Luka 12:42 - Nyaa Shɔɔ Ɓɔɔ Laa a Ɓɛɛ

⁴² A kpanti kasɛ wu nyaa tɔɔ, “Ɓu wi zang shonang tɔ̃ɔ, a ti zũng katɔ wiya? Ɓɔɔ zang gãa ɓiɓɛ yaa wu gãa ka naa, nɛɛ wu alɛ zang vuu shaanang ka laa vuu shaanang ɓarɛ wiya?

Luka 12:42 Referans Kwoze

Yahudi 13:17

Nɔɔ ɓaa shoo ka nyaa rɛɛ zang bang manɛ, nɔɔ palɛ vuu ɓɔɔ ri kɔɔ nɔɔ ɓɛɛ. Ka ruu ɓɔɔ, rikɔ gãng jĩng ka nɔɔ ɓɛɛ, ri ti naa kɔɔ Laa naa ɓɔɔ ri yiti nɔɔ ditɔ ɓɛɛ. Ri pálɛ́ shonang keɓe nɛɛ tĩnang tãanang, wu nɛɛ yeti lasɛnang kpang. Ka ruu ɓɔɔ, naa ri palɛ nɔngkɔ, nwàng nɔɔ vuu ɓɔɔ kpang ɓɛɛ.

Yahudi 13:7

Danggn wu ning nɔɔ zang bang manɛ ɓɔɔ ri ràng nɔɔ yee Laa ɓɛɛ kpang. Nɔɔ pɛ̃́ɛrɛ́ vuu ɓɔɔ nwannang ɓarɛ nwàng ri ɓɛɛ, nɔɔ màsɛ̀ danggn shinnang ɓarɛ.

2 Timoti 4:2

Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.

1 Timoti 5:17

Zang bang ɓɔɔ ri gãng jĩng ka zang ɓɔɔ ri dũng Laa ɓɛɛ. Ri nɛɛ palɛ shonang tɔ̃ɔ, zang shu ri saka tìng ziti. Zang ɓɔɔ shonang ɓarɛ ɓi Ruu Laa kɔɔrɔnang nɛɛ vuu tusunang, zang wu shu rikɔ nɔngkɔ gbãng gbãng.

1 Bituru 4:10

Laa palɛ nɔɔ tɔ̃ɔ tɔ ka gbalang náabm̀ náabm̀. Laa a zang ɓu naa vuu palɛnang wu palɛ vuu ka zɔ̃ng zɔ̃ng. Ka ruu nɔngkɔ, zang ɓu wu palɛ tɔ̃ɔ, wu palɛ shonang nɛɛ naa ɓɔɔ Laa a wu, wu yi zang ɓɔɔ naa ka bii.

Titu 1:7

Ka ruu ɓɔɔ, zang bang Gãa Laa gãng jĩng ɓi ka shonang Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Wu tuu yuu kpang, wu ti ta yeti gbãngko kpang. Wu zang ɓɔɔ sàa si wu kpang, wu zang ɓɔɔ laa nyaa kpang. Wu ti zang ɓɔɔ shing jĩng ka saka kãanang ɓɛɛ kpang, a wu ti zang ɓɔɔ shaa varɛ dɔɔli kpang.

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Matiyu 20:8

“Kaa nɛɛ làa nyaa vàa, yɔɔ jaa kɔɔ zang bang zang shonang, ɓiɓɛ tɔɔ, ‘Ɓaa zang shonang nyaa ta, mɔɔ shu ri saka shonang ɓarɛ. Gaayu nɛɛ zang doo knti kɔ shɔɔnang, tɔ̀ɔ mɔɔ naa hangsɛ nyaa ka nɛɛ zang ɓɔɔ ri a tĩng shɔɔnang ɓɛɛ.’

Yahudi 3:5

Musa nwáng zang ɓɔɔ zang shing gn katɔ ka bii ɓiɓɛ ɓɛɛ, ka gãa Laa nandon ka shonang ɓɔɔ wu palɛ ɓɛɛ, tɔ̀ɔ, wu kɔɔ ruu kaa yuu vuu ɓɔɔ Laa naa kɔɔ ka tĩng ɓɛɛ. A wu ɓi kaa zang ɓɔɔ palɛ shonang waati.

1 Timoti 3:15

Vuu ɓɔɔ nɛɛ suu m kã̀ng anang, labeenang keɓe, wu kɔ̀ɔ mɔɔ naa ɓɔɔ zang ri nwang ka yeti Gãa Laa ɓɛɛ. Gãa Laa keɓe, ɓi wukɔ zang ɓɔɔ ri dũng Laa ɓɛɛ. Laa ɓɔɔ nwang ɓi ningkãari dòndòng ɓɛɛ. Zang keɓe, kaa rikɔ doo gãa nɛɛ vuu ɓɔɔ yiti ruu ɓɔɔ niizang ɓɛɛ.

Luka 7:13

Ɓɔɔ Yeesɔ zi suvɔ ɓɔɔ jaa ɓiɓɛ vɔrɛ, gn ɓiɓɛ kɔng wu, a kɔɔ wu tɔɔ, “Mɔɔ kaa kpang.”

Matiyu 13:52

Yeesɔ kɔɔ ri tɔɔ, “Ka ruu nɔngkɔ, zang piti ɓɔɔ zi labeenang Laa, a ti zi naa ɓɔɔ Laa naa roo kpanti, zang keɓe nwang naa zang gãa ɓɔɔ nwangsɛ vuu shɔɔ nɛɛ ɓɔɔ gbaala nɛɛ nɔng ɓɔɔ wu tɛ̃ɛ vuu ɓiɓɛ ɓɛɛ.”

Luka 7:19

A Yɔhana ɓaa nyaa ka zang ɓɔɔ ri mantɛ vuu ka bii ɓiɓɛ ziti, a shong ri ka bii Yeesɔ. Yɔhana tɔɔ, ri daa hɛ̃ɛ Yeesɔ nɛɛ, “Wukɔ zang ɓɔɔ zang tɔɔ naa a ɓɛɛ ya? Kɔ, ruu gãng jĩng ka zang ɓɔɔgn?”

Luka 12:43

Tĩnang tãanang ɓi ɓɔɔ zang shonang kaɓa kɔ. Zang gãa ɓiɓɛ nɛɛ arɛ, nɛɛ naa ĩi wu palɛ shonang bìí kana ɓɛɛ.