Luka 5:20 - Nyaa Shɔɔ Ɓɔɔ Laa a Ɓɛɛ

²⁰ Ɓɔɔ Yeesɔ zi naa ɓɔɔ zang kaɓa ri shing danggn ka bii Kpanti Laa, a kɔɔ zang ɓɔɔ bii vɔ katɔ tɔɔ, “Masang, n yaa mɔɔ gbalang vuu shi kpang ɓaaɓɛ tɔ.”

Luka 5:20 Referans Kwoze

Zang Shonang Yeesɔ 14:9

Ɓaa shoo, tã̀á Ruu Laa ɓɔɔ Bulu kɔɔ ɓɛɛ. A Bulu shù wu jĩng ka bii, a zi danggn ɓɔɔ wu shing ɓɛɛ, daa naa ɓɔɔ zang masɛ wu tɔ.

Matiyu 9:2

A zang atɛ wu, zang ɓɔɔ bii ɓiɓɛ vɔ katɔ ɓɛɛ, zang ta ka laa. Yeesɔ zi naa ɓɔɔ zang kaɓa ri shing danggn ka bii Kpanti Laa, a kɔɔ zang ɓɔɔ bii ɓiɓɛ vɔ katɔ tɔɔ, “Jaa mɛɛ, mɔ́ɔ rɛ̃rɛ kpang. N yaa mɔɔ gbalang vuu shi kpang ɓaaɓɛ tɔ.”

Luka 7:48

A kɔɔ jaa soro tɔɔ, “N yaa mɔɔ gbalang vuu shi kpang ɓaaɓɛ tɔ.”

Kolosi 3:13

Nɔɔ mã gn nɛɛ zɔɔ. Zang ɓɔɔ nɛɛ lasɛ nɔɔ yeti, nɔɔ yàa zɔɔ gbalang katɔ. Nɔɔ yàa zɔɔ gbalang naa ɓɔɔ Laa yàa nɔɔ ɓɛɛ.

Yɔhana 2:25

daa naa ɓɔɔ zang ɓɔɔgn kɔɔ wu ruu shɔnzang kpang ɓɛɛ. Ka ruu ɓɔɔ Yeesɔ nɛɛ yuu ɓiɓɛ zi vuu ɓɔɔ shɔnzang rɛ̃rɛ ka yeti ɓarɛ tɔ ɓɛɛ.

Maraku 2:5

Yeesɔ zi naa ɓɔɔ zang dɛ̃ɛti kaɓa ri shing danggn ka bii ɓiɓɛ, a kɔɔ zang ɓɔɔ bii vɔ katɔ tɔɔ, “Man jaa, zang yaa mɔɔ gbalang vuu shi kpang ɓaaɓɛ tɔ.”

Yakubu 2:18

Zang ɓɔɔ kɔɔ ɓi nɛɛ, “Zang keɓe shing ɓi danggn ka bii Laa, a zang kaɓa palɛ ɓi vuu ɓɔɔ Laa kasɛ ɓɛɛ.” N kasɛ wu nyaa nɛɛ, “Zang ɓɔɔ zunung danggn shinnang katɔ, ka bii Laa a palɛ vuu tɔ̃ɔ kpang ya? N tusu mɔɔ nɛɛ n shing danggn ka bii Laa ka vuu ɓɔɔ n palɛ ɓɛɛ.”

2 Koranti 2:10

Zang piti ɓɔɔ nɔɔ yaa wu gbalang vuu shi kpang ɓɔɔ wu palɛ ɓɛɛ, n yaa wu tɔ jong. Naa vuu ɓɔɔ kagn niizang, ɓɔɔ n nɛɛ yaa zang gbalang ɓiɓɛ katɔ ɓɛɛ, n yaa zang gbalang ɓiɓɛ tɔ ka tĩng Yeesɔ Kirisi ka ruu manɛ.

Zang Shonang Yeesɔ 11:23

Ɓɔɔ daa shɛ̃ɛ nɔng, a zi naa ɓɔɔ Laa á ri tĩnang tãanang tɔ, tãa tĩnang jong. A mã ri danggn nɛɛ ri dũng Laa nɛɛ yeti ɓarɛ nandon.

Yɔhana 5:14

Nɛɛ knti, Yeesɔ ĩi wu ka yeti Gãa Laa, a kɔɔ wu tɔɔ, “Zirɛ, kɔnang ɓaaɓɛ yàa mɔɔ nɔng tɔ, mɔɔ palɛ vuu shi kpang takpang. Ka ruu ɓɔɔ, vuu ɓɔɔ ɓa weɓe katɔ nɛɛ palɛ mɔɔ ɓɛɛ.”

Matiyu 9:5

Ɓɔɔ kpãa kpang ka teteng yee keɓe kiya, ɓɔɔ zang kɔɔ nɛɛ, ‘Zang yaa mɔɔ gbalang vuu shi kpang ɓaaɓɛ tɔ.’ Nɛɛ ɓɔɔ zang kɔɔ nɛɛ, ‘Seepaa ta, mɔɔ rarɛ wiya’?