa kasɛ ɓɛɛ. Wu a nɔɔ vuu ɓɔɔ wu a nyaa nɛɛ wu á nɔɔ ɓɛɛ kati.

Luka 6:45

Shɔnzang ɓi doo nɔngkɔ. Zang tɔ̃ɔ nwangsɛ ɓi doo vuu tɔ̃ɔ ɓɔɔ ka yeti ɓiɓɛ kɔ. A zang shi kpang ti nwangsɛ ɓi doo vuu shi kpang ɓɔɔ ka yeti ɓiɓɛ kɔ. Ka ruu ɓɔɔ, vuu ɓɔɔ nwang nɛɛ nyaa shɔnzang piti, a ɓi nɛɛ yeti ɓiɓɛ ɓɛɛ.

1 Yɔhana 2:3

Naa ruu ɓa nyaa ɓɔɔ Laa dang kpang, ruu zi ka wukɔ nɛɛ ruu zi wu tɔ.

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

Yɔhana 14:15

“Yeesɔ kɔɔyi tɔɔ, nɔɔ nɛɛ kasɛ ruu mɛɛ katɔ, nɔɔ dũng nyaa ɓɔɔ n dang ɓɛɛ katɔ.

Luka 11:28

Yeesɔ kasɛ wu nyaa tɔɔ, “Tĩnang tãanang ɓi ɓɔɔ zang ɓɔɔ ri tãa Ruu Laa, ri shing ka yeti ɓarɛ ɓɛɛ kɔ jong.”

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Rooma 7:4

Manzung, nɔɔ doo nɔngkɔ. Nyaa ɓɔɔ Laa dangnɛ, risi nɔɔ manɛ naa zang ɓɔɔ ri vɔlɔ katɔ ɓɛɛ, ka ruu ɓɔɔ, nɔɔ ɓakɛ bii tɔ nɛɛ Kirisi ɓɛɛ. Kãntang keɓe, nɔɔ manɛ kaa zang Kirisi ɓɔɔ Laa wisi wu paa nɛɛ saa ɓɛɛ, tɔ̀ɔ, ruu shòng Laa shonang ɓɔɔ tɔ̃ɔ kati.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

Yɔhana 15:10

Naa nɔɔ ta nyaa ɓɔɔ n dang nɔɔ ɓɛɛ kpang, n kàsɛ́ nɔɔ katɔ sasak. Naa ɓɔɔ n ta rɛɛ nyaa ɓɔɔ Daa mɛɛ dang m kpang, a ti kasɛ m sasak ɓɛɛ.

Matiyu 24:13

A zang ɓɔɔ nɛɛ naa mã danggn sasak, wukɔ naa wɔrɛ.

Yahudi 2:1

Ka ruu nɔngkɔ, ruu shing nɔɔ jĩng gbãng gbãng ka vuu ɓɔɔ ruu tãarɛ ɓɛɛ, vuu keɓe nɛɛ wɔ̀ ruu nɛɛ naa kpang ɓɛɛ.

Afisa 2:8

Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

1 Koranti 7:19

Naa zang yee shaa katɔ, naa zang yee shaa doo kpang, palɛ vuu ɓɔɔ kpang. Vuu ɓɔɔ ɓa weɓe nandon, zang ri dũng rɛɛ nyaa ɓɔɔ Laa dang ɓɛɛ.

Rooma 7:18

N zi tɔ ka bii shɔnzang mɛɛ tɔ̃ɔ ɓi kagn kpang. Ka ruu ɓɔɔ, naa n kasɛ doo katɔ ka yeti mɛɛ, n pálɛ́ tɔ̃ɔ, a n zunung palɛnang kaa takpang ɓɛɛ.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

Yakubu 1:4

Nɔɔ mã danggn nɔngkɔ sasak. Tɔ̀ɔ, nɔ́ɔ nwang kaa naa ɓɔɔ Laa kasɛ nɛɛ nɔɔ nwang ɓɛɛ, vuu tɔ̃ɔ ɓɔɔ yaa kagn ka nwannang manɛ kpang.

Luka 8:14

Jĩng vuu ɓɔɔ ri shili ka teteng kɔkɔ, ri nwang naa zang ɓɔɔ ri tãa Ruu Laa ɓɛɛ. Ri dũng kana, a rɛ̃rɛnang ka yuu vuu ɓɔɔ ka koo keɓe, nɛɛ vuu naa kasɛnang naa mulu Ruu Laa ɓɔɔ ri tãayi. A Ruu Laa ɓɔɔ ri tãayi nwang ri vuu ɓɔɔ kaa takpang.

Luka 8:16

“Zang mang waa zàáng sɔɔ ɓi jong, zang zuu nɛɛ gãntang kpang. Zang ti shing ka dii latãng kpang. Zang nɛɛ mang waa zàáng sɔɔ tɔ, zang shing ɓi ka yuu vuu lapa kɔ jong, tɔ̀ɔ, wu yakɛ zang ɓɔɔ kasɛ nɛɛ wu tu ka yeti gãa nɔng kati.

Rooma 8:25

Naa ruu shing gn ka vuu ɓɔɔ ruu zi gn kpang, ruu mã danggn, ruu gã vuu bìí.