Luka 12:30 - Nyaa Shɔɔ Ɓɔɔ Laa a Ɓɛɛ

³⁰ Zang ɓɔɔ ri dũ̀ng Laa kpang ka koo keɓe, ri shing jĩng ka vuu keɓe kɔ. Daa manɛ zi ɓi tɔ nɛɛ nɔɔ kasɛ veɓe katɔ.

Luka 12:30 Referans Kwoze

Matiyu 6:32

Ɓi zang ɓɔɔ ri dũng Laa kpang kɔ, ri shing jĩng ka vuu keɓe. A Daa manɛ ɓɔɔ ka lapa zi tɔ nɛɛ nɔɔ kasɛ vuu keɓe katɔ piti.

Matiyu 6:8

Ka ruu nɔngkɔ, nɔ́ɔ palɛ manɛ nɔngkɔ kpang. Ɓɔɔ nɔɔ gàa tɔɔsung nyaa puunang gn kpang, Daa manɛ zi vuu ɓɔɔ nɔɔ kasɛ ɓii tɔ.

Afisa 4:17

N kɔɔ vuu keɓe nɛɛ nung Kpanti Yeesɔ, n ti shaarɛ nɔɔ nyaa. Nɔ́ɔ nwàng nwannang manɛ tɔ̀ɔ́ naa zang ɓɔɔ ri zi Laa kpang, kpang. Zang ɓɔɔ rɛ̃rɛnang ɓarɛ daa naa ɓi kpang tɔ̃ɔri ɓɛɛ.

Luka 12:32

“Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.

Matiyu 18:14

Daa manɛ ɓɔɔ ka lapa, nwang doo nɔngkɔ. Kasɛ nɛɛ jaa tɔkɔlɔng gbete ka teteng wujɛ seseere keɓe, wu shaarɛ kpang.

1 Tesalonika 4:5

Wu ka gbalang dũndũng palɛnang kpang, naa zang ɓɔɔ ri zi Laa kpang ɓɛɛ.

Matiyu 10:20

Nɔkɔ daa rang yee kpang, ɓi Suru Daa manɛ kɔ daa rang nɛɛ nyaa manɛ.

Matiyu 5:47

Naa nɔɔ ti jee rɛɛ ɓaazung kɔ nyaa shɛ̃ɛning, nɔɔ ɓa rɛɛ zang ɓɔɔ ɓu kaa nɛɛ viya? Zang ɓɔɔ ri dũng Kpanti Laa kpang, ri palɛ ɓu doo nɔngkɔ kpang ya?

Yɔhana 20:17

Yeesɔ kɔɔ wu tɔɔ, “Mɔ́ɔ yi m naa gn bii kpang, ka ruu ɓɔɔ, n gbãayu gn lapa ka bii Daa mɛɛ kpang ɓɛɛ. Dàa ka bii rɛɛ manzung, mɔɔ daa kɔɔ ri nɛɛ, N gbãayu kana ka bii Daa mɛɛ ɓɔɔ dòo Daa manɛ kɔ ɓɛɛ, Laa mɛɛ, ɓɔɔ ti dòo Laa manɛ kɔ ɓɛɛ.”

Matiyu 6:1

“Nɔɔ gãng jĩng ka naa ɓɔɔ nɔɔ palɛ vuu tɔ̃ɔ manɛ ning. Nɔ́ɔ pálɛ̀ ka ruu ɓɔɔ, tɔɔ zang ri zi nɔɔ ɓɛɛ kpang. Ka ruu ɓɔɔ, naa nɔɔ palɛ nɔngkɔ, Daa manɛ ɓɔɔ ka lapa naa a nɔɔ vuu ɓɔɔ wu kasɛ nɛɛ wu á nɔɔ ɓɛɛ takpang.

Luka 12:29

“Nɔ́ɔ nyɔ yuu manɛ nɛɛ nɔɔ rɛ̃rɛ ka ruu vuu ɓɔɔ nɔɔ shaayi, nɛɛ vuu ɓɔɔ nɔɔ ɓoo ɓɛɛ kpang.

Luka 12:31

Nɔɔ shíng danggn ka kpanti ɓɔɔ Laa roo ɓɛɛ kɔ jong. A nɔɔ vuu keɓe ditɔ kagn nandon.